Matiu 9:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

Matiu 9:13 Referans Kwoze

Iyẹnrẹ Esiri ri Mak 2:17

Ri Jesu vwo nyo, ọ da ta kẹ ayen, otu rẹ oma rẹ ayen ganre, guọnọ ọbo-o, jokpa rẹ otu rẹ oma da. mi rhi se evwata-a, jokpa rẹ iruimwemwu.

Iyẹnrẹ Esiri ri Luk 19:10

Kidie Ọmọ rẹ ohwo rhere rhe guọnọ re o sivwi i ri ghwruru.

Hosia 6:6

Kidie me guọnọ ehrọre ọ dia izobo-o, erianriẹn rẹ Ọghẹnẹ, nọ izobo rẹ ẹtorhẹ.

Iyẹnrẹ Esiri ri Luk 5:32

Mi rhi se evwata-a, ẹkẹvuọvo iruimwemwu ri kurhẹriẹ.

Matiu 12:7

Ọ da dianẹ ovwan riẹ otọ rẹ ota nana, me guọnọ aruẹdọn ọ dia izobo-o, mane ovwan gbi se brorhiẹ hwe ọ rọ re ase-e.

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Matiu 3:2

Kurhẹriẹ, kidie uvie rẹ odjuvwu si kẹre re.

Iruo rẹ Iyinkọn na 5:31

Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Matiu 4:17

Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

Matiu 21:42

Jesu da ta kẹ ayen nẹ, Ovwan ji se vwẹ ẹbe ọfuanfon na, Oragha rẹ ihwo re bọn uwevwi senre, Kọye ri hirhe phihọ omamọ rẹ uchivwo vwẹ ubienyẹ. Ọnana iruo rẹ Ọrovwohwo, Ọ da dia igbunu vwẹ ẹro re avwanre.

Matiu 12:3

Ẹkẹvuọvo ọ da ta kẹ ayen nẹ, Ovwan ji se-e, obo ri Devid ruru vwẹ ọke rẹ owevwe vwo hwe kugbe ikru rọye-e;

Iyẹnrẹ Esiri ri Mak 12:26

Vwọ kpahe irivwi ri che vrenushi ovwan ji se vwẹ ẹbe ri Mosis, asan re shi kpahe Aghwa na, obo rẹ Ọghẹnẹ ta kẹ Mẹvwẹ ọghẹnẹ rẹ Ebraham, kugbe Ọghẹnẹ rẹ Aizik kugbe Ọghẹnẹ ri Jekọp?

Iyẹnrẹ Esiri ri Jọn 10:34

Jesu da kpahe kẹ ayen, E rhe sio phihọ urhi rẹ ovwan, me tare, ovwan hẹ edjọ?

Matiu 19:4

Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen?

Matiu 12:5

Eyẹ we ji se vwẹ ẹbe rẹ urhi na, nẹ orherẹn de ru iruo rẹ ẹga vwẹ evun rẹ uwevwi rẹ ẹga vwẹ ẹdidjala yọ chọ urhi?

Iyẹnrẹ Esiri ri Luk 10:26

Ọ da ta kẹ, Die e si phihọ urhi na? Mavọ wo sere te?

Iyẹnrẹ Esiri ri Mak 12:33

nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri.

Iyẹnrẹ Esiri ri Luk 5:31

Jesu da kpahe kẹ ayen, Ihwo vẹ oma ọkpokpọ sa guọnọ ọbo-o, ẹkẹvuọvo jokpa rẹ otu rẹ oma da.