Nahum 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Nahum 1:10 Referans Kwoze

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Nahum 3:11

Udi ko che mu we rhe, ku wo che ni asan ọvo kei; wọ cha guọnọ asan wọ de sioma nu kẹ ovweghrẹ.

Aizaya 9:18

Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Jerimaya 51:57

Mi che ru isun vẹ evweagnwanre rọye re idi de mu ayen, osun vẹ olotu kugbe egbofovwi rọye, ayen cha vwerhẹ ovwerhẹ ri bẹdẹ ayen rha rhọvwọ-ọ, Ovie na tarọ, ọ rẹ odẹ rọye hẹ Ọrovwohwo rẹ otuofovwi na.

Jerimaya 51:39

Ọke rẹ ophu de mu ayen re ki mi mu emuọre kẹ ayen re, ke me vwẹ idi mu ayen, bẹsiẹ rẹ ayen vwọ shero ovwerhẹ ke vwerhẹ ovwerhẹ ri bẹdẹ ayen rha rhọvwọ-ọ, eriyin Ọrovwohwo tare.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Une rẹ Ejiro 68:2

Kirobo rẹ ivwirhi djuẹ yanran na, eriyin wọ djẹ ayen kufia, kirobo rẹ orhọnrhe wran vwẹ erhanre na, jẹn ohwo umwemwu ghwọrọ vwẹ obaro rẹ Ọghẹnẹ.

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

1 Samuẹl 25:36

Abigail de bru Nabal rhe; e vwo ni, ọ ra re orẹ vwẹ uwevwi rọye, kerẹ orẹ rẹ ovie. Oma ro mu Nabal vwerha, kidie idi re muo; ọtiọye na ọ rha ta ota ọvuọvo kẹ bẹsiẹ rẹ ọke vwo rhie-e.

Une rẹ Ejiro 118:12

Ayen da gba riariẹ ovwẹ kere ọnyọn ayen re muẹ la kere erhanre re inwe; vwe odẹ rẹ Ọrovwohwo me da nyavwe ayen kufia !

Aizaya 47:14

Nighere, ayen epha kerẹ iphopho, erhanre torhẹ ayen, ayen se sivwi oma raye-en ne ogangan re erhanre na. O vwo esia ra vwọ dia erhanre-e, o vwo erhanre re tidia kẹre-e.

Aizaya 56:12

Yanrhe, ayen da ta, e jẹn avwanre da udi, e jẹn avwanre da idi egangan vọ evun, odẹ rọ cha na je cha họhọ nonẹ na, rhuarho nẹ ẹdẹ ejobi.

Ẹyano 5:12

Ọtiọye na ihwo da hra wan otọ rẹ Ijipti na ejobi, rere ayen ra guọnọ erhan vwọ ma ikorekpẹn.

Ẹyano 15:7

Vwẹ evun rẹ orhuarho rẹ ọrho wẹn wo de kpoviẹ ukọn wẹn she; wẹ re vwẹ ophu wẹn rhe, ọ da torhẹ ayen kerẹ ẹbe eyaya.