Matiu 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ebruba kẹ ihwo ri ni aruẹdọn; kidie ihwo efa ki ji ni aruẹdọn kẹ ayen.

Matiu 5:7 Referans Kwoze

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

2 Samuẹl 22:26

Vwọ kẹ ihwo ri fuevun nene uvwe, ọye wọ je ghwa vwẹ evuesiri wẹn nẹ, vwọ kẹ ohwo ro vwo eka-an ọye wọ je ghwa dia ohwo ro jẹ ekan evwo kẹ;

Une rẹ Ejiro 18:25

Ohwo ro vwo ẹguọnọ esiri ọye wo dje ẹguọnọ esiri wẹn kẹ, ohwo rọ gbare ọye wo dje oma wẹn kẹ gbagba,

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Iyẹnrẹ Esiri ri Luk 6:35

Ẹkẹvuọvo guọnọ ivwighrẹ wẹn, ru wo ru emu esiri, momo kẹ ayen wọ guọnọ isuo-o; osa wẹn kọ rho, ke se ovwan emọ rẹ ọ Ro Me Kpenu; kidie o nẹ aruẹdọn kẹ otu re riẹn ẹse te otu ri jẹ riẹn.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Isẹ 19:17

Ohwo ro ru ẹse kẹ ovwiogbere ru ro kẹ Ọrovwohwo na, kọye cha hwa osa rẹ iruo rọye kẹ.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Hibru 4:16

E gbe jẹ avwanre sikẹre ekete rẹ ẹserọphe na vẹ ẹroẹvwọsuọ, rere avwanre mrẹ arodọvwẹ reyọ kugbe ẹserọphẹ rọ cha avwanre uko vwẹ ọke rẹ ọbẹnvwẹ.

Isẹ 11:17

Ohwo ro nẹ aruedọ che vwo erere kẹ oma rọye, ẹkẹvuọvo ohwo umwemwu oma rọye o hwe.

1 Pita 2:10

Devure ovwan dia ihwo jovwo-o ẹkẹvuọvo asakiephana ovwan kẹ ihwo rẹ Ọghẹnẹ; ovwan je mrẹ arodọvwẹ jovwo-o ẹkẹvuọvo asakiephana ovwan mrẹ arodọvwẹ reyọ re.

Iyẹnrẹ Esiri ri Mak 11:25

Kẹsiẹ kẹsiẹ rẹ ovwan de mudia nẹ ẹrhovwo, rẹ ovwan vẹ ohwo de vwo ẹghwọ, vwo ghovwo; rere Ọsẹ rẹ ovwan rọ hẹ obo odjuvwu vwo ghovwo ogbeku rẹ ovwan.

Isẹ 14:21

Ohwo rọ jẹ ọrivẹ rọye fia yẹ oruiumwemwu o ruẹ, ẹkẹvuọvo ebruba kẹ ohwo ro ru emu esiri kẹ ovwioghere.

Hosia 2:1

Ta kẹ oniọvo wẹn rẹ ọshare, Ihwo mẹ, ta kẹ oniọvo wẹn rẹ ọmọtẹ nẹ, Ọ mrẹ ehrọre reyọ.

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Une rẹ Ejiro 112:4

Urhukpẹ la nẹ evun rẹ ebri rhe kẹ ohwo ọsoso, Ọrovwohwo vẹ ehrọre, arodọvwẹ, kugbe ọvwata.

Une rẹ Ejiro 37:26

O siẹ obọ nẹ kẹ ayen o momo kẹ ayen buebu, emọ rọye da rhe dia ebruphihọ.

1 Timoti 1:13

dede na dẹvure jovwo me phọpherọ mi kpokpiro me da harhọ; ẹkẹvuọvo o de ni arodọvwẹ mẹ fikiridie ughẹghẹ vẹ ijesegbuyota mi vwo ruo,

1 Kọrẹnt 7:25

Asakiephana vwọ kpahe otu re je rọvwọ-ọ, ọnana dia urhi rẹ Ọrovwohwọ jiri-i, ẹkẹvuọvo evun mẹ mi vwo jo kerẹ ohwo ra vwẹroso vwẹ arodọvwẹ rẹ Ọrovwohwo.

1 Timoti 1:16

fiki rẹ ọnana me vwọ mrẹ arodọvwẹ nẹ, vwẹ evun mẹ, kirobo re me dia onotu jovwo na, Jesu Kristi se vwo dje omamọ rẹ ọdiri rọye phia rọ dia oniru kẹ ihwo ri che se gbuyota vwobọ ri ji che vwo arhọ ri bẹdẹ na.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Hosia 1:6

Ọ vwọ rhoma mrẹ evun o de vwiẹ ọmọtẹ. Ọrovwohwo da ta kẹ, Se odẹ rọye Ovwo-ehrọre-e, fikiridie me gbe cha re ehrọre rẹ uwevwi rẹ Izrẹl ọfa-a, mi che vwo ghovwo ayen kakaka-a.

Aizaya 57:1

Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

2 Kọrẹnt 4:1

Fiki re ọtiọye na, re avwanre vwo vwo odiboegbe nana vwẹ arodọvwẹ rẹ Ọghẹnẹ, avwanre gbe ro ẹnwa-an.

Ọbe ri Pọl si rhe Ihwo ri Rom 11:30

Kirobo rẹ ayen mu oma kpenu rẹ Ọghẹnẹ vwọ siẹn ayen na, asakiephana kẹ ayen je mrẹ arodọvwẹ fiki ri jẹ ọghọ evwo,

2 Samuẹl 17:28

da vwẹ ehwa, ize, ichẹ, eka, bali, emuọre, eka eyaya, isha kugbe ukodo rẹ eran

Isẹ 11:25

Ohwo ro ruẹ ẹse ọye ri fe, ohwo ro kuẹ ame kuẹ emu ra kọnre eriyin e ji ku ame kuo.