Nahum 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Nahum 2:10 Referans Kwoze

Une rẹ Ejiro 22:14

A kpare ovwẹ ku kerẹ ame, ibeku mẹ ejobi nẹ ẹka; udu mẹ epha kerẹ orhọrhe, rọ wrare vwẹ evun mẹ;

Joẹl 2:6

Ihwo re hẹ obaro rẹ ayen ki brenu, epharo ejobi ki djedje koi.

Daniẹl 5:6

Etiyin oma rẹ ovie na da rhẹriẹ, iroro rọye da dje oshọ muo; abọ vẹ awọ rọye ke ghwrọghrọ, Igbo rọye ki gbe luelue.

Jerimaya 30:6

Gba nọ asakiephana, re wọ mrẹ, Die sorọ me vwọ mrẹ ọshare kọshare rọ vwẹ abọ rọye cha ehun rọye kere aye rọ chuẹ uvwiẹ die sorọ rẹ opharo kopharo vwo wene?

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Zẹfanaya 3:6

Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Nahum 3:7

Ihwo re mrẹ we ejobi ki che sioma reyọ tanẹ, A ghwọrẹ Ninivẹ kufia; kono ri muomahọ kẹ? ki tivọ a da mrẹ obruche vwọ kẹ?

Jerimaya 51:62

tanẹ, E Ọrovwohwo, wẹ re ta kpahe etinẹ na nẹ wo che bro fia, rere emuọvo vwo je dia, ihwo eyẹ eranvwe, kọ dia ofefe bẹdẹ.

Aizaya 14:23

Ki mi che vwo ru asan re isorhuẹn dia, kugbe ẹtẹrhe rẹ ame, ke me vwẹ uhwerhe rẹ ughwu vwo hwerhe, eriyin Ọrovwohwo re otuofovwi tare.

Joshua 2:11

Rẹ avwanre ghwe vwo nyo, udu rẹ avwanre da wran, udu de nẹ avwanre awọ, fiki wẹn, kidie Ọrovwohwo Ọghẹnẹ wẹn ọye Ọghẹnẹ rọ hẹ obenu rẹ odjuvwu kugbe obotọ rẹ akpọ na.

Jẹnẹsis 1:2

Akpọ na da de dia reghe reghe diodi, ebrin da enu rẹ akpọ na duvwu; Erhi rẹ Ọghẹnẹ kọye re yan vwẹ enu rẹ ame na.

Joshua 7:5

Ihwo rẹ Ai de hwe oma rẹ ihwo ọgban gbe esan mie ayen, a da djẹ ayen nẹ asan anurhoro na rhiri rhi te Shebarim, e de hwe ayen ghwu vwẹ asan ọghwrọrọ na. Udu rẹ ihwo na da wran, kere ame.

Jerimaya 8:21

Kidie omẹwan rẹ ọmọtẹ rẹ ihwo mẹ na ọ miavwe ovwẹ vwẹ udu, mi muomahọ, ofu dje vwe hwe.

Jerimaya 49:23

Vwọ kpahe Damaskọs Hamat vẹ Apad kpoghore, kidie ayen nyo ikun omiomiovwo re, Ayen ra wran vwẹ evun rẹ oshọ, kerẹ abadi rọ họnran rọ sa fon riẹi.

Izikiẹl 21:7

Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.

Izikiẹl 31:15

E nẹ Ọrovwohwo Ọghẹnẹ tare: Ọke ro de kpo obo Erivwi urhie na ki che muomahọ kẹ, kọ da irhie na ji, ame buebu ke che bru ayen dje; ke me vwẹ amwa rẹ uvweri vwo rhurhu Lẹbanọn fiki rọye, oma ko che ro irhe rẹ aghwa na ejobi fiki rọye.

Nahum 2:2

Kidie Ọrovwohwo rhoma vwẹ ọrho ri Jekọp cha kerẹ ọrho rẹ Izrẹl, kidie igbunegbu gborho ayen ayen da guọghọ eghọn rayen.