Matiu 9:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọke ri Jesu rhi vwo te uwevwi rẹ onotu na, rọ rhe vwọ mrẹ ihwo ri kuenu rẹ oviẹ kugbe otu ri do,

Matiu 9:23 Referans Kwoze

2 Ikun rẹ Ivie 35:25

Jerimaya da je viẹ kẹ Josaya; re eshare re sua ine te eya re sua ine de roro ine vwo so Josaya rhi te nonẹ na. Ayen de ji iji nana vwẹ Izrẹl; nighe, e si ayen phihọ ọbe rẹ ovie.

Iruo rẹ Iyinkọn na 9:39

Ọtiọye na Pita vrẹnri o de nene ayen ra. Ọke rọ vwọ rhire, ayen da rọye kpo ubruwevwi rọ hẹ obenu na. Eya uku na ejobi de mudia kẹrẹ re ayen vwọ viẹ, yẹ ayen ghwe dje kẹ emwa buebu kugbe iwun buebu ri Dọkas ko kẹ ayen vwẹ ọke rọ vẹ ayen vwọ herọ.

Iyẹnrẹ Esiri ri Luk 7:32

Ayen họhọ imitete ri tidia afieki ayen mie se ohwohwo, Avwanre hworo owanre kẹ ovwan, ovwan se gbe eha-a; avwanre viẹ kẹ ovwan, ovwan sa viẹ-ẹ.

Matiu 11:17

ayen me ta nẹ, mi hworo owanre kẹ ovwan yu we se gbe eha-a, avwanre viẹre we se muomahọ-ọ;

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Izikiẹl 24:17

Ku ẹnwẹn kokodo, ẹkẹvuọvo wo jọ phia-a; wo muomahọ kẹ ọ ro ghwuru-u. Vwẹ erhu wẹn tughẹ, ku isabato wẹn phihọ awọ wẹn; wo rhurhẹ ẹbẹrunu wẹ-ẹn, eyẹ wọ ria ikara rẹ otu rẹ uvweri-i.

Iruo rẹ Iyinkọn na 20:10

Ẹkẹvuọvo Pọl de wo bro rhe ọ da riẹn oma nene, ọ da gbanọ ọ da ta, We guegue-e, kidie o ghwuru-u.

Ẹvwọphia 18:22

e gbi nyo edo rẹ isorogun kugbe eboine, e rẹ otu ri hworo urephe kugbe owanre, ọfa vwẹ evun wẹ-ẹ; kugbe ọwena rẹ ona kona a gbe mrẹ vwẹ evun wẹn ọfa-a; kugbe edo rẹ uwuye e gbi nyo vwẹ evun wẹ ọfa-a;