Matiu 5:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ẹkẹvuọvo me ta kẹ ovwan nẹ, ohwo kohwo rẹ evun rẹ omoni rọye miovwiri ekueku, ke vwo gu ẹdjọ; ohwo kohwo ro harhe omoni rọye nẹ, Eghwobi, ke vwo guẹdjọ kẹ ukoko rẹ ihwo, ohwo rọ harhere nẹ, Wẹ ẹkpa na, kọ vwẹ ẹro siẹn oja rẹ erhanre ri bẹdẹ.

Matiu 5:22 Referans Kwoze

1 Jọn 2:9

Ohwo rọ tare nẹ ọye evun rẹ urhukpẹ nu o de rhe tuoma rẹ oniọvo rọye yọ je hẹ evun rẹ ebri rhi te ọke na.

Jems 3:6

Ẹrẹnvwe na vwenẹ erhanre o ruẹ; ohwo umwemwu rọ hẹ oma rẹ avwanre ejobi na ọye hẹ ẹrẹnvwe, ọye ri miovwo ugboma na ejobi ọ me torhẹ eroro rẹ akpọ rẹ avwanre, ukuko rọye re ka torhẹ okpuyovwi rọye vwẹ erhanre rẹ orere rẹ igbẹphẹre.

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Matiu 18:35

Eriyin Ọsẹ mẹ ro hẹ obo odjuvwu ru kẹ ovwan, ọ da dianẹ ovwan gbe sa vwẹ imwemwu rẹ orivẹ rẹ ovwan vwo ghovwo te otọ rẹ evu-un.

1 Pita 3:9

Wa vwẹ umwemwu hwa osa rẹ umwemwu-u eyẹ ekan hwa osa rẹ eka-an; ẹkẹvuọvo ukpe rẹ ọyena nẹ ẹrhovwo, kidie ọna e se ovwan rhe, rere ovwan vwo vwo ebruphihọ.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.

Matiu 18:21

Pita da rhe, o da ta kẹ nẹ, Ọrovwohwo bro ẹsiẹ omoni mẹ gbe vwe ku te, mi de vwo ghovwo, bẹsiẹ ro vwo te akueghwrẹ?

Une rẹ Ejiro 109:3

Ayen vwẹ eta re omaetuo vwọ so vwẹ, ayen vwọ so vwẹ ekuekun.

Une rẹ Ejiro 37:8

Jẹ ivuemiovwo vwo, rere wo jẹ ophu vwo! Wọ phariẹ-ẹ ọ da nẹrhẹ owẹ ru imwemwu

Ọbe ri Jud 1:9

Ẹkẹvuọvo ọke ri Maikẹl onotu rẹ emakashe na, vẹ idẹbono vwọ phra aphro, rẹ ayen vwo sivwi orivwi ri Mosis, o ghwe se brorhiẹ hwe rọ da harhọ-ọ, ẹkẹvuọvo ọ da tanẹ, Ọrovwohwo duvwu uwe iyori.

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

Iruo rẹ Iyinkọn na 17:18

Evo vwẹ otu rẹ Epikuirian kugbe otu ri Stọik egbaghwanre da vwa. Evo da ta, Die ọbrẹbrẹ na tobọ ta? Efa herọ tanẹ, Ọ họhọ ohwo ro ghwoghwo ẹdjọ rẹ isiorho fikiridie o ghwoghwo Jesu kugbe ohwo ro vrẹnushi.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Iyẹnrẹ Esiri ri Mak 14:55

Ilori rẹ irherẹn kugbe ediaguare ejobi da guọnọ oseri se hwe Jesu, re ayen vwo hwe, ayen mrẹre-e.

Matiu 26:59

Olori rẹ irherẹn na kugbe ihwo rẹ ẹguare na ejobi, da guọnọ iseri rẹ eku se kpahe Jesu, rere ayen mrasan hwe.

Urhi Rivẹ 15:11

Kidie ogbere se fue nẹ otọ na-a; eriyin na mi ji iji kẹ wẹ na, Wọ kẹkẹ obọ kẹ ọniọvo wẹn, kẹ ọ rọ ọbẹn vẹ ovwiogbere rẹ otọ na.

Iyẹnrẹ Esiri ri Jọn 11:47

Ọtiọye ilori rẹ irherẹn kugbe otu ri Farisi de se ẹguare koko, ayen da ta, kidie avwanre ru? Kidie ohwo nana ruẹ eka buebu re.

