Nehemaya 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Eliashib rẹ olori rẹ Irherẹn de vrẹn ọ vẹ iniọvo rọye rẹ irherẹn na ayen da bọn igbẹhẹ rẹ Anurhoro rẹ Igegede ayen de ruo fon, ayen ghwẹ ẹchẹ phihọ, ayen de ruo fon rhiri rhi te Ohẹrhẹ rẹ Ujori, rhiri re te Ohẹrhẹ ri Hananel.

Nehemaya 3:1 Referans Kwoze

Nehemaya 12:39

vwe obenu re Anurhoro rẹ Ifrem na, vwe oma rẹ Anurhoro rẹ Awanre na, ji kugbe oma rẹ Anurhoro re Eri kugbe Ọguan rẹ Hanatnẹl kugbe Ọguan rẹ Ujori, re te Anurhoro rẹ Igegede; ayen de rhi mudia vwẹ Anurhoro rẹ Ohẹrhẹ.

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Iyẹnrẹ Esiri ri Jọn 5:2

Asakiephana vwẹ asan eki rẹ igegede vwi Jerusalẹm na ẹtẹrhe ọvo herọ, ra vwẹ unu ri Hibru se nẹ Bẹtzata, ro vwo ẹguan iyori.

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.

Isẹ 3:9

Vwẹ emu wọ vwori ejobi bru ọghọ phihọ Ọrovwohwo oma, eriyin ji te emamọ rẹ esosuọ rẹ okọn wẹn ejobi;

Nehemaya 13:28

Ọmọ ri Jehoyada ọvo, ọmọ rẹ Eliashib rẹ orherẹn rode, kẹ ọgọ ri Sanbalat ohwo ri Họrọn, ọtiọye na me da dje ne oma mẹ.

Nehemaya 3:32

Vwe uvwre rọ hẹ obenu vwẹ akakọ na vẹ Anurhoro rẹ Igegede na idjogun na vẹ ineki na da rhuẹrẹ.

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Une rẹ Ejiro 30:1

Mi jiri uwe, E Ọrovwohwo, kidie wo si vwe reyọ kpenu, o rhe jẹn ivwighrẹ mẹ mrẹ vwẹ ghọghọ-ọ.

Nehemaya 12:30

Te irherẹn na kugbe ihwo ri Livae na da nabọ phorho oma re ayen, ayen de phorho ihwo na oma kugbe anurhoro vẹ igbẹhẹ na.

Nehemaya 7:1

Asakiephana rẹ vwo fi igbẹhẹ na nu re, me rha vwo ghwẹ ẹchẹ phihọ nu, re me rha vwọ reyọ ẹrhẹrẹchẹ, vẹ eboine otu rẹ ihwo ri Livae vwo mu nu,

Nehemaya 6:1

Asakiephana ra vwọ vuẹ Sanballat vi Tobiah vi Gẹshẹm rẹ ihwo rẹ Arebia kugbe otu re ivwighrẹ rẹ avwanre nẹ mi mu igbẹhẹ ri Jerusalẹm vi re, ne uprophro vuọvo rha hero-ọ, (dede na rhi te ọke yena ye me je ghwẹ ẹchẹ rẹ anurhoro na phihọ-ọ),

Nehemaya 3:20

Rha vwo kpahọ Baruch ọmọ ri Zabbai da rhuẹrẹ ubro ọfa nẹ Ubienyẹ re te ẹchẹ rẹ Uwevwi rẹ Eliashib rẹ orherẹn rode.

Urhi Rivẹ 20:5

Etiyin ilori na da kẹ ihwo na, nẹ, Ono re bọn uwevwi ọkpokpọ rọ je dia-a? E jo rhivwi kpo uwevwi rọye, eyẹ o de ghwu vwe ofovwi na, ohwo ọfa kọye cha dia.

Nehemaya 12:10

Jeshua ọye hẹ ọsẹ ri Johayakim rẹ ọsẹ re Eliashib, Eliashib ke ọsẹ ri Jehoyada,

Une rẹ Ejiro 48:12

Yan vwẹ oma ri Zayọn, yan riariẹ phihọ, kere unu rẹ ohẹrhẹ rọye,

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Nehemaya 3:21

Rha vwọ kpahọ Meremọt ọmọ re Yuraya, ọmọ re Hakọz, da rha rhuẹrẹ ubro ọfa nẹ ẹchẹ rẹ uwevwi rẹ Eliashib re te oba rẹ uwevwi rẹ Eliashib.

Nehemaya 13:4

Asakiephana tavwe re enana ki rhi ru, Eliashib re orherẹn na, re vwo mu ne o ni ivun re uwevwi re Ọghẹnẹ re avwanre, ro vẹ Tobaya gba jephihọ,