Matiu 4:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Otọ ri Zẹbulọn kugbe Naftaili, Rọ kẹrẹ abadi vwẹ abo oboyi ri Jọdan, Kugbe Galili rẹ erhorha na,

Matiu 4:15 Referans Kwoze

Aizaya 9:1

Ẹkẹvuọvo o gbi vwo omaemuohọ vwọ kẹ ihwo rẹ ivun miovwe-e. Vwẹ ọke rẹ awanre jovwo ọ da vwẹ otọ ri Zẹbulọn kugbe Naftali vwọ jehwẹ, ẹkẹvuọvo vwẹ ukuko na ko ru irere re obo urhie na yovwi, otọ re hẹ abọ oboyi ri Jọdan, Galili rẹ ọguagua na.

Joshua 21:32

vwẹ orua ri Naftali, Kedẹsh vwi Galili vẹ etọ rẹ egbri rọye, orere rẹ adjerhọ kẹ ohwo rẹ obọ chọre, Hammọtdọ vẹ etọ egbri rọye, kugbe Kartan vẹ etọ rẹ egbri rọye–irere erha.

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

1 Ivie 9:11

ri Hir ovie ri Taya vwọ ghwẹ igẹdu kugbe owangha rhe Solomọn kugbe oro, kirobo rọ guọnọre nu, Ovie Solomọn da vwẹ irere uje kẹ Hiram vwẹ otọ ri Galili.

Joshua 20:7

Etiyin ayen de phi Kedẹsh vwi Galili vwẹ obo orho rẹ ugbenu ri Naftali phihọ ovwanrhe, kugbe Shikẹm vwẹ obo orho rẹ ugbenu vwẹ Ifrem, kugbe Kiriatarba kọye Hebrọn vwẹ obo orho rẹ ugbenu ri Juda.

Matiu 4:13

O de vrẹn nẹ Nazarẹt kpo Kepanọm rọ kẹrẹ oma rẹ abadi, vwẹ ughwru ri Zẹbulọn kugbe Naftaili.

Matiu 4:14

Rere ota na vwọ gba, ọ rẹ Aizaya mraro rọye nẹ,

Matiu 4:25

Ihwo buebu de tue nene nẹ Galili rhe, te Dikapolis, te Jerusalẹm, te Judia kugbe ovrẹn ri Jọdan.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.