Nahum 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Tivọ unu rẹ okpohrokpo na epha emwa rẹ emọ rẹ okpohrokpo na, asan rẹ okpohrokpo muẹ obo rọ ria cha, asan rẹ emọ rọye epha, yẹ ohwo djobọ te aye-en?

Nahum 2:11 Referans Kwoze

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Nahum 3:1

Ekan kẹ orere rẹ ọbara na, rọ vọnre vẹ efian kugbe emu rẹ uji– ugborho na rhe vwo oba-a!

Jerimaya 50:44

Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Jẹnẹsis 49:9

Juda ọmọ rẹ okpohrokpo; vwẹ eranvwe emuo, ọmọ mẹ, wo de vrẹn kpenu. Orhuẹri, o fiọnko kiri okpohrokpo, kiri okpohrokpo rẹ aye, kono ri se guegue?

Ukeri 23:24

Nighere, ihwo ẹvo! Kere okpohrokpo rẹ aye o ro vrẹn kerẹ okporhokpo rẹ ọshare rọ kpare oma rọye; o che rhuẹ-ẹn bẹsiẹ rọ vwọ chẹghẹ eranvwe rọye nu, rọ da da ọbara rọ rẹ emu ro hweri.

Izikiẹl 32:2

Ọmọ rẹ ohwo, teye ugoroviẹ kẹ Fẹro ovie rẹ Ijipt, re wọ ta kẹ. Wo roro oma wẹn nẹ wẹ okpohrokpo vwẹ ohri rẹ ẹgborho na, ẹkẹvuọvo wọ họhọ okpodje rode vwẹ evun rẹ abadi; ku wo muẹ sahra vwẹ evun rẹ urhie wẹn, wọ me vwẹ awọ wẹn vwo kpogho ame na, wo mi vwurie urhie rayen.

Maika 5:6

ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Nahum 2:12

Okpohrokpo na chẹghẹn emu vọn otọ kẹ emọ rọye. O de hwe eranvwe kẹ oni rọye; o hwe eranvwe vọn emwa na eranvwe ra chẹghẹre vọn unu rọye.

Aizaya 13:7

Eriyin na abọ na ejobi ke dia ghwrọghọ, udu ri kohwo kohwo kọ wran,

Joẹl 2:6

Ihwo re hẹ obaro rẹ ayen ki brenu, epharo ejobi ki djedje koi.