Nahum 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Dede na ye muro yanran ghẹnẹ, e muro kpo ighuvwu; imitete rọye na a da vwẹ ayen fotọ yẹyẹghẹ vwẹ obo oba rẹ urhuvwu ọvuọvo; ka vwi fiki rẹ ihwo ride re herọ duvwu itẹ, ihwo ride re herọ ejobi a da vwẹ ojọnrọn gba ayen.

Nahum 3:10 Referans Kwoze

Aizaya 20:4

Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Ọbe rẹ Ọmraro Ọbadaya Obadaya 1:11

Vwẹ ẹdẹ ru wo vwo mudia tephe, rẹ erhorha vwọ ghwẹ efe rọye kpo, re ihwo rẹ isiorho vwọ vwẹriẹ anurhoro rọye re ayen vwo duvwu itẹ fiki ri Jerusalẹm, wọ da họhọ ọvo vwẹ usun rẹ ayen.

Joẹl 3:3

Ifiki rẹ ihwo mẹ we vwo duvwu itẹ. we de siobọ nẹ ọmọshare nẹ o gbe igberadja, wa da vwi fiki rẹ udi shẹ ọmọtẹ, rere ovwan sa da udi.

Hosia 13:16

Sameria kọ ghwa abe rọye, kidie o mu kpahe Ọghẹnẹ rọye, a cha vwẹ ọlọkọ hwe ayen, a cha vwẹ emọ rayen fa otọ hwe, ka cha bẹrẹ evun rẹ eya vẹ evun rhie phihọ.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

Aizaya 13:16

Emọboba na ka vwẹ ayen fa otọ hwe vwẹ irharo rayen; ke gborho uwevwi rayen ka gba eya rayen du.

Emọs 1:13

E nẹ Ọrovwohwo na tare: Fiki rẹ ogbeku erha rẹ ihwo rẹ Amọn, ji kugbe ẹne, Me gbe sa rhan unu rẹ ehwe na-a, fikiridie ayen hẹrẹ evun rẹ eya vẹ evun vwi Gilead, rere ughwru rayen vwọ rho phihọ.

Uvwerhe 4:1

Mavọ oro na rhoma rhi dje mavọ omamọ rẹ oro na rhe rhoma rhẹriẹ! Rẹ ibieragha efuanfon na rhe vwọ hra vwẹ unuada rẹ urhuvwu kurhuvwu.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Une rẹ Ejiro 137:8

E ọmọtẹ ri Babilọn, wẹ oghwọrọ na! Aghọghọ kẹ ohwo rọ hwa osa kẹ wẹ kirobo ru wo ru kẹ avwanre na!

Ivie rẹ Ivẹ 8:12

Hazẹl da ta, Die ọrovwovwe vwọ viẹ? Ọ da kpahe, Fikiridie me riẹn umiovwo ru wo che ru kẹ ihwo rẹ Izrẹl; wo che phi erhanre phihọ ohẹrhẹ rayen, wo cha vwẹ ọlọkọ hwe ighele rẹ emeshare rayen, wọ cha vwẹ emọ boba rayen fotọ hwe, wọ cha va eya vẹ evun rayen.

ỌBE RẸ JOB 6:27

Wa vwi fiki rẹ ọmọphrorivwi kpo ite, ru wa jẹ iroro rhurhu ugbeyan wẹn.

Une rẹ Ejiro 137:9

Aghọghọ kọ dia kẹ ohwo ro mu emọ wẹn reyọ rọ da vwẹ ayen fa oragha.

Une rẹ Ejiro 149:8

rọ vwẹ ejọnrọn gba ivie rayen ehọnvwọre rayen kẹ igoni rẹ utehru,

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Izikiẹl 29:7

Ọke re ayen da vwẹ obọ ghane owẹ, wo mi vwirho, wọ me bere igabọ rayen; ọke rẹ ayen da vwẹ oma rẹro owẹ, wo mi vwirho, rere wo ru ehun rayen vwo nẹ ẹdia,