Ọbe ri Pọl si rhe Ihwo ri Rom 12:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

Ọbe ri Pọl si rhe Ihwo ri Rom 12:16 Referans Kwoze

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

Isẹ 3:7

Wo roro nẹ wẹ ọvo re ghwanre-e, djẹ oshọ rẹ Ọrovwohwo, rere wo jẹ umwemwu vwo;

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Aizaya 5:21

Ekan ke ihwo re ghwanre kẹ omaobọ rayen, ri vwọ ọhọ kẹ omobọ rayen ọvo!

Ọbe ri Pọl si rhe Ihwo ri Rom 15:5

Asakiephana Ọghẹnẹ rẹ erhiori kugbe uchebro ru ovwan vwọ dia evun ọvo, vwẹ oma ri Jesu Kristi,

Ọbe ri Pọl si rhe Ihwo ri Rom 12:3

Fiki rẹ ẹserọphẹ ra vwọ kẹ vwẹ me rẹ ohwo ọvuọvo vwẹ ohri rẹ ovwan nẹ e jẹn ohwo ọvo rhe roro oma rọye rhuarho nọ obo rọ epha jovwọ-o, ẹkẹvuọvo ovwan vwẹ oma kpotọ dẹndẹn, ọvuọvo kerẹ ọtiẹ esegbuyota rẹ Ọghẹnẹ vwọ kẹ.

1 Kọrẹnt 3:18

E jẹn ohwo ọvuọvo phiẹn oma rọye-e. Ọ da dianẹ ohwo ọvo vwẹ ohri rẹ ovwan na rori nẹ ọye ghwanre vwẹ oge nana, e gbe jẹn ọ rhoma dia ẹkpa rere ọ ke rhoma ghwanre.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Iyẹnrẹ Esiri ri Luk 14:13

Ẹkẹvuọvo wẹ da re orẹ, se ivwiogbere, ikruabọ, ikpono, irhuẹro,

Isẹ 26:12

Wọ mrẹ ohwo rọ ghwanre kẹ omobọ rọye? iphiẹrohọ herọ kẹ ẹkpa nọ ohwo yena.

1 Kọrẹnt 8:2

Ọ da dianẹ ohwo ọvo roro kẹ oma rọye nẹ ọye riẹn emuọvo, yọ je riẹn kirobo ra riẹn te jovwo-o.

1 Kọrẹnt 6:5

Me ta ọnana rere oma vwọ vo ovwan. Kọye ohwo rọ ghwanre ọvuọvo rha hẹ ohri rẹ ovwan ro se brorhiẹ rẹ imoni na,

Jerimaya 45:5

Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Filipae 4:2

Me rẹ Eyudia me rẹ Sintiki rere ayen ivẹ na ku evun gbe vwẹ odẹ rẹ Ọrovwohwo.

1 Kọrẹnt 4:10

Avwanre kẹ ẹkpa fiki ri Kristi, ẹkẹvuọvo ovwan ghwanre vwẹ evun ri Kristi. Avwanre evwiẹrẹ, ẹkẹvuọvo ovwan ganre. E mu ọghọ kẹ ovwan, ẹkẹvuọvo a phọphọ avwanre.

Iyẹnrẹ Esiri ri Luk 6:20

Ọ da kpare aro kpenu ni idibo rọye, ọ da ta: Ebruba kẹ ovwan ivwiogbere, kidie uvie rẹ Ọghẹnẹ kọ dia ọ rẹ ovwan.

Matiu 26:11

Kidie igbere na vẹ ovwan re dia vwẹ ọke ejobi, ẹkẹvuọvo me vẹ ovwan sa dia vwẹ ọke ejobi-i.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

1 Pita 5:3

Ọ dianẹ ke do ku ayen otu ra vwọ kẹ wẹ yọnre na-a ẹkẹvuọvo dia oniru kẹ uchuru na.

Filipae 3:16

Uche asan rẹ avwanre riẹn te na e gbe jẹ a yọnrọn ọyena gan.

Filipae 1:27

Ọvo na gbe jẹn eyere rẹ ovwan fo kẹ iyẹnrẹ esiri ri Kristi na, kọye owenẹ me rhere rhe mrẹ ovwan eyẹ mi vwo jẹ cha, jẹ uvwe nyo nẹ ovwan mudia gan vwẹ erhi ọvo, vẹ udu ọvo vwọ pharha kuẹgbe vwẹ esegbuyota rẹ iyẹnrẹ esiri na.

1 Kọrẹnt 1:10

Me rẹ ovwan, imoni mẹ, vwẹ odẹ rẹ Ọrovwavwanre Jesu Kristi, nẹ ovwan ku evun gbe nẹ ohẹriẹ rha dia vwẹ ohri rẹ ovwa-an, ẹkẹvuọvo rere ovwan ku evun gbe ọvo rere we bru orhiẹ ọvo.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Jerimaya 32:39

Me cha kẹ ayen udu ọvo vẹ idjerhe ọvo, rere ayen vwọ djẹ oshọ mẹ bẹdẹ, fiki rẹ erhuvwu rayen, vẹ erhuvwu rẹ emọ rayen re cha vwẹ obuko.

Isẹ 19:22

Obo ra guọnọre vwẹ obọ rẹ ohwo rha vrẹn ọghọ emuo-o, ovwiogbere yovwi nọ ọvwọrefian.

Isẹ 19:17

Ohwo ro ru ẹse kẹ ovwiogbere ru ro kẹ Ọrovwohwo na, kọye cha hwa osa rẹ iruo rọye kẹ.

Isẹ 19:7

Imoni ro ogbere ejobi muẹ kpahọ; komavọ yẹ igbeyan rọye yan jovwo sheri te! Ọ vwẹ ota guọnọ ayen, ẹkẹvuọvo i se te obọ-ọ.

ỌBE RẸ JOB 36:5

Nighe, Ọghẹnẹ ọgba oruẹ, o nẹ ihwo saka-a; o vwo ẹgba vwẹ ogangan rẹ erianriẹn

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

3 Jọn 1:9

Mi si emu ọvo rhe ishọshi na; ẹkẹvuọvo Diotrifis ro muẹ oma kpenu na, rha rhọvwe phihọ ogangan rẹ avwanre-e.

Ọbe ri Pọl si rhe Ihwo ri Rom 6:2

Kaka vwo! Komavọ avwanre ri ghwu kẹ umwemwu obọvo nure na rhe vwo ru imwemwu ọfa?

Isẹ 17:5

Ohwo rọ vwẹ ovwiogbere jehwe ọ je vwẹ Ọrọmarọ jehwe, ohwo rọ ghọghọ okpetu rẹ ohwo ofa che fiabọ rẹ ehwe-e.

Isẹ 26:5

Kpahe kẹ ẹkpa kirobo ro ghẹ te, o de rhe ni oma rọye nẹ ọye ma ghwanre.

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.