Ọbe ri Pọl si rhe Ihwo ri Rom 12:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Ọbe ri Pọl si rhe Ihwo ri Rom 12:13 Referans Kwoze

Hibru 13:16

Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

2 Kọrẹnt 9:12

kidie iruo nana ru we ruru na ọ dia ọkarovwẹ rẹ ihwo efuanfon na ọvo o fueri-i ẹkẹvuọvo ọ nẹrhẹ ẹkpẹvwẹ buebu bru Ọghẹnẹ ra.

1 Jọn 3:17

Ẹkẹvuọvo ọ da dianẹ ohwo vwo efe rẹ akpọ na ejobi rọ da mrẹ omoni rọye rẹ akpọ bẹn, ro de chuko kuo, komavọ ẹguọnọ rẹ Ọghẹnẹ vwọ sa dia evun rọye?

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

1 Pita 4:9

Ovwan ghọ erhorha we guẹ-ẹ.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Hibru 13:2

E jẹn erhorha ẹghọ chọrọ ovwan ẹro-o, kidie ọtiọye na evo vwọ vwẹ emakashe roro erhorha ghẹre.

1 Timoti 3:2

Osun na rhe vwo ekan vwẹ oma-a, ẹsiẹvo goi ọ rọvwọ, fuefu, ro vwo iroro, ohwo vẹ udidi, ro ru ẹse, rọ goma rẹ uyono,

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

Matiu 25:35

Kidie owẹvwe hwe vwe wọ da kẹ vwẹ emu re; urhuru rẹ ame hwe vwe wọ da kẹ vwẹ ame da; me vwọ hẹ ọrhorha wo de se vwe te uwevwi;

Filimọn 1:7

Kidie ẹguọnọ wẹn, oniọvo mẹ, vwẹ uchebro vẹ aghọghọ kẹ vwẹ, enana ejobi da vwẹ omavwerhe kẹ udu rẹ ihwo efuanfon na.

Taitọs 1:8

ẹkẹvuọvo o ru ẹse, ivun rẹ erhuvwu vwerhọ, o se sun oma rọye rọ dia ohwo rẹ ọsoso, fuanfon, dẹndẹn;

2 Kọrẹnt 9:1

Asakiephana vwo kpahe arhọghọ re toro rhe ihwo efuanfon na, o rhe fo rere mi si ọbe rhe ovwa-an,

Iruo rẹ Iyinkọn na 10:4

Ọ da tẹrovio vẹ uguegue, ọ da ta, Didi emu Ọrovwohwo? Ọ da ta kẹ, Ẹrhovwo wẹn kugbe ẹse wẹn rhi mudia họ ekarohọ vwẹ obaro rẹ Ọghẹnẹ.

Iruo rẹ Iyinkọn na 4:35

Ayen da ghwẹ ayen phihọ awọ rẹ iyinkọn na; a da gharọ kẹ ohwo ọvuọvo rẹ emu kanre.

1 Kọrẹnt 16:15

Asakiephana, imoni, ovwan riẹnre nẹ evwruwevwi ri Stifanas eye hẹ ihwo rẹsosuọ ri kurhẹriẹ vwẹ Akaya, ayen da vwẹ oma rẹ ayen phihọ otọ vwọ kẹ ẹga rẹ ihwo efuanfon na;

Ọbe ri Pọl si rhe Ihwo ri Rom 12:8

ọ ro bruche, o ghwe nene uchebro rọye; ọ ro ru ẹse, o ghwe rhie abọ ruo; ọ rọ cha uko, e jo ruo vẹ oruru; ọ ro nẹ aruẹdọn, ọ vwẹ omavwerhovwẹ ruo.

Une rẹ Ejiro 41:1

Ebruba ke ohwo ro roro ovwiogbere! Ọrovwohwo se sivwo vwẹ ọke rẹ ukpokpogho;

2 Samuẹl 17:29

ọnyọn kugbe evwri kugbe igegede vẹ ame rẹ ivie nẹ e re; fikiridie ayen tare, nẹ, owẹvwe hwe ihwo na, oma ghwọrọ ayen urhuru rẹ ame hwe ayen vwẹ aghwa na.

Ivie rẹ Ivẹ 4:10

E jẹn avwanre bọn umuwevwi kẹ, rere e mu ehwa, emẹjẹ, agbara vẹ urhukpẹ phihọ kẹ, rere ọke ro de bru avwanre rhe o wo phihọ etiyin.

Isẹ 31:20

O rhiẹ abọ rọye kẹ ivwiogbere, ihwo rẹ akpọ bẹn mrẹ mie.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

3 Jọn 1:5

Ọ rọ ghare, mi nyo usi rẹ emu esiri ru wo ru kẹ imoni na, marho kẹ erhorha na,