Ọbe ri Pọl si rhe Ihwo ri Rom 11:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Asakiephana ọ da dianẹ urhi ẹchọ rayen da nẹrhẹ akpọ na fe, eshe rayen da nẹrhẹ ihwo ri Keferi fe, komavọ ọ dia jovwo ọ da dianẹ ayen mndia gan?

Ọbe ri Pọl si rhe Ihwo ri Rom 11:12 Referans Kwoze

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

Ọbe ri Pọl si rhe Ihwo ri Rom 11:15

Ẹsiọn rẹ ihwo ri Ju da nẹrhẹ arhuẹrẹ akpọ na kugbe, ẹreyọ rayen kẹ arhọ rẹ evrenushi?

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Ọbe ri Pọl si rhe Ihwo ri Rom 9:23

rere ọ vwọ mrasan dje efe rẹ urinrin rọye vwọ kẹ ekuakua rẹ arodọvwẹ, rọ mare jovwo vwọ kẹ urinrin,

Maika 5:7

Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Ọbe ri Pọl si rhe Ihwo ri Rom 11:33

E, nighe ekodo vẹ efe kugbe ẹghwanre vẹ erianriẹn rẹ Ọghẹnẹ! Mavọ orhiebro rọye gba te ono sa riẹn idjerhe ro neneri.

Iruo rẹ Iyinkọn na 3:21

Ohwo rẹ odjuvwu cha reyọ bẹsiẹ re vwo ru emu na ejobi gba rẹ Ọghẹnẹ wan unu rẹ emraro rẹ efuanfon rọye ta rhabae na gba.