Ẹvwọphia 20:14

Etiyin a da kpare Ughwu kugbe Erivwi phihọ ẹtẹrhe rẹ erhanre na. Ọnana hẹ ughwu rivẹ, ẹtẹrhe rẹ erhanre na;

Iruo rẹ Iyinkọn na 7:37

Mosis nana re ta kẹ ihwo rẹ Izrẹl nẹ, Ọghẹnẹ cha reyọ ohwo ọvo vwẹ ohri rẹ imoni rẹ ovwan na vwo mu ọmraro kẹ ovwan kirobo rọ vwẹ ovwẹ mu na.

Iyẹnrẹ Esiri ri Luk 12:5

Ẹkẹvuọvo mi dje ohwo rẹ ovwan djẹ oshọ rọye kẹ ovwan; Djẹ oshọ rẹ ohwo ro de hwe nu o mi vwo ogangan ro vwo mu phihọ erhanre; e, Me ta kẹ wẹ, djẹ oshọ rọye!

Matiu 5:44

Ẹkẹvuọvo me ta kẹ wẹ nẹ, guọnọ ivwighrẹ wẹn, nẹ ẹrhovwo kẹ ihwo ri kpokpo uwe,

Matiu 5:34

ẹkẹvuọvo me ta kẹ wẹ nẹ, Wo duvwu iyori-i, wo se odjuvwu duvwẹ-ẹ, kidie oboyi hẹ ekete rẹ Ọghẹnẹ;

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Ọbe rẹ Ọmraro Ọbadaya Obadaya 1:10

Fiki rẹ ozighi wo gbe kẹ oniọvo wẹn Jekọp, omaẹvuọ ko rhurhu we opharo, ke che bru we kufia bẹdẹ.

Isẹ 14:16

Ọvwaghwanre soma bruche o mi gbobọnyẹ umiovwo, ẹkẹvuọvọ ẹkpa gbobọnyẹ odiri ọ mi ru obo ri jere.

Une rẹ Ejiro 7:4

ọ da dianẹ me hwa osa rẹ umwemwu kẹ ọrivẹ mẹ mi de gborho ọvweghrẹ mẹ ekueku,

Jẹnẹsis 37:4

Ẹkẹvuọvo rẹ imoni rọye ri chekọ vwọ mrẹ nẹ ivun rọye re ma vwerhe ọsẹ rayen, oma rọye ko tun ayen, ayen ke ta ota iphriphri kẹ.

1 Jọn 5:16

Ohwo da mrẹ oniọvo rọye ro ruẹ umwemwu ro fo ughwu-u, kọ nọ, Ọghẹnẹ kọ vwẹ arhọ rẹ ayen otu ri ru umwemwu ro fo ughwu-u vwọ kẹ ayen.

Jems 2:20

Ẹkẹvuọvo mi ju wẹ riẹn ẹkpa na, nẹ esegbuyota re vwo ru iruo-o yẹ ẹga oruẹ?

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Kọrẹnt 6:10

eyẹ iji, eyẹ ọvwurhuru, eyẹ ọgbidi, eyẹ ọharhekan, eyẹ ogborhugborho sa reuku rẹ uvie rẹ Ọghẹne na-a.

1 Kọrẹnt 6:6

rẹ oniọvo de siọbe se oniọvo, vwẹ ẹguare rẹ ihwo ri je segbuyota?

Iruo rẹ Iyinkọn na 5:27

Ọke rẹ a vwọ reyọ ayen rhe nu, a da vwẹ ayen mudia obaro rẹ ẹguare na. Orherẹn rode na da nọ ayen orhiẹ,

Iyẹnrẹ Esiri ri Jọn 15:25

Ọnana ruru rere ota re si phihọ urhi rayen na vwọ gba, Ayen di tuoma mẹ ekueku.

Iyẹnrẹ Esiri ri Jọn 8:48

Ihwo ri Ju da kpahe kẹ, Avwanre rha ta uyota rẹ avwanre vwọ tanẹ wẹ ohwo ri Sameria nẹ wo vwo idẹbono?

Iyẹnrẹ Esiri ri Jọn 7:20

Ihwo na da kpahe, Wo vwo idẹbono! Kono re guọnọ owẹ hwe?

