Matiu 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na?

Matiu 3:7 Referans Kwoze

Matiu 12:34

Ovwan uvwiẹ rẹ erọdekọ na, re pha brabra miomiovwi na, sa vwọ ta ota rẹ esiri, kidie obo rẹ ohwo rori vwẹ evun ọye ọ ta phia vwẹ unu rọye.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

Ọbe ri Pọl si rhe Ihwo ri Rom 1:18

Kidie a vwẹ ophu rẹ Ọghẹnẹ phia nẹ odjuvwu rhe kpahe ihwo ri ruẹ orukuruku, re reyọ umwemwu vwọ tua uyota rẹ Ọghẹnẹ muotọ.

Matiu 23:33

Ovwan eredekọ na, uvwiẹ rẹ ọrobiebi na, komavọ ovwan ru se nabọ rẹ ẹdjeguo rọ cha na?

Ọbe ri Pọl si rhe Ihwo ri Rom 5:9

Asakiephana, rẹ ọbara rọye vwo brorhiẹ kẹ avwanre nu na, ko ji ghwe sivwi avwanre nẹ ophu rẹ Ọghẹnẹ fiki rọye.

Matiu 22:23

Ẹdẹ yena ọvuọvo na, ihwo ri Sadiusi de bro rhe, e re phra nẹ evrenushi herọ-ọ; ayen da nọ nẹ,

Matiu 16:6

Jesu da ta kẹ ayen nẹ, Ovwan jomaotọ vwẹ oma rẹ emu ri Farisi kugbe Sadiusi.

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

Iyẹnrẹ Esiri ri Jọn 9:40

Farisi evo ri si kerẹ vwo nyo ọnana, ayen da ta kẹ, Avwanre ji rhuẹro rhe?

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Iruo rẹ Iyinkọn na 26:5

Ayen riẹnrẹ rhabae rhe, ọ da dianẹ ayen rhọvwe se oseri rọye, nẹ kirobo rẹ uruemu rẹ ẹko rẹ ega rẹ avwanre gan te me nabọ yeri eyere ri Farisi.

Iruo rẹ Iyinkọn na 20:31

We gbe jeje oma, re wa karohọ nẹ ikpe erha soso mi gbẹdẹ-ẹ te ason te uvo me vwọ vwẹ oviẹ brẹ ovwan uche.

Iruo rẹ Iyinkọn na 15:5

Ẹkẹvuọvo evo vwẹ otu ri Farisi ri segbuyota na de vrẹn rhe ayen da ta, o fori rere a yanvwe ayen, rere a ta kẹ ayen nẹ e yonre urhi ri Mosis na.

Iruo rẹ Iyinkọn na 5:17

Ẹkẹvuọvo orherẹn rode na vẹ otu rọye, rẹ ukoko rẹ Sadiusi, de vrẹn, ayen vọnre vẹ ophu vẹ omaẹriọ.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Iyẹnrẹ Esiri ri Jọn 1:24

Asakiephana Farisi yi ji ayen rhe.

Iyẹnrẹ Esiri ri Luk 18:11

Farisi na vrẹn mudia ọ da nẹ ẹrhovwo enẹ kẹ oma rọye, Ọghẹnẹ, me kpẹvwẹ owẹ nẹ me họhọ ihwo efa-a, re ghwa ihwo ria, ifuevu-u, igberadja, eyẹ tobọ họhọ omiarhọghọ nana.

Iyẹnrẹ Esiri ri Luk 16:14

Farisi ri vwo ubiupho rẹ igho na, de nyo ọnana ejobi, ayen da vwọ jehwẹ.

Iyẹnrẹ Esiri ri Luk 7:30

ẹkẹvuọvo otu ri Farisi kugbe otu re riẹn urhi na da sen uyono rẹ Ọghẹnẹ, kidie ọ dia Jọn re vwẹ ame kẹ aye-en.

Iyẹnrẹ Esiri ri Mak 12:18

Otu rẹ Sadusi, re tare nẹ evrẹnnshi herọ-ọ na; da nọ enanọ.

Iyẹnrẹ Esiri ri Mak 12:13

Ayen de ji ẹvo vwẹ Farisi kugbe otu rẹ Herọd bro ra, rere ayen vwọ mrẹ asan vwẹ ota rọye muo.

Iyẹnrẹ Esiri ri Mak 8:15

Ọ da phẹphẹ ayen unu, tanẹ, Ovwan kẹnoma kpahe iphuephu re emu ri Farisi vẹ iphuephu rẹ Herọd.

Matiu 22:34

Ẹkẹvuọvo ọke rẹ otu ri Farisi vwo nyo ta nẹ ọ mare otu ri Sadiusi she, ayen de re se ẹguare koko.

Matiu 22:15

Otu ri Farisi na da yan phia, ra jẹ iroro rẹ obo rẹ ayen vwọ kpahe ufi hẹrhẹ.

Matiu 12:24

Ẹkẹvuọvo otu ri Farisi vwo nyo, ayen da ta nẹ, Ohwo nana di gheghe djẹ idẹbono-o ẹkẹvuọvo vwẹ ogangan ri Bẹlzibọl onotu rẹ idẹbono.

Matiu 5:20

Kidie me ta kẹ ovwan nẹ, jokpa nẹ uruemu rẹ ovwan yovwi nọ otu ri Farisi kugbe isiẹbe na-a, ovwan sa ro uvie rẹ odjuvwu-u.

Aizaya 59:5

Ayen sa ikẹn rẹ ọrobiebi, ayen rhuo uwevwi rẹ akpẹkpẹ; ohwo rọ re ikẹn na ghwuru, nẹ evun rẹ ikẹn ra guọghọre na etiyin a da sa ọrobiebi.

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Matiu 15:12

Etiyin idibo rọye de bro rhe, ayen da ta kẹ nẹ, Wọ riẹnre nẹ ivun miovwo otu ri Farisi na, vwẹ ota wọ ta kpahe ayen na?

Isẹ 28:4

Ihwo ri gbẹ urhi eye ri jirẹ oruimwemwu, ẹkẹvuọvo ihwo re yọnrọn urhi eye nene otu rẹ iruimwemwu họnra.

Matiu 16:1

Ihwo ri Farisi kugbe Sadiusi de bro rhe re nọ enanọ, rẹ ayen vwo davwọ ni sọ sa vwẹ oka nẹ obo odjuvwu rhe.