Ọbe ri Pọl si rhe Ihwo ri Rom 10:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Komavọ ayen se ghwoghwo jokpa nẹ e ji ayen? kirobo re siro, mavọ awọ rẹ ayen otu ri ghwoghwo iyẹnrẹ esiri na yovwi te!

Ọbe ri Pọl si rhe Ihwo ri Rom 10:15 Referans Kwoze

Aizaya 52:7

Mavọ awọ rayen yovwi te vwẹ enu rẹ igbenu na ayen ihwo re ghwa ikun esiri na rhe, ri ghwoghwo ufuoma, rọ ghwa ikun esiri oyoyovwi, ri ghwoghwo esivwo, rọ ta kẹ Zayọn, Ọghẹnẹ wẹn herọ ria uvie.

Nahum 1:15

Nighe, vwẹ obenu rẹ ugbenu na gbe ni awọ rẹ ihwo re ghwa ikun esiri na cha; ri ghwoghwo ufuoma! Re ore wẹn, E Juda, gbe ru ive wẹn gba, kidie ohwo umwemwu gbe cha vwo so wẹ bẹdẹ-ẹ a nyavwerọ kufia tototo.

Ẹfesọs 2:17

Ọ da rhe rhi ghwoghwo ufuoma kẹ ovwan re hẹ ogboko kugbe ufuoma kẹ ayen otu re kẹre.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Ẹfesọs 6:15

vwẹ iyẹnrẹ esiri rẹ ufuoma na ru isabato kuhọ awọ wẹn.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

Iyẹnrẹ Esiri ri Jọn 20:21

Jesu da rhoma ta kẹ ayen, Ufuoma dia kẹ ovwan. Kirobo rẹ Ọsẹ na ji vwe, ọtiọye mi ji ji ovwan rhe.

Iruo rẹ Iyinkọn na 22:21

Ọ da ta kẹ vwẹ, Bi nẹ etiyin; kidie mi che ji uwe yanran shesheri bru otu ri Keferi.

Iruo rẹ Iyinkọn na 13:26

Imoni, emọ rẹ uvwiẹ rẹ Ebraham, kugbe ovwan rẹ djẹ oshọ rẹ Ọghẹnẹ avwanre a vuẹ ovuẹ rẹ esivwo nana rhe.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Iyẹnrẹ Esiri ri Luk 10:1

Rẹ Ọnana vwọ wan nu Ọrovwohwo de ji ujorha gbẹ ihwe efa, o de ji ayen ka obaro kẹ, ivivẹ, vwo kpo orho korho asan rẹ okpuyovwi rọye guọnọ ra.

Iyẹnrẹ Esiri ri Luk 8:1

Vwẹ ọke yena kọ yan wan irere vẹ ẹko na, ro ghwoghwo jo gbe iyẹnrẹ esiri rẹ uvie rẹ Ọghẹnẹ. Ye ihwivẹ na vẹ ọye usun,

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Luk 2:10

Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe;

Matiu 9:38

Gba rẹ Ọghẹnẹ ro vwo orhọ rere a mrẹ ihwo vwo vun orhọ na.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Iruo rẹ Iyinkọn na 10:36

Ovwan riẹn ota na ro ji bru ihwo rẹ Izrẹl ra, iyẹnrẹ esiri rẹ ufuoma re ghwoghwo kẹ ayen vwẹ oma ri Jesu Kristi ọye Ọrovwohwo ro vwo emu ejobi,

Ọbe ri Pọl si rhe Ihwo ri Rom 1:15

kidie ọ davwẹ kẹ vwẹ ri mi vwo ghwoghwo iyẹnrẹ esiri na vwọ kẹ ovwan re hẹ obi Rom.

Ọbe ri Pọl si rhe Ihwo ri Rom 15:20

Kọye ẹnwan re me rua na nẹ mi ghwoghwo iyẹnrẹ esiri na, yọ dianẹ asan re de se odẹ ri Kristi nure-e, me da rha bọn phihọ enu rẹ uchivwo rẹ ohwo ọfa.