Ọbe ri Pọl si rhe Ihwo ri Rom 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ke me rẹ Ọghẹnẹ nẹ ọ da dia obo rọ guọnọre o gbe ru idjerhe na phẹ re mi vwo se bru ovwan rhe.

Ọbe ri Pọl si rhe Ihwo ri Rom 1:10 Referans Kwoze

Iruo rẹ Iyinkọn na 18:21

ẹkẹvuọvo rọ vwọ yan jẹ ayen vwo ọ da ta, Ọghẹnẹ da rhọvwe mi ji che rhivwi bru ovwan rhe, o de bi kpo Ẹfesọs.

Jems 4:15

Kperẹ ọtiọye na, ovwan ke tanẹ, O de jẹ Ọrovwohwo, avwanre ke rhọ, kẹ avwanre ru ọtiọna eyẹ ọtiọye.

Filimọn 1:22

Ọ rọ marho rhuẹrẹ asan ri mi wo phihọ hẹrhẹ ovwẹ; mi phiẹrohọ nẹ ẹrhovwo ru wọ nẹ kẹ vwẹ sa kẹ vwẹ ogangan re me vwọ rhe oboyi.

1 Tẹsalonaika 2:18

Fikiridie avwanre guọnọ rhe oboyi rhe mrẹ ovwan–oma kọ mana ovwẹ, ri Pọl, kọke kọke–ẹkẹvuọvo Idẹbono kọye hẹ ukọn rọ da avwanre ji.

Hibru 13:19

Me rẹ ovwan gangan rere we ru ọnana rere e vwo siobọ nẹ uvwe phẹrẹkpẹ rhe ovwan.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

Iruo rẹ Iyinkọn na 19:21

Rẹ enana vwo ru nu Pọl de roro vwẹ Erhi nẹ ọ ọye ra wan Masidonia kugbe Akaya vrẹn kpo Jerusalẹm, tanẹ, Mi de te oboyi nu, ki mi ji te Rom rhe.

1 Kọrẹnt 4:19

Ẹkẹvuọvo mi rhivwi bru ovwan cha nanana, ọ da dianẹ Ọrovwohwo rhọvwere, ke me guọnọ otọ rọye ọ djanẹ kẹ ota rẹ ihwo ri phuoma na ọvo-o ẹkẹvuọvo ji te ogangan rayen.

Iruo rẹ Iyinkọn na 21:14

Ọke ra gbe sa djẹ-ẹ, avwanre ki rovwori tanẹ, Ọrovwohwo gbe ru ọhọre rọye.

Ọbe ri Pọl si rhe Ihwo ri Rom 15:29

Me riẹnre nẹ ọke re me da rhe omamọ rẹ ebruphihọ rọ vọnre rọ ghare ro nẹ obọ ri Kristi rhe, ọye me cha ghwa rhe ovwan.

1 Kọrẹnt 1:1

Pọl, re seri vwẹ ọhọre rẹ Ọghẹnẹ nẹ ọ rhe dia ọyinkọn ri Kristi Jesu, kugbe oniọvo rẹ avwanre Sọstẹnis.