Ọbe ri Pọl si rhe Ihwo ri Rom 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Ọbe ri Pọl si rhe Ihwo ri Rom 1:16 Referans Kwoze

Iyẹnrẹ Esiri ri Mak 8:38

Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.

2 Timoti 1:8

Wo jẹ oma rẹ iseri ru wo se kẹ Ọrovwavwanre na vo owẹ-ẹ, eyẹ mẹvwẹ rọ hẹ uwodi na-a, ẹkẹvuọvo gba re ẹkẹn oja wẹn fiki rẹ iyẹnrẹ esiri na vwẹ ogangan rẹ Ọghẹnẹ,

1 Pita 4:16

yẹ ohwo ọvo da rhe reoja kerẹ ohwo ro nene Kristi, e jẹn oma vuọ-ọ, ẹkẹvuọvo vwẹ otọ re oja yena e jẹn ọ vwẹ urinrin kẹ Ọghẹnẹ.

2 Timoti 1:12

fiki rẹ ọye ọvo na me vwọ reoja kirobo re me ria na. Ẹkẹvnọvo oma vo ovwẹ-ẹ, kidie me riẹn ohwo ri mi segbuyota yo ji mu vwe ẹro nẹ ọ je sa sẹro rẹ obo rọ vwọ kẹ vwẹ yọnre na re te Edẹ na.

Iyẹnrẹ Esiri ri Luk 9:26

Kidie ohwo kohwo rọ vo oma mẹ kugbe iyẹnrẹ esiri mẹ, Ọmọ rẹ ohwo kọ je vo oma rọye vwẹ ọke ro de te uvie rọye kugbe uvie rẹ Ọsẹ na kugbe emakashe efuanfon na.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

1 Kọrẹnt 2:4

Eta mẹ kugbe ovuẹ mẹ dia eta rẹ avwerhe rẹ aghwanre-e, ẹkẹvuọvo vwẹ idjedje rẹ Erhi na vẹ ogangan,

1 Kọrẹnt 2:2

Kidie mi veri nẹ me riẹn emuọvo vwẹ ohri rẹ ovwa-an jokpa ri Jesu Kristi kugbe ọ ra kanre mu agbagba na.

Ọbe ri Pọl si rhe Ihwo ri Rom 10:17

Ọtiọye na esegbuyota kẹ ẹme-enyo o nẹ cha, ẹme-enyo ke rha vwẹ iyẹnrẹ esiri ri Kristi re ghwoghwori na o nẹ cha.

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

1 Kọrẹnt 15:2

ra wan oma rọye sivwi ovwan, ọ da dianẹ ovwan yọnerọ ga–jokpa nẹ ovwan di segbuyota ghevweghe.

Jerimaya 23:29

Ọ dianẹ ota mẹ họhọ erhanre, eriyin Ọrovwohwo tare, ọ je họhọ ubrogba rọ guọghọ oragha ivwivwuvwu na?

Galesha 1:7

Nighe, ikun egbe rẹ iyẹnrẹ esiri ọfa gbe herọ vrẹn ọnana-a; ẹkẹvuọvo, yẹ ihwo ẹvo herọ re guọnọ obo rẹ ayen vwo se ku idjerhe rẹ iyẹnrẹ esiri ri Jesu Kristi na rhẹriẹ.

Ọbe ri Pọl si rhe Ihwo ri Rom 2:9

Ukpokpogho vẹ enuebro kọ dia kẹ ohwo kohwo ro ru umwemwu, ẹsosuọ kẹ ihwo ri Ju kugbe ihwo ri Grik rhe,

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Une rẹ Ejiro 119:46

Mi gbe ikun rẹ iseri wẹn vwẹ obaro rẹ ivie, oma gbe rha vo vwẹ-ẹ,

1 Tẹsalonaika 2:13

Avwanre ke kpẹvwẹ Ọghẹnẹ kọke kọke fiki rẹ ọnana, nẹ ọke rẹ ovwan vwọ reyọ ota rẹ Ọghẹnẹ na ru we nyo miẹ avwanre na, ovwan reyerọ kerẹ ota rẹ ohwo rẹ akpọ-ọ ẹkẹvuọvo ovwan da reyọ kirobo rọ epha dẹn, ota rẹ Ọghẹnẹ, ro ruẹ iruo vwẹ oma rẹ ovwan otu ri sere gbuyota.

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

1 Timoti 1:11

kirobo rẹ iyẹnrẹ esiri rẹ urinrin rẹ Ọghẹnẹ re bruba kẹ na epha ra vwọ kẹ vwẹ yọnre na.

2 Kọrẹnt 9:13

Vwẹ oma rẹ ọdavwini rẹ iruo nana, kọye wọ wan vwẹ urinrin kẹ Ọghẹnẹ vwẹ oma rẹ ọghọ ru wọ vwọ reyọ iyẹnre esiri ri Kristi na, kugbe obọ wo rhie vwọ gba arhọghọ kẹ ayen vẹ ihwo efa ejobi;

2 Kọrẹnt 2:12

Ọke ri mi vwo te Troas rhi ghwoghwo iyẹnrẹ esiri ri Kristi, ẹchẹ de rhie phihọ kẹ vwẹ vwẹ evun rẹ Ọrovwohwo;

1 Kọrẹnt 9:18

Kidie hẹ osa mẹ? Kọye hẹ ọna; nẹ mi de ghwoghwo iyẹnrẹ esiri na mi mie ohwo ọvuọvo igho-o, kọye hẹ uche obo ri mi muru jovwo mi gbobọnyẹ fiki rẹ erhuvwu rẹ iyẹnrẹ esiri na.

1 Kọrẹnt 9:12

Ihwo efa de vwo ogangan re vwọ re emu rẹ ovwan, ọ rẹ avwanre rha rhonọ ọtiọye? Dede na, avwanre gbobọnyẹ uphẹ nana, ẹkẹvuọvo avwanre de chiri kemu kemu rere avwanre vwo jẹ ukọn e phio phihọ idjerhe rẹ iyẹnrẹ esiri ri Kristi.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

2 Timoti 1:16

Ọrovwohwo ni arodọvwẹ rẹ evwruwevwi rẹ Ọnisforọs, kidie kọke kọke ọ vwọ sasa ovwẹ oma; oma rẹ igoni ra vwọ kanre ovwẹ na vorọ-ọ,

Ọbe ri Pọl si rhe Ihwo ri Rom 4:11

Ọ da reyọ oyanvwe na kerẹ oka kọye iseri rẹ ọvwata rọye ro vwori vwi fiki rẹ esegbuyota vwẹ ọke rọ je yanvwe-e. Rere ọ vwọ sa dia ọsẹ rẹ ayen ejobi ri segbuyota jẹ eyanvwere-e re kere phihọ ọvwata kẹ ayen.

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

Iyẹnrẹ Esiri ri Jọn 7:35

Ihwo ri Ju na da ta kẹ ohwohwo, Tivọ ohwo nana guọnọ ra rẹ avwanre de jẹ mrẹ? Kọ guọnọ bru otu re hrabọ ro ohri rẹ ihwo ri Grik na re yono ihwo ri Grik?