Matiu 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Wa da nẹ ẹrhovwo we ruẹ kerẹ otu ri Farisi na-a, re vwẹ oma nẹ vwẹ ọsuere-e, eyẹ vwẹ evun rẹ ishọshi-i, rere ihwo vwọ mrẹ ayen. Uyota me ta kẹ ovwan, ayen reyọ osa rayen nure.

Matiu 6:5 Referans Kwoze

Matiu 6:2

Ọke wo de ru ẹse, wo vwo hworo ukpokpo-o, kirobo rẹ otu ri Keferi ruẹ-ẹ, rere ihwo vwọ mrasan jiri ayen. Uyota me ta kẹ ovwan, ayen vwo osa rayen nure.

Iyẹnrẹ Esiri ri Luk 18:13

Ẹkẹvuọvo omiarhọghọ na, de mudia tephe, o gbi yivwi kpare opharo kpenu-u, ẹkẹvuọvo ọ da vwẹ abọ ghwiẹ udu, tanẹ, Ọghẹnẹ ni arodọvwẹ mẹ oruimwemwu!

Iyẹnrẹ Esiri ri Mak 11:25

Kẹsiẹ kẹsiẹ rẹ ovwan de mudia nẹ ẹrhovwo, rẹ ovwan vẹ ohwo de vwo ẹghwọ, vwo ghovwo; rere Ọsẹ rẹ ovwan rọ hẹ obo odjuvwu vwo ghovwo ogbeku rẹ ovwan.

Jerimaya 29:12

Kẹsiẹye we ki se vwe rhe nẹ ẹrhovwo kẹ vwẹ, ki mi nyo ovwan.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Iyẹnrẹ Esiri ri Luk 20:47

re ghwọrọ iwevwi rẹ eyauku re vwẹ omeru nẹ ẹrhovwo ogrogro. E che bru hwe ayen rhuarho gangan.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

Iyẹnrẹ Esiri ri Luk 18:1

Ọ de kpe itẹ ọvo kẹ ayen nẹ, ọtiọna ovwan nẹ ẹrhovwo kọke kọke e jọ bẹn ovwa-an.

Daniẹl 6:10

Ọke ri Daniẹl vwọ riẹn nẹ e si odẹ phihọ ọbe na nure, ọ da yanran kpo uwevwi rọye asan ro phi evakpo phihọ vwẹ uvun rẹ egedege rọye ro rhie phihọ rọ hirhe opharo ku Jerusalẹm, o de shiguẹ asierha ẹdọke, o da nẹ ẹrhovwo ọ da kpẹvwẹ Ọghẹnẹ rọye, kirobo rọ ruẹ jovwo.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Iyẹnrẹ Esiri ri Luk 11:43

Ẹkan kẹ ovwan Farisi ! kidie asan ro me yovwi vwi Sinagọg wa guọnọ tidia kugbe uyere rẹ afieki.

Matiu 21:22

Kemu kemu ejobi rẹ ovwan nọre vwẹ esebuyota, ovwan ke mrẹ ayen.

Une rẹ Ejiro 55:17

Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

Une rẹ Ejiro 5:2

Kerhọn rẹ ekpere rẹ oviẹ mẹ, Ovie mẹ kugbe Ọghẹnẹ mẹ, kidie wẹ me nẹ ẹrhovwo kẹ.

1 Tẹsalonaika 5:17

Nẹ ẹrhovwo kẹdẹ kẹdẹ.

Iyẹnrẹ Esiri ri Jọn 16:24

Rhi te ọke nana ovwan je nọ emuọvo vwẹ odẹ mẹ-ẹ; nọ, kẹ ovwan mrẹ reyọ, rere aghọghọ rẹ ovwan vwọ vọn.

Iyẹnrẹ Esiri ri Mak 12:38

Vwẹ uyono rọye ọ da ta, Ovwan kẹnoma kẹ isiẹbe na, re guọnọ iwun igrogro kuẹhọ, kugbe uyere rẹ afieki.

Matiu 9:38

Gba rẹ Ọghẹnẹ ro vwo orhọ rere a mrẹ ihwo vwo vun orhọ na.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Isẹ 16:5

Ohwo kohwo ro phuoma ejobi ẹgua kẹ Ọrovwohwo, jo mu we ẹro nẹ, ọ cha sa vabọ rẹ oja ẹriọ-ọ.

Matiu 23:6

Ayen mia guọnọ asan ro kpenu tidia, kugbe agbara ro yoma vwẹ evun rẹ Sinagọg,

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Matiu 6:1

Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Iyẹnrẹ Esiri ri Luk 6:24

Ẹkẹvuọvo ekan kẹ ovwan edafe, kidie ovwan vwo ẹkẹn efe rẹ ovwan nure.