Matiu 4:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.

Matiu 4:17 Referans Kwoze

Matiu 3:2

Kurhẹriẹ, kidie uvie rẹ odjuvwu si kẹre re.

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Iyẹnrẹ Esiri ri Luk 5:32

Mi rhi se evwata-a, ẹkẹvuọvo iruimwemwu ri kurhẹriẹ.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Matiu 9:13

Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iyẹnrẹ Esiri ri Luk 15:7

Ọtiọye ọ epha, me ta kẹ ovwan nẹ, aghọghọ herọ vwẹ obo odjuvwu vwẹ enu rẹ oruimwemwu ọvo ro kurhẹriẹ vwọ nọ evwata ọvo nuro vwẹ ujori re gbe guọnọ ekuorhẹriẹ-ẹ.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Matiu 25:1

Uvie rẹ odjuvwu kọ họhọ ikọpha ihwe, re reyọ irhukpẹ rayen, ayen da ra vwa ọpha.

Matiu 13:47

Ọfa rọye, uvie rẹ odjuvwu họhọ ọbriki re phi phihọ ame, o de mu kemu kemu;

Matiu 10:7

Ovwan da yanran, wa ta nẹ, Uvie rẹ odjuvwu si kẹre otọ re.

Iyẹnrẹ Esiri ri Luk 9:2

o de ji ayen re ghwoghwo uvie rẹ Ọghẹnẹ rere ayen ji sivwi ihwo rẹ oma da.

Matiu 11:12

Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ.

Matiu 13:24

O de ji kpe itẹ ọfa kẹ ayen nẹ, uvie rẹ odjuvwu hohọ ohwo rọ kọn emamọ esiri phihọ udju rọye.

Matiu 13:9

Ọ ro vwo erhọn, e jo nyo.

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Matiu 6:10

Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu.

Iyẹnrẹ Esiri ri Luk 3:23

Ri Jesu vwo mu uyono phihọ, ọ da dia ohwo rẹ ẹgbukpe ọgban, ọ dia ọmọ (kirobo re roro kpahọ) ri Josẹf, ọmọ ri Hẹli,