Ọbe ri Pọl si rhe Ihwo ri Rom 12:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Ọbe ri Pọl si rhe Ihwo ri Rom 12:9 Referans Kwoze

Une rẹ Ejiro 34:14

Bi oma kẹ umiovwo, ru ọ re esiri, guọnọ ufuoma, re wọ vwọ tua.

1 Pita 4:8

Ọ rọ marho ejobi ovwan vwo ẹguọnọ kẹ ohwohwo, kidie ẹguọnọ rhurhu imwemwu buebu.

1 Timoti 1:5

obo rẹ avwanre nẹ vwẹ idjedje rẹ avwanre hẹ ẹguọnọ ro nẹ omamọ rẹ udu rhe kugbe evun esiri kugbe uvi re esegbuyota.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Tẹsalonaika 5:21

Davwe emu kemu ejobi ni; churu obọ mu obo ri yovwiri,

Une rẹ Ejiro 101:3

Mi che se mu emu ọvuọvo phihọ obaro mẹ rọ pha farhiẹ farhiẹ-ẹ. Mi tuoma rẹ otu ri she kufia, ọ gbe cha gbane ovwẹ-ẹ.

Une rẹ Ejiro 97:10

Ọrovwohwo guọnọ ihwo ri tuoma re umwemwu; ọ serọ rẹ arhọ re ihwo efuanfon rọye; o sivwi ayen nẹ obọ re ihwo umwemwu.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.

2 Kọrẹnt 8:8

Me ta ọnana ọ dianẹ kerẹ urhi-i, ẹkẹvuọvo re vwo dje ọdavwẹ rọye kẹ ihwo efa nẹ ẹguọnọ rẹ ovwan ghine omamọ rhe.

1 Tẹsalonaika 5:15

We jẹn ohwo vwẹ umwemwu hwa osa rẹ umwemwu-u, ẹkẹvuọvo guọnọ emu esiri ru kẹ ohwohwo kugbe ihwo ejobi.

2 Kọrẹnt 6:6

vwẹ evun ẹfuọn, erianriẹn, odiri, arodọvwẹ, Erhi Ọfuanfon na, omamọ rẹ ẹguọnọ,

Hibru 1:9

Ọvwata wọ guọnọ ozighi tu we oma; kọye Ọghẹnẹ, Ọghẹnẹ wẹn na, vwọ vwẹ evwri te we evwri rẹ aghọghọ ru wọ vwọ rho nọ otu wẹn.

Une rẹ Ejiro 119:104

Vwe oma rẹ iji wẹn mi de vwe ẹruọ; vwẹ ọtiọye na oma rẹ idjerhe umwemwu ko tu vwe.

Izikiẹl 33:31

Ayen ki bru we rhe kirobo rẹ ihwo cha, ayen ki che tidia kẹrẹ owẹ kerẹ ihwo mẹ, ayen ki nyo obo ru wo ta ẹkẹvuọvo yẹ ayen ruo-o, kidie ẹbẹrunu ọye ẹguọnọ rẹ ayen epha, ẹkẹvuọvo yẹ ayen vwẹ udu rayen kpahe erere rayen cha mrẹ.

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Une rẹ Ejiro 119:163

Oma re efian tu vwe me gha, ẹkẹvuọvo me guọnọ urhi wẹn.

Isẹ 26:25

Ọke rọ da vwẹ unu biẹnbiẹn wo se gbuyota-a, kidie uruemu ẹgua ighwrẹ hẹ udu rọye.

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Une rẹ Ejiro 36:4

O de Shevwerhẹ ehwa rọye yọ jẹ iroro umwemwu, o phi oma rọye phihọ idjerhe ro je yovwo, ọ sa jẹ umiovwo fia-a.

1 Tẹsalonaika 2:3

Kidie uyono rẹ avwanre ghwa rhe dia ọchọchọ-ọ eyẹ ọ rẹ ijefuọ-ọn, eyẹ ọ rẹ ophiẹvwe-e.

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iyẹnrẹ Esiri ri Jọn 12:6

Ọnana ọ tare, ọ dianẹ kọ davwerhọn rẹ ivwiogbere na-a, ẹkẹvuọvo oji o ruẹ, ekpeti rẹ igho na vwo rhe na kọ wanvwiẹ obo re hẹ evun rọye.

Une rẹ Ejiro 45:7

Wọ guọnọ ọvwata uvumwemwu tu we oma Fiki rẹ ọtiọye na Ọghẹnẹ rẹ Ọghẹnẹ wẹn na, vwọ vwẹ evwri ghworo uwe evwri rẹ aghọghọ ru wọ vwọ rho nọ otu wẹn,

Matiu 26:49

Siẹvuọvo na o de ghwe bru Jesu rhe, o de yere, nẹ, Do, Onini, ọ da fiọnfiọn unu.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.