Ọbe ri Pọl si rhe Ihwo ri Rom 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ọbe ri Pọl si rhe Ihwo ri Rom 12:2 Referans Kwoze

1 Pita 1:14

Kerẹ emọ ri muẹ ọghọ, ovwan rha gba oma vwra urhuru sivwe rẹ ughẹghẹ rẹ awanre-e,

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Ẹfesọs 5:17

Vwẹ eriyin na we gbi ghẹ-ẹ, ẹkẹvuọvo we gbe vwo ẹruọ rẹ obo rẹ ọhọre rẹ Ọrovwohwo epha.

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

1 Pita 4:2

vwẹ ọtiọye na ovwan ki yere akpọ rẹ ovwan ro chekọ ọ gbe dia ọ rẹ urhuru sivwe rẹ ugboma ọfa-a ẹkẹvuọvo kẹ ọ rẹ ọhọre rẹ Ọghẹnẹ.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Iyẹnrẹ Esiri ri Jọn 15:19

Ọ da dianẹ ovwan kẹ e rẹ akpọ na, akpọ na ka guọnọ erobọ rọye; ẹkẹvuọvo fikiridie ovwan rha dia e rẹ akpọ na-a na, ẹkẹvuọvo me jẹ ovwan nẹ evun rẹ akpọ na, kọye akpọ na vwo tuoma rẹ ovwan na.

Une rẹ Ejiro 51:10

Ma udu ọfuanfon phihọ evun mẹ, E Ọghẹnẹ ru wo phi erhi ọkpokpọ wẹn phihọ udu mẹ.

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Taitọs 3:5

o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Iyẹnrẹ Esiri ri Jọn 17:14

Me vwẹ ota wẹn vwọ kẹ ayen; akpọ na de tuoma rẹ ayen fikiridie ayen dia e rẹ akpọ na-a, mrẹmrẹ kirobo re me je dia ọ rẹ akpọ na-a na.

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Une rẹ Ejiro 34:8

E davwe re wọ mrẹ nẹ Ọrovwohwo yoma! Aghọghọ dia kẹ ohwo ro sioma nu vwẹ evun rọye!

1 Jọn 3:13

Imoni mẹ, akpọ na de tuoma rẹ ovwan, e jo gbe ovwan unu-u.

1 Tẹsalonaika 4:3

Kidie ọnana hẹ ọhọre rẹ Ọghẹnẹ, kọye hẹ orufuọn rẹ ovwan; nẹ we siobọ nẹ igberadja;

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

Ẹfesọs 1:18

Ọke rẹ ẹro rẹ udu rẹ ovwan de rhie nu, ovwan vwọ sa riẹn obo rẹ iphiẹrohọ rẹ use re se ovwan phihọ na epha, obo rẹ urinrin rẹ ukuẹriọ bute kẹ ihwo efuanfon na.

2 Pita 2:20

Kidie ọ da dianẹ ọke rẹ ayen vwọ vabọ rẹ ẹgua rẹ akpọ na vwẹ oma rẹ erianriẹn rẹ Ọrovwohwo kugbe Osivwi rẹ avwanre Jesu Kristi, ayen da rhoma she phihọ ufi rẹ ayen rọ da pẹtiẹ ayen, eyenre rẹ ayen vwẹ ukuko na kọ rhoma miovwi nọ ọ rẹsosuọ.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Une rẹ Ejiro 119:174

Urhuru rẹ esivwo wẹn si vwe, E Ọrovwohwo, urhi wẹn ọye omavwerhe mẹ.

Galesha 1:4

ohwo rọ reyọ oma rọye vwo ru ẹse kẹ avwanre rere ovwo se sivwi avwanre nẹ umwemwu rẹ akpọ nana vwẹ ọtiobo ro de fo kẹ ẹserọphẹ rẹ Ọghẹnẹ rẹ ọsẹ rẹ avwanre.

1 Kọrẹnt 3:19

Kidie aghwanre rẹ akpọ nana hẹ ẹkpa vwẹ obọ rẹ Ọghẹnẹ. Kidie e siro, O muẹ ọvwaghwanre vwẹ evun rẹ aghwanre rọye,

Une rẹ Ejiro 119:128

Fiki rẹ ọtiọye iji wẹn kọye mi vwo sun ichiyi mẹ; mi tuoma rẹ idjerhe kidjerhe re efian.

Ọbe ri Pọl si rhe Ihwo ri Rom 7:22

Kidie oma rẹ urhi rẹ Ọghẹnẹ vwerha ovwẹ, vwẹ obo otọ rẹ evun mẹ,

Une rẹ Ejiro 119:97

E, mavọ me guọnọ urhi wẹn te! Ọye mi roro vwẹ ẹdẹ na ejobi.

Une rẹ Ejiro 119:72

Urhi re unu wẹn yovwi ke vwẹ no oro kugbe idọnọ uriori.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

Ẹyano 23:2

Wọ vwẹ ẹro kerẹ otu ri ruẹ imwemwu-u; eyẹ wo se iseri rẹ eku vwẹ ẹdjọ-ọ, wọ vwẹ ẹro kerẹ otu, rere wo ku ẹdjọ rhẹriẹ-ẹ,

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

1 Pita 2:3

kidie ovwan davwe arodọvwẹ rẹ Ọrovwohwo nure.

Une rẹ Ejiro 119:103

Mavọ ota wẹn vwerhe kẹ vwẹ te, ọ vwerhe nọ ọnyọn kẹ unu mẹ!

Ọbe ri Pọl si rhe Ihwo ri Rom 7:12

Ọtiọye na urhi na kẹ ọfuanfon, iji na ke je hẹ ọfuanfon ọsoso yoyovwi.

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

1 Pita 1:18

Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Ọbe ri Pọl si rhe Ihwo ri Rom 7:14

Avwanre riẹnre nẹ urhi na ọ rẹ erhi; ẹkẹvuọvo mẹvwẹ ugboma, ra shẹ kẹ umwemwu.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ezra 10:11

Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Iyẹnrẹ Esiri ri Mak 4:19

Rẹ ẹnwan rẹ akpọ, kugbe ophiẹvwe rẹ efe, vẹ urhuru sivwe rẹ emuefa rhe vwọ ruọ, rhi keke ota na, ọ gbe rha mọ emamọ-ọ.

Kolose 1:9

Vwẹ ọtiọye na, rhanwẹ ọke rẹ avwanre vwo nyo ikun nana unu rẹ avwanre rha ka vẹ ẹrhovwo ra nẹ kẹ ovwa-an, rere evun rẹ ovwan sa vwọ vọn vẹ erianriẹn rọye, vẹ iroro rẹ erhi na kugbe rere ovwan vwo vwo ẹruọ rẹ ota rọye.