Ọbe ri Pọl si rhe Ihwo ri Rom 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie urhuru rẹ ovwan si vwe, rere me vwẹ ọchuko rẹ ẹse rẹ erhi na kẹ ovwan rọ kẹ ovwan ogangan vwo mudia gan.

Ọbe ri Pọl si rhe Ihwo ri Rom 1:11 Referans Kwoze

2 Pita 1:12

Fiki rẹ ọtiọye na ke me karohọ ovwan emu nana kọke kọke, dede na yẹ ovwan riẹn ayen yẹ owọ rẹ ovwan muotọ vwẹ evun rẹ uyota rẹ ovwan vwori na.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

2 Tẹsalonaika 3:3

Ẹkẹvuọvo Ọrovwohwo vwo esegbuyota; kọ kẹ ovwan ogangan ọ me rha sẹro rẹ ovwan nẹ obọ rẹ emu umwemwu.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

1 Pita 5:12

Mi si ọbe nana krẹkrẹ vwọ kẹ Silvanọs, oniọvo ro segbuyota kirobo me reyerọ phihọ, nẹ vwo rhe ovwan, mi bru ovwan uche me ta kẹ ovwan nẹ ọnana hẹ ẹserọphẹ rẹ Ọghẹnẹ; mudia gan vwẹ evun rọye.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

2 Tẹsalonaika 2:17

o bru udu rẹ ovwan uche ọ vwẹ owọ rẹ ayen muotọ vwẹ iruo kiruo oyoyovwi kugbe ota.

Iruo rẹ Iyinkọn na 19:6

Ri Pọl vwọ ghwẹ obọ kpahe ayen uyovwi nu, Erhi Ọfuanfon na da ro ayen oma; ayen da jẹ ephẹrẹ je mraro.

Iruo rẹ Iyinkọn na 16:5

Ọtiọye na esegbuyota rẹ ishọshi na da rhe ghwotọ, ke ayen buẹ phihọ kẹdẹ kẹdẹ.

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

1 Tẹsalonaika 3:13

kọye ovwan vwọ dia fuanfon vwẹ obaro rẹ Ọsẹ na, rere udu rẹ ovwan vwọ ghwaotọ re wa vwọ rease vwẹ ẹdẹ rẹ ẹcha rẹ Ọrovwavwanre Jesu vẹ emakashe rọye.

1 Tẹsalonaika 3:2

avwanre ki ji Timoti, oniọvo rẹ avwanre kugbe odibo rẹ Ọghẹnẹ vwẹ iyẹnre esiri ri Kristi, nẹ o rhi ru esegbuyota rẹ ovwan gan ro rhe bru ovwan uche.

Filipae 4:1

Fiki rẹ eriyin na, imoni mẹ, re me guọnọre rẹ urhuru rẹ ayen si vwe, aghọghọ mẹ kugbe erhu rẹ uvie mẹ, we mudia gan vwẹ evun rẹ Ọrovwohwo, ihwo mẹ rẹ eghaghare.

Filipae 2:26

kidie urhuru rẹ ovwan ejobi siro hwe, oma ke rha ghwọrọ fikiridie ovwan nyori nẹ ọ mwa ọga.

Filipae 1:8

Kidie Ọghẹnẹ hẹ oseri mẹ, obo rẹ urhuru rẹ ovwan ejobi sivwe te vwẹ ẹguọnọ ri Kristi Jesu.

2 Kọrẹnt 9:14

kọye urhuru rẹ ayen vwo si ovwan re ayen vwọ nẹ ẹrhovwo kẹ ovwan, fiki rẹ ẹserọphẹ rẹ Ọghẹnẹ ro phoro emu ejobi rọ hẹ evun wẹ.

2 Kọrẹnt 1:21

Ẹkẹvuọvo Ọghẹnẹ rọ vwẹ owọ rẹ ovwan vẹ ọ rẹ avwanre muotọ vwẹ evun ri Kristi, kọye ji ji avwanre uwevwi na.

Ọbe ri Pọl si rhe Ihwo ri Rom 15:32

Ọ da dianẹ Ọghẹnẹ rhọvwere ki mi bru ovwan rhe vẹ udu rẹ aghọghọ, rere okẹ re me vẹ ovwan dia oboyi te, ọ sa dia ọ rẹ ufuoma.

Ọbe ri Pọl si rhe Ihwo ri Rom 15:23

Ẹkẹvuọvo vwẹ asakiephana, re me rha mrasan de ru iruo vwẹ ubrakpọ yena-a na, rẹ urhuru rẹ ovwan vwo sivwe vwẹ ikpe buebu re mi vwo bru ovwan rhe na,

Iruo rẹ Iyinkọn na 19:21

Rẹ enana vwo ru nu Pọl de roro vwẹ Erhi nẹ ọ ọye ra wan Masidonia kugbe Akaya vrẹn kpo Jerusalẹm, tanẹ, Mi de te oboyi nu, ki mi ji te Rom rhe.

2 Samuẹl 13:39

Ẹwẹn rẹ ovie da guọnọ nẹ ọye mrẹ Absalọm; kidie e bruro uche fiki ri Amnọn, rọ vwọ mrẹ nẹ o ghwu nure.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

2 Kọrẹnt 11:4

Kidie ọ da dianẹ otu evo rhere rhi ghwoghwo Jesu ọfa nọ ọvuọvo na rẹ avwanre ghwoghwori na, eyẹ ovwan de vwo erhi ọfa san nọ rẹ ovwan vwori jovwo na, eyẹ ovwan da rha reyọ iyẹnre esiri ọfa nọ rẹ ovwan reyọre na, yọ ọphẹrẹ ovwan reyọ nọ.

2 Samuẹl 23:15

Devid da ta vwẹ ivuẹvwerhọ nẹ Manẹ ohwo ọvo sa jẹn ame kẹ vwẹ vwẹ orhare ri Bẹtlẹhẹm rọ hẹ oma rẹ anurhoro na.

Jẹnẹsis 31:30

Asakiephana wo ro kpo fikiridie urhuru rẹ uwevwi rẹ ọsẹ wẹn si we, ẹkẹvuọvo kidie wo rhe vwo cho ẹdjọ mẹ?

Ọbe ri Pọl si rhe Ihwo ri Rom 1:12

Obo re me ta na ọna nẹ, ọke mi de bru ovwan rhire avwanre ohwohwo ki ru esegbuyota rẹ ohwohwo gan, te ọ rẹ ovwan kugbe ọmẹ.

2 Kọrẹnt 1:15

Fikiridie re ọnana vwọ mu vwẹ erọ na, me da guọnọ ke bru ovwan rhe jovwo, rere omavwerhovwẹ rẹ ovwan vwo dia ivẹ.