Matiu 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

Matiu 5:5 Referans Kwoze

Une rẹ Ejiro 37:11

Ẹkẹvuọvo ihwo dẹndẹn ri che vwo otọ na, vwẹ evun rẹ oyovwe rode kọye ayen da gọlọ.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Jems 3:13

Ono re ghwanre ro vwo erianriẹn vwẹ usun rẹ ovwan na? E gbe jọ vwẹ omamọ rẹ eyere vẹ iruo esiri kugbe oma evwokpotọ dje aghwanre rọye phia.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Galesha 5:23

dẹndẹn, oma echiro; enana gbi vwo urhi ọfa ro mu aye-en.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

Une rẹ Ejiro 25:9

O suẹn ihwo dẹndẹn phihọ idjerhe rẹ esiri, o mi yono ihwo dẹndẹn phihọ Idjerhe rọye.

Ukeri 12:3

Asakiephana ọshare na Mosis ohwo dẹndẹn, no ihwo ejobi rẹ evun rẹ akpọ na.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Une rẹ Ejiro 37:22

kidie ihwo rẹ Ọrovwohwo bruphihọ kẹ cha re erere rẹ otọ na, ẹkẹvuọvo ihwo ro harhere na ka nyavwe ayen kufia

Une rẹ Ejiro 37:9

Kidiea cha nyavwe oruimwemwu kufia; ẹkẹvuọvo ayen otu re hẹrhẹ Ọrovwohwo na ke cha vwẹ otọ na reuku.

1 Pita 3:4

ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Une rẹ Ejiro 25:13

Okpuyovwi rọye cha dia vwe evun re oyouvwe emọ rọye cha re ughwẹ re otọ na.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Une rẹ Ejiro 69:32

Jẹn ohwo re shenyẹ mrẹ rọ ghọghọ, wẹ rọ guọnọ Ọghẹnẹ, jẹn udu wẹn sasa.

Une rẹ Ejiro 37:29

Ọvwata cha re ughwẹ rẹ otọ na, kọ dia enu rọye bẹdẹ.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

Ọbe ri Pọl si rhe Ihwo ri Rom 4:13

Ive re ve kẹ Ebraham vẹ uvwiẹ rọye, nẹ ayen reuku rẹ akpọ na, wan oma rẹ urhi rhe-e ẹkẹvuọvo vwẹ oma rẹ ọvwata rẹ esegbuyota.

Une rẹ Ejiro 147:6

Ọrovwohwo kpara ohwo re chiyi muotọ vrẹn, ọ vwẹ ohwo umwemwu phiotọ

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!