Iyẹnrẹ Esiri ri Mak 15:1

Rẹ urhiọke ghwe vwo te ilori rẹ irherẹn kugbe ekpako vẹ isiẹbe kugbe ediaguare na da ghwa jẹ iroro kugbe, ayen da gba Jesu, ayen de suo yanran vwo rhe Pailet.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Matiu 23:15

Ekan kẹ ovwan isiẹbe kugbe Farisi, evwọrọn efian! kidie ovwan riẹriẹ ihwo vwo kugbe oma rere usun rẹ ovwan vwo bu phihọ.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 12:24

Ẹkẹvuọvo otu ri Farisi vwo nyo, ayen da ta nẹ, Ohwo nana di gheghe djẹ idẹbono-o ẹkẹvuọvo vwẹ ogangan ri Bẹlzibọl onotu rẹ idẹbono.

Matiu 10:17

Ẹkẹvuọvo ovwan jomaotọ; kidie e che mu ovwan kpo ẹguare, vwẹ evun ri Sinagọg, kẹ ayen che ru ovwan oja.

Ọbe rẹ Ọmraro Ọbadaya Obadaya 1:12

Ẹkẹvuọvo wo gbi rhe mudia vwẹ abọ gbanoma-a vwẹ ẹdẹ rẹ okpetu rẹ oniọvo wẹ-ẹn vwẹ ẹdẹ rẹ uyovwi emiovwo rọye-e, wa rha ghọghọ ihwo ri Juda vwẹ ẹdẹ ra vwọ guọghọ ayen na-a.

Daniẹl 3:19

Etiyin ophu de mu Nebukadreza gangan, opharo rọye de kurhẹriẹ kpahe Shadrak, Meshak vẹ Abẹdnigo. O da ta nẹ e koko ogidi erhanre na rọ la ga nọ obo rẹ ọ epha na asia ighwrẹ.

Daniẹl 3:13

Etiyin Nebukadreza vẹ ophu djọghọ djọghọ da ta nẹ a vwẹ Shadrak, Mẹshak vẹ Abẹdnigo rhe. Etiyin a da reyọ eshare nana rhe obaro rẹ ovie na.

Uvwerhe 3:52

Ivwighrẹ mẹ ke de djẹ uyo mẹ ekueku kerẹsiẹ ra djẹ uyo rẹ ọphran,

Jerimaya 17:11

Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Isẹ 18:6

Ẹbẹrunu rẹ ẹkpa so eta; ugbunu rọye sua ohọre.

Une rẹ Ejiro 92:6

Ohwo nọkpọ nọkpọ sa riẹ-ẹn, ẹkpa cha riẹn ọnana-a:

Une rẹ Ejiro 69:4

Ayen otu ri di tuoma mẹ ekueku; ibunọ ẹto rẹ uyovwi mẹ ayen otu re guọnọ ovwẹ ghwọrọ ganre gangan; ayen otu re vwọrọn efian nyẹ vwe. Obo ri mi jecho kọye me rhan rhivwi?

Une rẹ Ejiro 49:10

E, ọ cha mrẹ ne ovwẹghwanre dede ji ghwu, ẹkpa kugbe idjidji cha ghwọrọ kufia ayen me yan jẹ efe rayen vwo kẹ ohwo ọfa.

Une rẹ Ejiro 35:19

Wo jẹn ayen ghọghọ ovwẹ-ẹ ayen otu re jẹ vwẹ eghrẹ ekueku, wo jẹn ayen vwirhi uvwe ẹro-o ayen otu ri di tuoma mẹ ghevweghe.

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Une rẹ Ejiro 14:1

Ẹkpa na da ta vwe udu rọye nẹ, Ọghẹnẹ herọ-ọ. Ayen miovwiri, ayen ru uruemu rẹ ẹgha, o vwo ọvuọvo ro ruẹ emu esiri-i.

Nehemaya 5:8

me da ta kẹ ayen, Kirobo re avwanre se ru, me tan iniọvo re avwanre ihwo ri Ju na ra shẹ ke ẹgborho efa na hirhe, ẹkẹvuọvo wa vwẹ ẹro gba na shẹ iniọvo rẹ ovwan rere a vwọ rhoma shẹ ayen kẹ avwanre! Ayen ki gbiein, ayen gbe mrẹ ota ọvuọvo ta-a.

2 Ikun rẹ Ivie 16:10

Etiyin ivun rẹ ọmrẹ na de miovwi Asa, ọ da vwẹ igoni karọ phihọ evun rẹ uwodi, fikiridie ivun miovwiro fiki rẹ ọnana. Asa da djoma brabra kpahe ihwo na ẹvo vwẹ ọke nana ọvuọvo na.

