Nahum 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Nahum 1:6 Referans Kwoze

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Malakae 3:2

Ẹkẹvuọvo kono che se yivwi hẹrhẹ ẹcha rọye na, ono ri se mudia vwẹ ọke rọ da rhe? Kidie ọ họhẹ erhanre rẹ ogu kugbe odja rẹ a vwọ fọnrhọ emwa;

Nahum 1:2

Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Une rẹ Ejiro 76:7

Ẹkẹvuọvo wẹ, wo mu oshọ gangan! Ono se mudia vwẹ obaro wẹn siẹ rẹ ophu wẹn da kpare rhe?

Izikiẹl 30:16

Ki mi phi erhanre phihọ Ijipt; Pelusiọm kọ dia uvwri rode ke kporo Thebes fi ke kporo igbẹhẹ rọye she.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Uvwerhe 2:4

O wurhu umurhabọ rọye kere ọvweghrẹ. Ọ vwẹ obọrhe rọye sio phihọ kerẹ ọvweghrẹ, ọ da guọghọ eheri rọ hẹ opharo rẹ avwanre vwẹ utughẹ rẹ ọmọte ri Zayọn, Ọ kpare ophu rọye ku kerẹ erhanre.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Une rẹ Ejiro 90:11

Kono ri se roro ogangan rẹ ophu wẹn, ivuemiovwo wẹn kirobo rẹ oshọẹdjẹ wẹn epha?

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

1 Ivie 19:11

Ọ da ta, Yan phia, re mudia enu rẹ ugbenu vwẹ obaro rẹ Ọrovwohwo. Nighere, Ọrovwohwo ra wanvrẹn, aphopho rode rhi dju igbenu na, o de hwe eragha na ibribro vwọ obaro rẹ Ọrovwohwo, ẹkẹvuọvo Ọrovwohwo hẹ evun rẹ odju na-a; rẹ odju na vwo fue nu otọ de kpogho, ẹkẹvuọvo Ọrovwohwo hẹ evun rẹ otọ ro kpogho na-a;

Ẹvwọphia 16:8

Amakashe rẹne de ku udjokpo rọye phihọ ọnre, a da rhọvwe kẹ nẹ ọ vwẹ erhanre torhẹ ihwo hwe;

Ẹvwọphia 16:1

Etiyin mi de nyo urhuru rode ọvo vwẹ uwevwi rẹ ẹga na rọ ta kẹ emakashe ighwrẹ na, Yanran re ku idjokpo ighwrẹ rẹ ophu rẹ Ọghẹnẹ na phihọ akpọ na.

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?

ỌBE RẸ JOB 40:11

Gbe ku ophu wẹn kuotọ, ni ohwo kohwo rọ herẹ, re wo vwo kpotọ.

Une rẹ Ejiro 130:3

Ọ dianẹ, E Ọrovwohwo, ku wo kerẹ orukuruku, Ọrovwohwo kono ri se mudia?

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Izikiẹl 7:8

Asakiephana me cha kpare ivuemiovwo mẹ ku we nanana. Me cha vwẹ ophu mẹ kpahe owẹ, ki mi guẹdjọ wẹ kirobo rẹ idjerhe wẹn epha; ki mi hwe we fiki rẹ ẹgua wẹn.

Izikiẹl 21:31

Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ.

Izikiẹl 39:6

Ki mi duvwu erhanre phihọ Magọg kugbe ayen otu rẹ oma furu vwẹ obo erhuru na; ke ayen cha riẹn nẹ mẹvwẹ hẹ Ọrovwohwo na.

Zẹfanaya 2:2

Tavwe ra ke rhe djẹ ovwan yanran kerẹ iphopho rẹ odju muẹ, tavwe rẹ ophu ọgangan rẹ Ọrovwohwo, ki rhi vwrẹ she teye owẹ ẹdẹ rẹ ophu rẹ Ọrovwohwo na.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

ỌBE RẸ JOB 9:5

Ọ rọ ghwiẹ igbenu nẹ, ayen gbe riẹ-ẹn, ro de geri ayen she vwẹ ophu rọye;

ỌBE RẸ JOB 26:11

Ichivwo rẹ odjuvwu kpoghori, ekan rọye gbe ayen unu gangan.

Une rẹ Ejiro 76:8

Nẹ obo odjuvwu rhe wo de brorhiẹ, akpọ na djẹ oshọ ọ da fọ ghiei,

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Uvwerhe 2:3

Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