Ọbe ri Pọl si rhe Ihwo ri Rom 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

Ọbe ri Pọl si rhe Ihwo ri Rom 1:9 Referans Kwoze

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

2 Timoti 1:3

Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.

Ọbe ri Pọl si rhe Ihwo ri Rom 9:1

Me ta uyota vwẹ evun ri Kristi, me vwọnrọn efia-an; kidie udu mẹ se oseri kẹ vwẹ vwẹ evun rẹ Erhi Ọfuanfon,

1 Tẹsalonaika 5:17

Nẹ ẹrhovwo kẹdẹ kẹdẹ.

2 Kọrẹnt 1:23

Ẹkẹvuọvo mi se Ọghẹnẹ nẹ o rhi se oseri kpahe ovwẹ–me guọnọ ghwọ ku ovwa-an ọye mi vwo je obo Kọrẹnt ẹcha.

1 Tẹsalonaika 3:10

Te ason te uvo avwanre vwọ rẹ kẹ ovwan rere avwanre vwọ sa mrẹ opharo rẹ ovwan rere asa rọ chọre vwẹ esegbuyota rẹ ovwan avwanre rhuẹrẹ phihọ?

1 Tẹsalonaika 1:2

Avwanre kpẹvwẹ Ọghẹnẹ kọke kọke vwọ kẹ ovwan ejobi, avwanre ji se odẹ rẹ ovwan vwẹ ẹrhovwo rẹ avwanre kọke kọke.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Filipae 1:4

kọke kọke vwẹ ẹrhovwo kẹrhovwo mẹ ejobi re me nẹ kẹ ovwan vẹ aghọghọ,

Iruo rẹ Iyinkọn na 27:23

Kidie vwẹ ason nana dẹn na amakashe rẹ Ọghẹnẹ re me ga na ro ji vwovwe na de rhi mudia kẹrẹ ovwẹ,

Iruo rẹ Iyinkọn na 19:21

Rẹ enana vwo ru nu Pọl de roro vwẹ Erhi nẹ ọ ọye ra wan Masidonia kugbe Akaya vrẹn kpo Jerusalẹm, tanẹ, Mi de te oboyi nu, ki mi ji te Rom rhe.

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

Filipae 2:22

Ẹkẹvuọvo ovwan riẹn obo ri Timoti ghare te, kirobo rẹ ọmọ ga ọsẹ eriyin ọ ga vwẹ vwẹ iyẹnrẹ esiri na.

Galesha 1:20

Ọghẹnẹ ye hẹ oseri mẹ, nẹ eta nana ri mi si rhe ovwan na, ọ dia ofian me vwọrọ-ọn.

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

Iruo rẹ Iyinkọn na 24:14

Ẹkẹvuọvo me rhọvwe ọna kẹ wẹ nẹ, Idjerhe na, rẹ ayen se ẹko na, ọye me wan gọ Ọghẹnẹ Ọsẹ rẹ avwanre, mi de segbuyota kemu kemu rẹ urhi na djeri eyẹ rẹ emraro na si phihọ otọ,

Iruo rẹ Iyinkọn na 12:5

Eriyin na Pita da hẹ evu rẹ uwodi; ẹkẹvuọvo kọke kọke kọye ishọshi na vwọ rẹ Ọghẹnẹ kẹ.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Iyẹnrẹ Esiri ri Mak 1:1

Ẹtuọhọ rẹ iyẹnrẹ esiri ri Jesu Kristi, Ọmọ rẹ Ọghẹnẹ na;

ỌBE RẸ JOB 16:19

Asakiephana, gbe nighe, oseri mẹ he obo odjuvwu, ohwo rọ chọ vwẹ ọ hẹ obenu.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

Filimọn 1:4

Me kpẹvwẹ Ọghẹnẹ mẹ kọke kọke re me da karohọ owẹ vwẹ ẹrhovwo mẹ,

Filipae 1:3

Me kpẹvwẹ Ọghẹnẹ me re me da karohọ ovwan ejobi,