Matiu 7:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu.

Matiu 7:21 Referans Kwoze

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Iyẹnrẹ Esiri ri Luk 6:46

Die we vwo se vwe, Ọrovwohwo, Ọrovwohwo, yu we ruẹ obo re me tare-e?

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Hibru 4:6

Ovwan mrẹre nẹ ihwo evo herọ re cha ro evun rẹ omaerovwo na, yẹ ayen ihwo ra ka ta ota na kẹ cha sa ruọ-ọ fiki ri jẹ ọghọ emuo.

Iyẹnrẹ Esiri ri Jọn 6:40

Kidie ọnana hẹ ọhọre rẹ Ọsẹ mẹ na, nẹ ohwo kohwo rọ mrẹ Ọmọ na nu ro de segbuyota ko vwo arhọ ri bẹdẹ; ke me kparọ vrẹn vwẹ ẹdẹ rẹ oba na.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.

1 Pita 4:2

vwẹ ọtiọye na ovwan ki yere akpọ rẹ ovwan ro chekọ ọ gbe dia ọ rẹ urhuru sivwe rẹ ugboma ọfa-a ẹkẹvuọvo kẹ ọ rẹ ọhọre rẹ Ọghẹnẹ.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

Matiu 12:50

Kidie ohwo kohwo ro ru ẹguọnọ rẹ Ọsẹ mẹ rọ hẹ obo odjuvwu, ọye hẹ oniọvo mẹ rẹ oshare kugbe ọ rọ ọmọtẹ kugbe oni mẹ.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

Iyẹnrẹ Esiri ri Jọn 3:5

Jesu da kpahe, Uyota, uyota, me ta kẹ owẹ, jokpa nẹ e rhivwi vwiẹ ohwo vwẹ ame kugbe Erhi-i, ọ sa ro uvie rẹ Ọghẹnẹ-ẹ.

Matiu 18:3

ọ da ta nẹ, Uyota me ta kẹ ovwan, Jokpa nẹ ovwan rhẹriẹ re rẹ ovwan de hirhe oma vwọ hẹ omotete-e, ovwan sa ro uvie rẹ odjuvwu-u.

Iyẹnrẹ Esiri ri Jọn 7:17

ọ da dianẹ ohwo vwo ọhọre ro vwo ru ọhọre rọye gba, ko cha riẹn sẹ uyono na obọ rẹ Ọghẹnẹ o nurhe eyẹ se ogangan robọ mẹ me vwọ ta ota na.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Iyẹnrẹ Esiri ri Mak 3:35

Kohwo kohwo ro ru ọhọre rẹ Ọghẹnẹ ọye oniọvo mẹ rẹ ọshare kugbe ọ rẹ aye, kugbe oni mẹ.

1 Tẹsalonaika 5:18

Ovwan kpẹvwẹ Ọghẹnẹ vwi kẹdia kẹdia rẹ ovwan epha ejobi; ọnana hẹ ọhọre rẹ Ọghẹnẹ vwẹ evun ri Kristi Jesu vwọ kẹ ovwan.

Ẹfesọs 6:6

ọ dianẹ kẹ avwerhe rẹ unu ofefe-e, re ihwo vwo jiri ovwa-an, ẹkẹvnọvo kerẹ idibo ri Kristi, ri ruẹ ọhọre rẹ Ọghẹnẹ nẹ udu cha,

1 Pita 2:15

Kidie ọye ọhọre rẹ Ọghẹnẹ nẹ wo de ru obo ri yovwiri kọ nẹrhẹ ẹkpa ri ghẹghẹ rhuru unu.

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

1 Tẹsalonaika 4:3

Kidie ọnana hẹ ọhọre rẹ Ọghẹnẹ, kọye hẹ orufuọn rẹ ovwan; nẹ we siobọ nẹ igberadja;

Kolose 4:12

Epafras, ohwo ọvo vwẹ usun rẹ ovwan na, odibo ri Jesu Kristi nẹ eyere ovwan; kẹdẹ kẹdẹ ọ vwọ nẹ ẹrhovwo kẹ ovwan, rere ovwan se vwo mudia gan vwẹ evun rẹ iruo rẹ Ọghẹnẹ na.

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

Iyẹnrẹ Esiri ri Luk 18:25

Kidie ọ lọhọ kẹ erhuẹn rọ vwọ wan unu rẹ ukoti vrẹn nọ ọdafe rọ vwọ ro uvie rẹ Ọghẹnẹ.

Iyẹnrẹ Esiri ri Mak 9:47

Ẹro wẹn da nẹrhẹ owẹ she, rhuo nu; oyovwi kẹ wẹ wọ vwọ reyọ ẹro ọvo vwọ ro uvie rẹ Ọghẹnẹ, nọ ru wọ da vwẹ ẹro ivẹ ra da kpare owẹ phihọ ọrho rẹ igbephẹre.

Matiu 19:24

Me je rhoma ta kẹ ovwan nẹ, Ọ lọhọre kẹ uyovwi rẹ erhuẹn rọ vwọ wan unu rẹ ukoti vrẹn, vwọ kẹ ọdafe rọ vwọ ro uvie rẹ Ọghẹnẹ.

Matiu 18:35

Eriyin Ọsẹ mẹ ro hẹ obo odjuvwu ru kẹ ovwan, ọ da dianẹ ovwan gbe sa vwẹ imwemwu rẹ orivẹ rẹ ovwan vwo ghovwo te otọ rẹ evu-un.

Iyẹnrẹ Esiri ri Jọn 15:23

Ọ ro tuoma mẹ ji tuoma rẹ Ọsẹ mẹ rhe.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Ẹvwọphia 2:27

kọ vwẹ ọkpọ rẹ utehru sun ayen, kirobo rẹ ochẹ ghwe ibribro, mrẹmrẹ kirobo rẹ okpuyovwi mẹ je reyọ ogangan mie Ọsẹ mẹ rhe;

Iyẹnrẹ Esiri ri Jọn 14:7

Ọ diane kẹ ovwan riẹn vwẹ jovwo, mane yẹ ovwan riẹn Ọsẹ mẹ rhe; kẹ etinẹ yanran ovwan riẹnrẹ yẹ ovwan je mrẹ re.

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Matiu 26:39

Ọ da yan hẹ ọbaro emerha, o de she diguẹ, ọ da nẹ ẹrhovwo ta nẹ, E Ọsẹ mẹ, ọ da dia ẹrhọvwọ wẹn, jẹn uko nana wan vrẹn vwẹ; ẹkẹvuọvo ọ dia ẹguọnọ mẹ-ẹ, ru ẹguọnọ wẹn.

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Matiu 18:19

Me je ta kẹ ovwan nẹ, ovwan ivẹ de kuoma gbe vwọ nọ ekpẹn rẹ emu, Ọsẹ rẹ obo odjuvwu kọ ruo kẹ ayen.

Matiu 25:10

Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu.