Matiu 9:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen.

Matiu 9:15 Referans Kwoze

Ẹvwọphia 19:9

Amakashe na da ta kẹ vwẹ, Si ọnana; Ebruba kẹ ayen otu re se kpo orẹ rẹ orọvwe rẹ Omogodẹ na. Ọ da ta kẹ vwẹ, Enana eta rẹ uyota rẹ Ọghẹnẹ.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

Iyẹnrẹ Esiri ri Jọn 16:6

Ẹkẹvuọvo fikiridie me ta imu nana kẹ ovwan nure na, kọye uvweri vwọ vọn udu rẹ ovwan na.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

2 Kọrẹnt 11:27

vwẹ omaẹlaghọ vẹ ọbẹnvwẹ, ovwerhẹ ẹgha vwẹ ason buebu, vwẹ owẹvwe vẹ urhuru rẹ ame, ọkẹ buebu o vwo emuọre-e, vwẹ ekpahe vẹ orhuoghi.

Matiu 9:14

Idibo ri Jọn de bro rhe ayen da ta nẹ, Die sorọ rẹ avwanre kugbe otu ri Farisi vwo chirẹ owẹvwe kọke kọke, ẹkẹvuọvo ewẹn gbi chirẹ owẹvwe-e.

Matiu 9:16

Ohwo se ko amwa ọkpokpọ phihọ ọ rẹ awanre-e, ọkpokpọ na ko si ọ rẹ awanre na bẹre, uphrophro na ko miovwi phihọ.

Iyẹnrẹ Esiri ri Mak 2:19

Jesu da ta kẹ ayen, Kẹ ikọpha se chirẹ owẹvwe rẹ ọshare rẹ ọpha vẹ ayen da herọ? rẹ ayen vẹ ọshare rẹ ọpha vwọ herọ na, ayen gbi se chirẹ owẹvwe-e.

Iyẹnrẹ Esiri ri Mak 2:20

Ẹkẹvuọvo ẹdẹ cha vwẹ obọ, ra vwọ reyọ ọshare rẹ ọpha nẹ obọ rẹ ayen, kẹsiẹye ayen ki che chirẹ owẹvwe vwẹ ẹdẹ yena.

Iyẹnrẹ Esiri ri Luk 5:34

Jesu da ta kẹ ayen, Kẹ ikọpha se chiri owẹvwe rẹ ọpha na vẹ ayen da herọ?

Iyẹnrẹ Esiri ri Luk 5:35

Ẹkẹvuọvo ẹdẹ cha, ra cha vwọ reyọ ọpha na mie ayen, kẹsiẹye ayen ki chiri owẹvwẹ.

Iyẹnrẹ Esiri ri Luk 17:22

Ọ da ta kẹ idibo rọye, Ẹdẹ cha rẹ ovwan cha vwọ guọnọ ẹdẹ ọvo rẹ Ọmọ rẹ ohwo na mrẹ, yẹ ovwan cha sa mrẹ-ẹ.