Nahum 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo Ọghẹnẹ rọ rioma rọ reihri, Ọrovwohwo na reihri o ki ji mu ophu; Ọrovwohwo reihri vwẹ obọ rẹ ihwo ri mu kpahọ o ji mu ophu kpahe ivwighrẹ rọye.

Nahum 1:2 Referans Kwoze

Zekaraya 8:2

E nẹ Ọrovwohwo rẹ otuofovwi tare: Me reoma rode na kpahe Zayọn, ivuemiovwo rode na Me vwọ reoma kpahọ

Ẹyano 20:5

wo shiguẹ kẹ aye-en yẹrẹ wọ ga aye-en; kidie mẹvwẹ Ọrovwohwo Ọghẹnẹ wẹn mẹvwẹ Ọghẹnẹ rọ rioma, ọ vwẹ imwemwu rẹ esẹ ruru nene emọ, nẹ uvwiẹ rerha re te Ọrẹne rẹ ayen ri mu kpahe ovwẹ;

Une rẹ Ejiro 94:1

E Ọrovwohwo, wọwẹ Ọghẹnẹ rọ reihri, wọwẹ Ọghẹnẹ rọ reihri na, la phia!

Ẹyano 34:14

(kidie wa ga Ọghẹnẹ ọfa-a, fiki rẹ Ọrovwohwo rẹ odẹ rọye hẹ Omẹriọ na, ọye Ọghẹnẹ rọ rioma).

Joshua 24:19

Ẹkẹvuọvo Joshua da ta kẹ ihwo na, Ovwan sa ga Ọrovwohwo na-a; kidie Ọghẹnẹ ọfuanfon o ruẹ; jẹ Ọghẹnẹ rọ rioma; ọ sa vwẹ ogbeku vẹ imwemwu rẹ ovwan vwo ghovwo ovwa-an.

Hibru 10:30

Kidie avwanre riẹn ohwo rọ tare nẹ, Ihriẹriọ ọ mẹ, mẹvwẹ re hwa osa. Ọfa, Ọrovwohwo che guẹdjọ rẹ ihwo rọye.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Urhi Rivẹ 4:24

Kidie Ọrovwohwo Ọghẹnẹ wẹn na erhanre rọ ghwọrọ emu oruẹ, Ọghẹnẹ ro rioma.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Maika 5:15

Vwẹ ivuemiovwo vẹ ophu mẹ ke Me reihri vwẹ obọ rẹ ẹgborho ri jẹ ọghọ emuo.

Joẹl 2:18

Etiyin Ọrovwohwo da rhe rioma fiki rẹ otọ rọye, ọ da re ehrọre rẹ ihwo rọye.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Izikiẹl 6:12

Ọ rọ hẹ obo ogboko che ghwu ughwu rẹ emiavwe na; ọ rọ hẹ asan rọ kẹre che ghwu ughwu rẹ ọlọkọ na, ọ ro ghwu chekọ rẹ emu ruru-u owẹvwe kọye hwe ghwu. Enẹ kọye ophu mẹ cha dia kpahe ayen

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

ỌBE RẸ JOB 20:23

Rẹ evun rọye vwọ vọn nu Ọghẹnẹ de ji ophu ọtuatua rọye bro rhe, ọ da rhọ kuo kerẹ emuọre.

Livitikọs 26:28

ke Me vwẹ ophu yan jẹn ovwan vwo, ke Me cha fa ovwan asieghwrẹn fiki rẹ imwemwu rẹ ovwan.

Ọbe ri Pọl si rhe Ihwo ri Rom 13:4

Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

Zekaraya 1:14

Etiyin na amakashe ro nene uvwe ta ota na da ta kẹ vwẹ, kperi phia, E nẹ Ọrovwohwo rẹ otuofovwi tare. Me reoma kpahe Jerusalẹm vẹ Zayọn gangan.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Izikiẹl 38:18

Ẹkẹvuọvo vwẹ ẹdẹ yena, ri Gọg da cha vwọ so otọ rẹ Izrẹl, eriyin Ọrovwohwo Ọghẹnẹ tare: ophu mẹ kọ cha kpare.

Izikiẹl 36:6

Fiki rẹ otiọye gba mraro kpahe otọ rẹ Izrẹl re wọ ta kẹ igbenu ride vẹ itete, kẹ ito vẹ iyara, E nẹ Ọrovwohwo Ọghẹnẹ tare: Me ta ota vwẹ ophu vẹ omaẹriọ mẹ, fikiridie ovwan re oja rẹ ehwẹjẹ rẹ ẹgborho re riariẹ owẹ phihọ na.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 5:13

Enẹ kọye ophu mẹ cha dia, ke me kpa ivuemiovwo ku ayen kẹ ọhọre mẹ she; kẹ ayen riẹn nẹ mẹvwẹ Ọrovwohwo na, ta ota vwẹ evun rẹ omẹriọ mẹ nure, vwẹ ọke ri mi de ku ophu mẹ ku ayen nu.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 3:5

Ku wo mu ophu bẹdẹ, ivun ki miovwo uwe re te oba? Nighe, wọ ta nure, ẹkẹvuọvo umwemwu ru wo se ru wo ruro nure.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Urhi Rivẹ 7:10

ọ Me ghwọrọ ayen; o che se dogho obọ kẹ ohwo ri mu kpahọ-ọ, ọ cha hwa osa kẹ gbonozẹ.

Jerimaya 28:8

Emraro re karo kẹ wẹ vẹ ovwẹ nẹ ọke awanre rhe mraro buebu rẹ ofovwi, vẹ owẹvwe kugbe ọtiekọ kpahe irhọ buebu je vwọ kpahe ivie ride na.

Izikiẹl 38:19

Kidie vwẹ omẹriọ mẹ kugbe evun rẹ ophu ọtuatua mẹ, me da ta, Vwẹ ẹdẹ yena ekpogho rode kọ cha dia otọ rẹ Izrẹl.

Ẹyano 34:7

Ẹguọnọ ro jẹrhẹriẹ rọye herọ vwọ kẹ ihwo uriori vwo ghovwo orukuruku vẹ urhiegbe vẹ umwemwu, ẹkẹvuọvo o brorhiẹ hwe ohwo rọ re abe rọ reihri rẹ umwemwu rẹ esemọ vwẹ obọ rẹ emọ ra ruẹ emọ rayen ra ro uvwiẹ rerha vẹ ọrẹne.

Ukeri 25:11

Finihas rẹ ọmọ rẹ Eleazar rẹ ọmọ rẹ Erọn rẹ orherẹn na, o fue ophu mẹ ri mi muẹ vwọ kpahe ihwo rẹ Izrẹl na, kidie omaẹriọ rẹ ọ re vwẹ ohri rẹ ihwo na ọ rerọ kpahe ayen, fiki rẹ ọtiọye na me gbe ghwọrọ ihwo rẹ Izrẹl vwẹ evun rẹ omaẹriọ mẹ na-a.

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.