Nehemaya 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Me da ta, E Ọrovwohwo Ọghẹnẹ re Odjuvwu, ọ rọ rhoro vẹ Ọghẹnẹ rọ muọshọ rọ sẹro rẹ ọphọ vẹ ẹguọnọ ro jẹrhẹriẹ ke otu re guọnerọ re sẹro rẹ irhi rọye,

Nehemaya 1:5 Referans Kwoze

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Urhi Rivẹ 7:21

Wọ dje oshọ raye-en; kidie Ọrovwohwo Ọghẹnẹ wẹn ọ uherevie wẹn, Ọghẹnẹ rode rọ vẹ udidi.

Nehemaya 4:14

Mi de ni, mi de vrẹn, me da ta ke ehọnvwọre iruiruo kugbe ihwo ri chekọ na ejobi, wa djẹ oshọ re aye-en. Karohọ Ọrovwohwo na, rọ rhoro rọ muoshọ, rere wa họnre kẹ imoni, emọ wẹn, emetẹ wẹn, eya wẹn kugbe uwevwi wẹn.

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

Nehemaya 9:32

Asakiephana, Ọghẹnẹ rẹ avwanre, rọ rhoro vẹ ẹgba kugbe Ọghẹnẹ ro mu oshọ, rọ serọ rẹ ọphọ ve ẹguọnọ ro je rhẹriẹ, wo je ọbẹvwẹ nana ro te avwanre oma na, ivie re avwanre, isun re avwanre, irherẹn re avwanre, emraro re avwanre, esẹ rẹ avwanre, kugbe ihwo wẹn ejobi, nẹ ọke rẹ ivie rẹ Asiria rhe rhi te nonẹ na havwa nọ kẹ wẹ-ẹ.

1 Ivie 8:23

ọ da ta, E Ọrovwohwo, Ọghẹnẹ rẹ Izrẹl, o vwo Ọghẹnẹ ọfa rọ họhọ owẹ-ẹ, vwẹ odjuvwu vwẹ obenu yẹrẹ vwẹ obotọ rẹ akpọ obonẹ-ẹ, rọ yọnrọn ọphọ, o me rha vwẹ ẹguọnọ ro je rhẹriẹ rọye vwo ni idibo rọye re yan nene uwe vẹ udu rayen ejobi;

1 Ikun rẹ Ivie 17:21

Didi ẹgborho ọfa vwẹ akpọ na rọ họhọ ihwo wẹn Izrẹl, rẹ Ọghẹnẹ na tan hirhe nọ dia ihwo rọye, wọ vwọ re odẹ kẹ oma wẹn vwẹ emu ride vẹ emu ro muoshọ, ro wọ vwọ djẹ ẹgborho buebu nẹ obaro rẹ ihwo wẹn ru wọ tan nẹ Ijipt rhe?

Une rẹ Ejiro 47:2

Kidie Ọrovwohwo ọ ro me kpenu, o mu oshọ, ovie rode vwẹ enu rẹ akpọ na ejobi.

Une rẹ Ejiro 89:2

Kidie a bọn ẹguọnọ wẹn ro je rhẹriẹ na phihọ rhiri bẹdẹ, esegbuyota wẹn pha kokoroko kere odjuvwu na.

Une rẹ Ejiro 89:3

Wọwẹ re tare, Me vẹ ọ re Me jẹreyọ na re ọphọ, Mi duvwu iyori kẹ odibo mẹ Devid nure:

Urhi Rivẹ 7:12

Fikirobo re wọ vwọ kerhọ rẹ iji nana, re wọ da yọnrọn ayen, ji ru ayen na, Ọrovwohwo Ọghẹnẹ wẹn na kọ cha yọnrọn ọphọ vẹ ẹguọnọ ro jẹrhẹriẹ ro veri kẹ esẹ wẹn na kẹ wẹ;

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Nehemaya 4:8

Ayen ejobi de se umẹ koko ne ayen cha họnre Jerusalẹm, rere ayen rhi gbẹ ozighi phihọ.

Une rẹ Ejiro 76:8

Nẹ obo odjuvwu rhe wo de brorhiẹ, akpọ na djẹ oshọ ọ da fọ ghiei,

Une rẹ Ejiro 89:8

E Ọrovwohwo Ọghẹnẹ re otuofovwi, Ono re goma kere owẹ, E Ọrovwohwo, vẹ esegbuyota wẹn rọ riariẹ owẹ wan?