Matiu 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Matiu 7:15 Referans Kwoze

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Matiu 24:11

Emraro rẹ efian buebu cha rhe, ayen mi rhi sun ihwo buebu ghwru.

Kolose 2:8

Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

2 Pita 3:17

Fiki rẹ ọtiọye na, imoni, rẹ ovwan vwọ riẹn ọnana nure na, gba kẹnoma rere oruchọ rẹ ihwo ri jẹ urhi ẹriẹn na vwo jẹ ovwan esio ghwro, rẹ obo rẹ ovwan mudia phihọ na vwo je ghwro kuẹfia.

Iyẹnrẹ Esiri ri Luk 6:26

Ekan kẹ ovwan, vwẹ ọke rẹ ihwo de jiri ovwan, kidie ọtiọye esẹ rẹ ovwan ji jiri emraro rẹ efian na.

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Filipae 3:2

Wa kẹnoma kẹ eranko na, wa kẹnoma kẹ ivwuvumwemwu na, wa kẹnoma kẹ otu re tua ibrebru rẹ Ọghẹnẹ phihọ oma na.

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Iyẹnrẹ Esiri ri Luk 12:15

Ọ da ta kẹ ayen, Jomaotọ, re wo si oma wẹn nẹ urhuru evwo; ọ dia efe buebu rẹ ohwo vwori ọye urhuarhọ rọye epha-a.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Ẹvwọphia 16:13

Me da mrẹ irhi ri jẹfuọn erha re họhọ igoro, ri nẹ unu rẹ Okpodje na cha, kugbe unu rẹ eranvwe ẹne na, kugbe unu rẹ emraro rẹ efian na;

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

Iruo rẹ Iyinkọn na 13:40

Eriyin na, ovwan gba kẹnoma, rere eta rẹ emraro na ta kpahe ovwan na vwo jẹ ovwan ekpokpo.

Iyẹnrẹ Esiri ri Jọn 10:12

Ọ re durhieri rọ dia osuigegede na-a na, rẹ igodẹ na dia erọye-e na, ọ da mrẹ okpohrokpo rọ cha ọ me djẹ jẹ igodẹ na vwo; okpohrokpo na mi fru ayen reyọ ọ me hra ayen.

Matiu 16:11

Kidie ovwan vwo roro nẹ me ta ota kpahe emu diodi ra ria? Ẹkẹvuọvo ovwan jomaotọ kpahe emu ri Farisi kugbe Sadiusi.

Matiu 16:6

Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi.

Matiu 10:17

Ẹkẹvuọvo ovwan jomaotọ; kidie e che mu ovwan kpo ẹguare, vwẹ evun ri Sinagọg, kẹ ayen che ru ovwan oja.

Zekaraya 13:4

Vwẹ ẹdẹ yena oma cha vo kọmraro kọmraro vẹ emramrẹ rọye ọ sa vwẹ adja ya rọ da phiẹ ohwo-o,

Izikiẹl 22:25

Isun rọye vwẹ uherevie rọye e họhọ okpohrokpo ro do rọ chẹghẹ eranvwe na, ayen ria ihwo kpokpọ; ayen ghwẹ efe vẹ eravwọ esiri, ayen bru evakpo buebu phihọ uherevie rọye.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Izikiẹl 13:16

Enana emraro rẹ Izrẹl re mraro kpahe Jerusalẹm re mrẹ emramrẹ rẹ ufuoma kpahọ, yẹ ufuoma herọ-ọ, ọtiọye Ọrovwohwo Ọghẹnẹ tare.

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Jerimaya 29:21

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, kpahe Ehab ọmo ri Kolaya vẹ Zedikaya ọmọ ri Masaya, rẹ mraro rẹ efian kẹ ovwan vwẹ odẹ mẹ nighe, me cha reyọ ayen vwọ kpo obọ ri Nebukadreza ovie ri Babilọn, ọ che hwe ayen ghwẹ vwẹ irharo wẹn.

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.

Iruo rẹ Iyinkọn na 13:6

Ọke rẹ ayen vwọ yan ubrotọ na duvwu rhi te Pafọs ayen da rhe vwa ohwo ro ruẹ egbẹlẹkẹ, ohwo ri Ju ọmraro rẹ ofian, re se Ba-Jesu.

1 Ivie 13:18

Ọ da ta kẹ, Mẹvwẹ je vwẹ ọmraro kirobo wọ epha, amakashe da rhe ta ota rẹ Ọrovwohwo kẹ vwẹ, tanẹ, Vwo rhivwi rhe uwevwi wẹn rere o re emu re ọ da ame. Ẹkẹvuọvo efian ọ vwọrọn kẹ.

Daniẹl 11:34

Ọke rẹ ayen de she, ayen ke cha mrẹ ọmọchuko krẹn. Ihwo buebu cha vwẹ ota rẹ ophiẹnvwe kuoma kugbe ayen;

Matiu 7:14

Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.

Ẹvwọphia 20:10

idẹbono rọ phiẹn ayen na a da kparọ phi phihọ ẹtẹrhe rẹ erhanre kugbe ibiosio rẹ erhanre asan rẹ eranvwe na kugbe ọmraro rẹ ofian na epha, kẹ etiyin ayen da mrẹ odjadja te ason te uvo bẹdẹ bẹdẹ.