Nahum 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Nahum 1:5 Referans Kwoze

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

2 Samuẹl 22:8

Etiyin otọ na de phieghe o de kpogho: uchivwo rẹ irharheghe na da phariẹ, o de kpogho fikiridie ophu muo,

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

Une rẹ Ejiro 68:8

otọ na ko kpogho, odjuvwu da rhọ osio phihọ otọ, vwe obaro rẹ Ọghẹnẹ; abọ oboyi ri Sinae de kpogho vwẹ obaro rẹ Ọghẹnẹ, Ọghẹnẹ rẹ Izrẹl na.

Iguẹdjọ 5:5

Igbenu ride na ki kpogho vwẹ obaro rẹ Ọrovwohwo, vwẹ abọ oboyi ri Sinae vwẹ obaro rẹ Ọrovwohwo na, Ọghẹnẹ rẹ Izrẹl na

Une rẹ Ejiro 114:6

E igbenu na, ru wo vwo pho kerẹ egbo? E igbenu rẹ itete na, kerẹ imigodẹ?

Une rẹ Ejiro 114:4

Igbenu na de mu pho kerẹ egho, igbenu rẹ itete na kerẹ imigodẹ

Une rẹ Ejiro 98:7

Jẹn abadi na ghọghọ, kugbe obo re vọnrọ na ejobi; akpọ na kugbe ọbo re dia na ejobi!

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Ẹyano 19:18

Ivwirhi de rhi rhurhu Ugbenu ri Sinae, fikiridie Ọrovwohwo wotọ rhe enu rọye vwẹ erhanre; ivwirhi rọye de bru kpenu kerẹ ivwirhi rẹ etu; ugbenu na ejobi de kpogho gangan.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Matiu 28:2

Nighe otọ de rhi kpogho; kidie amakashe rẹ Ọrovwohwo de wotọ nẹ odjuvwu rhe, o de ghorie oragha na nẹ unu rẹ ushi na, o de tidia enu rẹ oragha na.

Matiu 27:51

Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre.

Ẹvwọphia 6:14

obenu na da ranvwiẹ kerẹ ọbe re kpirhi koko, kugbenu kugbenu kugbe kubrotọ kubrotọ de ghwie nẹ ẹdia rọye.

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 24:1

Nighere, Ọrovwohwo cha guọghọ akpọ na ejobi ọ ee kua fiotọ ko zighi enu rọye ọ me hra ihwo re dia enu rọye.

Aizaya 24:20

Akpọ na re gbe kerẹ ohwo rọ da udi, ọ rọ vuẹ kerẹ utughẹ, ogbeku rọye pha họhọhọ yẹgbẹ vwẹ enu rọye, o sheri, o rhe se vrẹn ọfa-a

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Zekaraya 4:7

Die wọ epha, E ugbenu rode na? Wo che hirhe phihọ asan ro she-aton vwẹ obaro rẹ Zerubabẹl, kọ cha vwẹ oragha rọ hẹ obenu na vwẹ ohri rẹ edo nẹ Ẹserọphẹ; ẹserọphẹ kẹ.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

ỌBE RẸ JOB 9:5

Ọ rọ ghwiẹ igbenu nẹ, ayen gbe riẹ-ẹn, ro de geri ayen she vwẹ ophu rọye;

ỌBE RẸ JOB 26:11

Ichivwo rẹ odjuvwu kpoghori, ekan rọye gbe ayen unu gangan.

Une rẹ Ejiro 18:8

Ivwirhi de bru nẹ umwe rọye rhe, erhanre rọ torhẹ de nẹ unu rọye rhe. imwerhanre weiwei de nẹ oma rọye rhe.

Une rẹ Ejiro 104:32

ro nẹ otọ na o mi kpogho, rọ vwẹ obọ te igbenu na ke ayen bru ivwirhi!

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Izikiẹl 38:20

Eri rẹ abadi, kugbe emephran rẹ obenu, kugbe eranvwe rẹ aghwa, kugbe obo ri kpono ejobi ri kpono vwẹ otọ na, kugbe ihwo ejobi re hẹ enu rẹ akpọ na, cha phariẹ vwẹ irharo mẹ, kugbe igbenu na ejobi ka cha vwẹ ayen phiotọ, enu rẹ igbenu na ki che she, igbẹhẹ kigbẹhẹ ejobi ki che rhurie she te otọ.

Emọs 9:5

Ọrovwohwo na, Ọghẹnẹ rẹ otuofovwi na, ohwo rọ vwẹ obọ te akpọ na ọ me wran ihwo re dia evun rọye ejobi mi muoma phihọ, aye ejobi mi ku reghe reghe kerẹ Nile ọ me rha kpọ kerẹ Nile rẹ Ijipt;