Matiu 5:42 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴² Ohwo da yare owẹ vwọ kẹ, ohwo de bru uwe rhe ri momo wọ sia kẹ-ẹ.

Matiu 5:42 Referans Kwoze

Isẹ 19:17

Ohwo ro ru ẹse kẹ ovwiogbere ru ro kẹ Ọrovwohwo na, kọye cha hwa osa rẹ iruo rọye kẹ.

Hibru 13:16

Wa rua uvwerhi rẹ emu esiri eruo-o kugbe rere wo ghare obo ri rhe we kẹ ihwo, kidie okẹ ọtiọye na ri je Ọghẹnẹ.

Une rẹ Ejiro 37:21

Oruimwemwu momo, ẹkẹvuọvo ọ sa hwa rhivwi-i, ẹkẹvuọvo ọvwata nẹ arodọvwẹ ọ me hwa,

Ọbe ri Pọl si rhe Ihwo ri Rom 12:20

Ẹkẹvuọvo owẹvwe de hwe ọvweghrẹ wẹn, vwẹ emu kẹ rẹ; urhuru rẹ ame de hwe, vwẹ ame kẹ da; kidie ọtiọye wo ru kẹ na ẹkuerhanre rode kọye wo koko phihọ uyovwi rọye.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Aghwoghwo 11:6

Kọn ekankọn vwẹ irhiọke, kugbe ọke rẹ ovwọnvwọn wọ kẹkẹ obọ-ọ; kidie wọ riẹn ọ ro che yovwẹ-ẹ, se ọnana eyẹ ọyena, eyẹrẹ ivẹ na ri che yovwẹ kuẹgbe.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Iyẹnrẹ Esiri ri Luk 11:41

Ẹkẹvuọvo dia obo evun wẹn de ru ẹse; gbe nighe, emu na ejobi kọ fon kẹ wẹ.

Isẹ 21:26

Ẹdẹ na ejobi ọye ohwo umwemwu vwo phiẹro, ẹkẹvuọvo ọvwata kẹ, o mie-e.

Matiu 5:41

Ohwo da gba wẹ nẹ, wọ vẹ ọyẹ yan uroko ọvo, nene yan ivẹ.