Ọbe ri Pọl si rhe Ihwo ri Rom 12:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

Ọbe ri Pọl si rhe Ihwo ri Rom 12:12 Referans Kwoze

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Hibru 10:36

Kidie o fori re we chirako, rere we vwo se ru ọhọre rẹ Ọghẹnẹ re we vwo obo ro veri na.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

Jems 5:7

Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Hibru 6:15

Rẹ Ebraham, vwọ vwẹ erhiori hẹrhẹ, ive na de te obọ.

Hibru 6:12

Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

Hibru 12:1

Fiki rẹ eriyin na, re avwanre vwọ mrẹ nẹ iseri buebu riariẹ avwanre phihọ na, e gbe jẹn avwanre won oghwa koghwa, kugbe umwemwu rọ gba avwanre na phihọ otọ, e gbe jẹn avwanre vwẹ erhiori djẹ onẹ rọ hẹ obaro na,

Kolose 4:2

Ovwan phi obọ phihọ ẹrhovwo ẹnẹ, rhẹrẹ rere ovwan kpẹvwẹ.

2 Tẹsalonaika 3:5

E jẹ Ọrovwohwo sun udu rẹ ovwan kẹ ẹguọnọ rẹ Ọghẹnẹ rere ovwan mudia gan kẹ Kristi.

1 Tẹsalonaika 5:8

Ẹkẹvuọvo, rẹ avwanre vwọ dia emọ rẹ uvo na, e gbe jẹ avwanre vwẹ ẹro kpẹn, rere wa vwẹ esegbuyota vẹ ẹguọnọ ru aghighọ ku phihọ, wa rha vwẹ esivwo ru erhu vwo tughẹ.

Iruo rẹ Iyinkọn na 1:14

Enana ejobi na de kuevun kugbe nẹ ẹrhovwo, vẹ eya na vẹ Meri rẹ oni ri Jesu, vẹ iniọvọ ri Jesu rẹ eshare.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Isẹ 10:28

Iphiẹrohọ rẹ ọvwata vọnre vẹ aghọghọ, ẹkẹvuọvo iphiẹrohọ rẹ ohwo umwemwu che vwo oba.

Hibru 10:32

Ẹkẹvuọvo gba karohọ ọke ri jovwo, ọke rẹ ẹro rẹ ovwan vwo rhie nu, wo de chirako rẹ ohọnre ọgangan vẹ oja,

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

Kolose 1:11

Ọtiobo rẹ ogangan rọye rho te na, kọ je kẹ ovwan ogangan vwi kemu kemu ejobi; re we vwo erhiori kugbe rere wa ghọghọ vwẹ evun rẹ oja.

Une rẹ Ejiro 109:4

Me guọnọ ayen jẹ ayen muẹ kpahe ovwẹ, ye me ghwa nẹ ẹrhovwo kẹ ayen.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Une rẹ Ejiro 40:1

Mi hwe oma mu hẹrhẹ Ọrovwohwo; ọ ka erhọn mẹ o de nyo oviẹ mẹ.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

2 Pita 1:6

erianriẹn vwọ ba oma ẹnyẹ vẹ emudiagan, emudiagan vẹ ẹfuọn,

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

2 Tẹsalonaika 1:4

Vwẹ ọtiọye na ekpuyovwi rẹ avwanre ke vwẹ ovwan yan eyan vwẹ evun rẹ ishọshi rẹ Ọghẹnẹ obo rẹ ovwan mudia gan te kugbe esegbuyota rẹ ovwan vwẹ evun rẹ imu rẹ ovwan kugbe ukpokpogho rẹ ovwan chirako rọye.

1 Kọrẹnt 13:13

Ọtiọye na esegbuyota, iphiẹrohọ, ẹguọnọ gba dia, enana erha na; ẹkẹvuọvo ọ rọ marho vwẹ enana kẹ ẹguọnọ.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

Iyẹnrẹ Esiri ri Luk 21:19

Akoechiro wẹn wọ cha vwọ mrẹ arhọ wẹn reyọ.

Iyẹnrẹ Esiri ri Luk 8:15

I ri she phiyọ otọ esiri na, ena ihwo re vwẹ udu esiri reyọ ota na, vwẹ evun rẹ erhiori ayen da mọ ubi.

Isẹ 14:32

E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Ọbe ri Pọl si rhe Ihwo ri Rom 8:25

Ẹkẹvuọvo avwanre de phiẹrohọ obo rẹ avwanre mrẹre-e, kẹ erhiori avwanre vwọ hẹrhẹ.

Taitọs 3:7

rere ọke rẹ ẹserọphẹ rọye de brorhiẹ kẹ avwanre nu, avwanre sa vwọ reuku rẹ iphiẹrohọ rẹ arhọ ri bẹdẹ.

2 Timoti 3:10

Asakiephana wọ nabọ ni uyono mẹ so, uruemu mẹ, obo ri mi nẹ vwẹ akpọ eyere mẹ, esegbuyota mẹ, odiri mẹ, ẹguọnọ mẹ, emuẹdiagan mẹ,

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

2 Kọrẹnt 12:8

Asiarha soso me rẹ Ọrovwohwo kpahe ọnana, nẹ o sio nẹ uvwe oma;

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Iruo rẹ Iyinkọn na 12:5

Eriyin na Pita da hẹ evu rẹ uwodi; ẹkẹvuọvo kọke kọke kọye ishọshi na vwọ rẹ Ọghẹnẹ kẹ.

Iruo rẹ Iyinkọn na 6:4

Rere avwanre ruiruo rẹ ẹrhovwo kugbe eghwoghwo rẹ ota na.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Iyẹnrẹ Esiri ri Luk 10:20

Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.

Matiu 5:12

Ghọghọ re oma vwerhe ovwan, kidie osa rẹ ovwan pha rhuarho vwẹ obo odjuvwu; kidie ọtiọye e ke kpokpo otu rẹ emraro re karo kẹ ovwan.