1 Ivie 21:4

Ehab da yanran kpo uwevwi rọye vẹ ophu kugbe opharo ro muphihọ fiki rẹ obo ri Nabọt ohwo ri Jezril ta kẹ; kidie ọ tare nẹ, me sa vwẹ ẹkẹn uku rẹ esẹ mẹ kẹ wẹ-ẹ. O de shevwerhẹ ehwa rọye, ọ da bọvwọn opharo rhuotọ, ọ gbe rhọvwe re emu-u.

2 Samuẹl 16:7

Etiyin Shimei da ta jo duvwu iyori nẹ, Yanran, Yanran, wẹ ohwo rọ vọnre vẹ ọbara na, wẹ orharhe rẹ ohwo na.

2 Samuẹl 6:20

Devid vwo rhivwi te uwevwi ọ da vwẹ ẹrhovwo kẹ ihwo rọye. Ẹkẹvuọvo Mikal rẹ ọmọtẹ ri Sọl da rhe vwa Devid ọ da ta, Mavọ ovie rẹ Izrẹl vwo ọghọ kẹ oma rọye te nonẹ, rọ vwọ ban oma phihọ nonẹ vwẹ obaro rẹ idibo rọye rẹ eya o gbi rhe vwo omẹvuọ-ọ kerẹ omohwo diodi;

Jẹnẹsis 37:8

Imoni rọye da ta kẹ nẹ, Vwẹ ọ rẹ uyota na ko wẹ ri che sun avwanre? Eyẹ ko wẹ re cha re ovie vwẹ enu rẹ avwanre? Oma rọye de tun ayen phihọ fiki rẹ evwerhẹ rọye kugbe fiki rẹ eta rọye.

Urhi Rivẹ 16:18

Ovwan Me vwẹ iguẹdjọ vẹ ilori mu vwẹ irere rẹ Ọrovwohwo rẹ Ọghẹnẹ rẹ ovwan kẹ ovwan na, a vwẹ ayen mu kirobo rẹ uvwiẹ rẹ ovwan epha; kẹ ayen brorhiẹ rẹ ọvwata kẹ ihwo na.

2 Ikun rẹ Ivie 19:5

Ọ da vwẹ iguẹdjọ mu vwẹ otọ na vwẹ irere ra gba ogba phihọ vwi Juda ejobi, korere korere,

Iyẹnrẹ Esiri ri Luk 22:66

Okẹ rẹ ayen vwọ rhe, ọghwẹgbe rẹ ekpako rẹ ihwo na de koko kẹ, te ilori rẹ irherẹn vẹ isiẹbe; ayen de suo kpo ẹguare rayen, ayen da ta,

Iruo rẹ Iyinkọn na 4:15

isun na djẹ ayen nẹ ẹguare na ro otafe, ayen da ra jẹ iroro kugbe,

Iruo rẹ Iyinkọn na 5:21

Ayen vwo nyo ọnana nu, ayen da ro evun rẹ uwevwi rẹ ẹga na vwẹ urhiọke ride re yono. Ọke nana orherẹn rode na vẹ otu rọye de se ediaguare kugbe Ediọn rẹ Izrẹl ejobi koko, ayen de ji ikọn kpo obo uwodi na ra reyọ ayan rhe.

Iruo rẹ Iyinkọn na 6:12

Eriyin na ayen da kpare ophu rẹ ihwo na kugbe ekpako na kugbe isiẹbe na, ayen de shabọ phihọ ayen de muo rhe ẹguare,

Iruo rẹ Iyinkọn na 6:15

Ọke rẹ ihwo na ejobi ri tidia ẹguare na vwọ tẹrovio, ayen ejobi ri tidia ẹguare na da mrẹ opharo rọye kerẹ opharo rẹ amakashe.

Iruo rẹ Iyinkọn na 22:30

Ẹkẹvuọvo rẹ ọke vwo rhie, rọ vwọ guọnọ riẹn obo re nẹrhe ihwo ri Ju vwo muo, ọ da rhan ifi no, o de se irherẹn ride na kugbe ẹguare nẹ e rhe gba, ọ da vwẹ Pọl rhi mudia vwẹ obaro rẹ ayen.

Iruo rẹ Iyinkọn na 23:1

Pọl, vwọ tẹrovi ẹguare na, ọ da ta, Imoni, evun esiri me vwọ ga Ọghẹnẹ mẹ rhi te nonẹ na.

Iruo rẹ Iyinkọn na 24:20

Eyẹ gba tobọ jẹ ihwo nana ta obo re chọre rẹ ayen mrẹre vwẹ ọke re me vwọ hẹ evun rẹ ẹguare,