Nahum 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Udi ko che mu we rhe, ku wo che ni asan ọvo kei; wọ cha guọnọ asan wọ de sioma nu kẹ ovweghrẹ.

Nahum 3:11 Referans Kwoze

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 2:10

Ro evun rẹ oragha na, si oma nu vwẹ evun rẹ iwurhie vwo nẹ uguegue rẹ Ọrovwohwo na, vwo ne urinrin re ọrho rọye

Iyẹnrẹ Esiri ri Luk 23:30

Etiyin ayen ke cha ta kẹ igbenu na, Shenyẹ avwanre; igbenu itete na, rhurhu avwanre.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Hosia 10:8

Asan ro kpenu vwi Avẹn, umwemwu rẹ Izrẹl, ka guọgho. Inwe vẹ idjigbẹ ke djẹ vwẹ enu rẹ egbada rayen; kẹ ayen ta kẹ igbenu na, Rhurhu avwanre; kẹ imigbenu na she nyẹ avwanre.

Jerimaya 4:5

Do vwi Juda, wo ghwoghwo vwi Jerusalẹm, tanẹ, Hworo owanre wan otọ na duvwu, kperi gangan tanẹ, Ghwẹ oma koko, wo jẹn avwanre yanran kpo irere ra gba ogba riariẹ na.

Aizaya 2:19

Ihwo ke cha ro emwa rẹ eragha na kugbe inu rẹ otọ na, vwo nẹ uguegue rẹ Ọrovwohwo na, vwo nẹ urinrin rẹ ọrho rọye ọke ro de vrẹn ri guegue akpọ na.

Une rẹ Ejiro 75:8

Kidie vwẹ obọ rẹ Ọrovwohwo uko herọ, ẹe udi ro gbe iphughẹ, ra nabo gua, ko che ku udi na no, ihwo imwemwu rẹ akpọ na ejobi ke cha da re duvwu ikiẹn

Nahum 2:1

Otu re guọghọ na bru we rhire. Se ihwo rhe re hwa hẹrhẹ; rhere idjerhe na; chobiẹ amwa wẹn; Rhanre oma vi.

Maika 7:17

ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.

Emọs 9:3

Owenẹ ayen sioma nu vwẹ enu rẹ ugbenu ri Kaniẹh Me je guọnọ ayen phia, owenẹ ayen sioma nu vwẹ obọtọ rẹ abadi, ki mi ji jẹ ọrọdekọ ra rhovwo ayen.

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

1 Samuẹl 14:11

Eriyin ayen ivẹ da vwẹ oma rẹ ayen nẹ unuofovwi rẹ ihwo ri Filistia na; ihwo ri Filistia na da ta, Nighe, ihwo ri Hibru na yoro nẹ evun rẹ unu rẹ ayen de sioma nu cha.

1 Samuẹl 13:6

Ọke rẹ ihwo rẹ Izrẹl vwọ mrẹ nẹ ayen hẹ ahwarha (kidie ohọnre na ganre gangan), ihwo na de siona nu vwẹ ẹmwa vẹ egbogho vẹ etọ rẹ eragha kugbe ishi vẹ iphrophro rẹ ame,