Ọbe ri Pọl si rhe Ihwo ri Rom 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹsosuọ, me kpẹvwẹ Ọghẹnẹ mẹ vwẹ oma ri Jesu Kristi fiki rẹ ovwan ejobi, fikiridie usi rẹ esegbuyota rẹ ovwan hrabọ ro akpọ na ejobi re.

Ọbe ri Pọl si rhe Ihwo ri Rom 1:8 Referans Kwoze

Ọbe ri Pọl si rhe Ihwo ri Rom 16:19

Rẹ usi rẹ ọghọemuo rẹ ovwan vwo kperi ro asan ejobi na, re me vwọ ghọghọ kẹ ovwan na, me guọnọ nẹ ovwan ghwanre kpahe obo ri yovwiri re we jẹ abe-ẹriọ vwẹ oma rẹ obo re brare;

1 Kọrẹnt 1:4

Me kpẹvwẹ Ọghẹnẹ kọke kọke kẹ ovwan fiki rẹ ẹserọphẹ rẹ Ọghẹnẹ ra vwọ kẹ vwẹ vwẹ evun ri Kristi Jesu,

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Kolose 1:3

Avwanre kpẹvwẹ Ọghẹnẹ, Ọsẹ rẹ Ọrovwavwanre Jesu Kristi, avwanre ke rha je rẹ kẹ ovwan kẹdẹ kẹdẹ,

Filipae 1:3

Me kpẹvwẹ Ọghẹnẹ me re me da karohọ ovwan ejobi,

Ẹfesọs 1:15

Fiki rẹ ọnana, ri mi vwo nyo usi rẹ esegbuyota rẹ ovwan kpahe Ọrovwavwanre Jesu kugbe ẹguọnọ rẹ ovwan vwo kpahe ihwo efuanfon na,

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Matiu 24:14

Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.

Ẹfesọs 3:21

ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Iruo rẹ Iyinkọn na 11:28

Ọvo vwẹ usun rayen na re se ode rọye Agabọs vwo mudia, Erhi na de muo vwọ mraro nẹ owẹvwe rode che fi vwẹ akpọ na ejobi; aroẹmre nana ghine sẹ vwẹ ọke rẹ Kladiọs.

Iyẹnrẹ Esiri ri Luk 2:1

Vwẹ ọke yena ovie Ọgọstọs Siza de ji urhi nẹ ihwo ejobi ra ghwẹ odẹ phihọ ọbe.

Iruo rẹ Iyinkọn na 28:22

Ẹkẹvuọvo avwanre guọnọ nyo mie we obo ru wo rori, kidie vwọ kpahe ota rẹ ẹko na asan ejobi ọye a da ta ota kpahọ.

Ọbe ri Pọl si rhe Ihwo ri Rom 10:18

Ẹkẹvuọvo me nọre, ayen nyori-i ? Dẹn, ayen nyori, kidie E nyo umri rayen wan akpọ na ejobi, eta rayen rhiri re te oba rẹ akpọ na.

2 Kọrẹnt 2:14

Ẹkẹvuọvo ẹkpẹvwẹ kẹ Ọghẹnẹ, rọ wan oma ri Kristi kẹ avwanre obọekparọ, vwẹ oma rẹ avwanre avwerhe rẹ eriariẹn rọye de rhi te asan ejobi.

Ẹfesọs 1:16

unu mẹ rha ka vẹ ẹrhovwo re me nẹ kẹ ovwa-an, me karohọ ovwan vwẹ erhovwo mẹ,

1 Tẹsalonaika 1:2

Avwanre kpẹvwẹ Ọghẹnẹ kọke kọke vwọ kẹ ovwan ejobi, avwanre ji se odẹ rẹ ovwan vwẹ ẹrhovwo rẹ avwanre kọke kọke.

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

2 Timoti 1:3

Me kpẹvwẹ Ọghẹnẹ re me vwẹ evun mẹ ejobi ga, kirobo rẹ esẹ mẹ ruru, re me da karohọ owẹ kọke kọke vwẹ ẹrhovwo mẹ.

Filimọn 1:4

Me kpẹvwẹ Ọghẹnẹ mẹ kọke kọke re me da karohọ owẹ vwẹ ẹrhovwo mẹ,