Matiu 6:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Emu ri kẹdẹ kẹdẹ vwẹ ọ ri nonẹ kẹ avwanre.

Matiu 6:11 Referans Kwoze

Isẹ 30:8

Kpọ ofian evwọnrọ vẹ ọphiẹnvwẹ chọ vwẹ ra shesheri, Wọ kẹvwẹ ogbere eyẹ efe-e, vwẹ emu ro fori ghẹrẹ ovwẹ.

Iyẹnrẹ Esiri ri Luk 11:3

Kẹ avwanre emu ri kẹdẹ kẹdẹ;

Matiu 4:4

Ẹkẹvuọvo Jesu da kpahe kẹ nẹ, e siro phihọ otọ nẹ, ohwo sa vwẹ emu ọvo rhọ-ọ, jokpa rẹ ota ro nẹ unu rẹ Ọghẹnẹ rhe.

Une rẹ Ejiro 34:10

Emọ rẹ okpohrokpo sa mrẹ ọkarovwe kugbe owẹvwe, ẹkẹvuọvo ayen otu re guọnọ Ọrovwohwo emu esiri sa kare aye-en.

ỌBE RẸ JOB 23:12

Mi ji siobọ nẹ urhi ro nẹ unu rọye rhe-e, me sẹro rẹ eta rẹ unu rọye vwẹ evun mẹ

Aizaya 33:16

Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

1 Timoti 6:8

ẹkẹvuọvo avwanre de vwo emnọre ra da rha mrẹ emwa vwo rhuo, e gbe jẹ eyena te kẹ avwanre.

2 Tẹsalonaika 3:12

Asakiephana me ji urhi kẹ oghẹre rẹ ihwo tiọye na, me de rhe bru ayen uche vwẹ evun rẹ Ọrovwohwo Jesu Kristi nẹ ayen ru iruo rayen dẹndẹn rere ayen mrẹ emu rẹ obo rẹ ayen re.

Rutu 1:6

Etiyin aye na vẹ eya rẹ emọ rọye na vrẹnri kẹ ayen rhivwi nẹ otọ ri Moab kpo, kidie o nyori vwẹ otọ ri Moab obo rẹ Ọrovwohwo ra mrẹ ihwo rọye ọ da vwẹ emuọre kẹ ayen. Etiyin o de vrẹn nẹ asan rọ hẹ epha jovwo.