Ọbe ri Pọl si rhe Ihwo ri Rom 12:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Ọbe ri Pọl si rhe Ihwo ri Rom 12:10 Referans Kwoze

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Hibru 13:1

E jẹn ẹguọnọ rẹ iniọvo na dje ebuebuo.

1 Jọn 4:11

Imoni re ghare, ọ da dianẹ Ọghẹnẹ guọnọ avwanre te ọtiọye, avwanre ke je guọnọ ohwohwo rhe.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

Galesha 5:13

Imoni e se ovwan rhe egbemọphẹ; ovwan rha vwẹ egbemọphẹ rẹ ovwan na nenesi rẹ ugboma-a, ẹkẹvuọvo, vwẹ evun rẹ ẹguọnọ ovwan gbe odibo kẹ ohwoohwo.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Une rẹ Ejiro 133:1

Nighe, mavọ oyovwi te rọ vwerhe te re iniọvo da dia kugbe vwẹ okugbe!

1 Jọn 4:20

Ohwo da tanẹ, Me guọnọ Ọghẹnẹ, yo tuoma re oniọvo rọye, yẹ ọvwọrọn ofian o ruẹ; kidiẹ ohwo rọ sa guọnọ oniọvo rọye ro rhie ẹro mrẹ-ẹ, komavọ o ru sa guọnọ Ọghẹnẹ re jẹ sa mrẹ.

2 Pita 1:7

ẹfuọn vẹ ẹguọnọ rẹ imoni, ẹguọnọ rẹ imoni vẹ ẹguọnọ.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

Iyẹnrẹ Esiri ri Jọn 15:17

Ọnana mi ji kẹ owẹ, re ovwan guọnọ ohwohwo.

Ọbe ri Pọl si rhe Ihwo ri Rom 13:7

Jẹn ẹkẹn arhọghọ wẹn kẹ ayen, ọ ra hwa osa rẹ uyovwi kẹ hwa kẹ, ọ ra jẹ arhọghọ kẹ jẹ kẹ, ọ rẹ oshọ fori djẹ kẹ, ọ ro fo ọghọ vwẹ ọghọ kẹ.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Iyẹnrẹ Esiri ri Luk 14:10

Ẹkẹvuọvo e de se we, yanran re tidia asan ro kpotọ, rere siẹ rẹ ohwo ru wo wori na da rhe kọ ta kẹ owẹ, Oko, yanran kpo obo ro kpenu; etiyin re ku wo vwo ọghọ vwẹ obaro rẹ ayen ejobi re vẹ owẹ gbe tidia imẹjẹ na.

Matiu 20:26

Ọ sa dia ọtiọye vwẹ ohri rẹ ovwa-an. Ẹkẹvuọvo ohwo kohwo rọ guọnọ ọrho vwẹ ohri rẹ ovwan, e gbe jo gbe odibo;

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

Kolose 1:4

rẹ avwanre vwo nyo obo rẹ ovwan se Jesu Kristi gbuyota te, kugbe ẹguọnọ rẹ ovwan vwori kẹ ihwo efuanfon ejobi,

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

ỌBE RẸ JOB 1:4

Emọ rọye ki kpo orẹ vwẹ uwevwi rẹ ohwo ọvuọvo vwẹ ẹdẹ ro tere, ayen mi re se iniọvo rayen rẹ emetẹ erha na nẹ inene ayen re je da kugbe.

Jẹnẹsis 13:9

Ọ dia otọ na ejobi ri obaro wẹ na-a? Hẹriẹ oma wẹn nu vwe. Wo de kpo obọrhe, ki mi kpo obọhwẹre, eye wo de kpo obọhwẹre, ki mi kpo obọrhe.

Jerimaya 38:12

Etiyin Ebẹdmẹlẹk ohwo rẹ Ẹtiopia na, da ta kẹ Jerimaya, phi ebẹre emwa na kugbe ifi na phihọ aviavwe wẹn Jerimaya de ru ọtiọye.