Matiu 6:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Matiu 6:16 Referans Kwoze

Nehemaya 1:4

Vwe ọke mi vwo nyo eta nana mi de tidia me da viẹ, mi de muoma phihọ vwe ẹdẹ buebu, mi de chiri owẹvwe me da nẹ ẹrhovwo vwe obaro rẹ Ọghẹnẹ rẹ Odjuvwu.

Daniẹl 9:3

Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Iyẹnrẹ Esiri ri Luk 18:12

Mi chirẹ owẹvwe asiava vwẹ ẹdidjala, me hwa ẹkẹn ehwe rẹ obo ri mi vwori ejobi.

Iyẹnrẹ Esiri ri Mak 2:18

Idibo ri Jọn kugbe e re Farisi ki chirẹ owẹvwe; ayen da rhe nọ, Die jabọ rẹ idibo ri Jọn vẹ e re Farisi vwo chirẹ owẹvwe yẹ idibo wẹn gbi chirẹ owẹvwe-e?

Une rẹ Ejiro 69:10

Ọke re me da vwẹ oma mẹ kpotọ vwẹ owẹvwe echiro, o mi hirhe oma phihọ ẹghwọ kẹ vwẹ.

Une rẹ Ejiro 35:13

Ẹkẹvuọvo mẹvwẹ, re ayen vwọ mwọga– Mi de rhuo amwa rẹ uvweri, Mi de chiri oma mẹ owẹvwe. Me da ne ẹrhovwo gbe uyovwi mẹ phihọ agada,

Iruo rẹ Iyinkọn na 14:23

Ọke rẹ a vwọ ekpako vwo mu vwẹ ishọshi ọvuọvo nu, ẹrhovwo ẹnẹ vẹ owẹvwe echiro, ayen de mu ayen phihọ obọ rẹ Ọrovwohwo rẹ ayen segbuyota na.

Matiu 6:5

Wa da nẹ ẹrhovwo we ruẹ kerẹ otu ri Farisi na-a, re vwẹ oma nẹ vwẹ ọsuere-e, eyẹ vwẹ evun rẹ ishọshi-i, rere ihwo vwọ mrẹ ayen. Uyota me ta kẹ ovwan, ayen reyọ osa rayen nure.

Matiu 6:2

Ọke wo de ru ẹse, wo vwo hworo ukpokpo-o, kirobo rẹ otu ri Keferi ruẹ-ẹ, rere ihwo vwọ mrasan jiri ayen. Uyota me ta kẹ ovwan, ayen vwo osa rayen nure.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

2 Samuẹl 12:16

Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

Une rẹ Ejiro 109:24

Igbo mẹ sida fiki rẹ ewẹvwe echiro mẹ; oma mẹ ke ọyaya.

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

2 Kọrẹnt 11:27

vwẹ omaẹlaghọ vẹ ọbẹnvwẹ, ovwerhẹ ẹgha vwẹ ason buebu, vwẹ owẹvwe vẹ urhuru rẹ ame, ọkẹ buebu o vwo emuọre-e, vwẹ ekpahe vẹ orhuoghi.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

Iyẹnrẹ Esiri ri Luk 2:37

kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo.

Malakae 3:14

Wọ tare nẹ, Ọghẹnẹ ẹgọ fi emuọvo-o. Didi erere ri te ohwo rọ yọnrọn iji rọye eyẹ re vwo muomaphihọ yan vwẹ obaro rẹ Ọrovwohwo rẹ otuofovwi na?

2 Samuẹl 12:21

Etiyin idibo rọye da ta kẹ, Ọna didi emu wo ruru na? Wo de chiri owẹvwe wọ da viẹ kẹ ọmọ na, vwẹ ọke ro ji ghwu-u, ẹkẹvuọvo o vwo ghwu nu, wo vrẹnri wọ da re emu.

2 Kọrẹnt 6:5

efafa, uwodi, edo, owian, ẹrhẹrẹ, owẹvwe;

Iruo rẹ Iyinkọn na 10:30

Kọniliọs da ta, Ẹdẹ ẹnẹ re wanre, kerẹ unọke nana, me vwọ nẹ ẹrhovwo rẹ unọke rirhiri vwẹ evun rẹ uwevwi mẹ; nighe, ọshare ọvo vẹ iwun wrowro vwẹ oma, de mudia vwẹ obaro mẹ,

Matiu 6:1

Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.