Matiu 8:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Jesu da ta kẹ onotu na nẹ, Yanran kpo obo wọ ra, kirobo ru wo segbuyota na jọ dia ọtiọye kẹ wẹ; oma rẹ odibo na de ghwe kpo nẹ ọke yena yanran.

Matiu 8:13 Referans Kwoze

Iyẹnrẹ Esiri ri Jọn 4:50

Jesu da ta kẹ, Yanran, ọmọ wẹn na cha rhọ. Ohwo na de se ota ri Jesu ta kẹ na gbuyota ọ da yanran.

Iyẹnrẹ Esiri ri Mak 9:23

Jesu da ta kẹ, wo de se ru! Emu na ejobi ọlọlọhọ kẹ ọ ro segbuyota.

Matiu 17:20

Ọ da ta kẹ ayen nẹ, fiki rẹ esegbuyota ọhanhanvwe rẹ ovwan na. Uyota me ta kẹ ovwan, We de segbuyota kerẹ emamọ rẹ uyerhie, kẹ ovwan ta kẹ ugbenu nana nẹ, Ghwie nẹ etinẹ kpo oboyi; ko ghwie; emu ọvuọvo gbe sa bẹn kẹ ovwa-an.

Matiu 15:28

Jesu da kpahe ọ da ta kẹ nẹ, E aye na, esegbuyota wẹn rhoro, gbe je ọ dia kẹ wẹ kirobo wọ guọnọre.

Matiu 9:22

Ẹkẹvuọvo ri Jesu vwo kuoma rhẹriẹ ọ da mrẹ; ọ da ta kẹ nẹ, Ọmọte jẹn oma wẹn vworo uwe; esegbuyota wẹn o sivwi uwe. Oma rẹ aye na de ghwe kpo nẹ ọke yena yanran.

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

Matiu 8:4

Jesu da ta kẹ nẹ, Wọ ta kẹ ohwo ọvuọvo-o, ẹkẹvuọvo yanran kpo, ra vwẹ oma wẹn nẹ orherẹn, rere wọ gọ iye kirobo ri Mosis ji urhi kẹ wẹ, rere o dia iseri kẹ ayen.

Iyẹnrẹ Esiri ri Mak 7:29

Ọ da ta kẹ, Vwi fiki rẹ ota nana yanran kpo, idẹbono na nẹ oma rẹ ọmọtẹ wẹn re.