Matiu 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kurhẹriẹ, kidie uvie rẹ odjuvwu si kẹre re.

Matiu 3:2 Referans Kwoze

Matiu 4:17

Nẹ ọke yena yanran, Jesu kọ ta ota rẹ iyẹnrẹ esiri na, ọ da ta nẹ, we kurhẹriẹ, uvie rẹ odjuvwu si kẹre re.

Iyẹnrẹ Esiri ri Mak 1:15

tanẹ, ọke na tere, uvie rẹ Ọghẹnẹ na sikẹre re, kurhẹriẹ we se iyẹnrẹ esiri na gbuyota.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Matiu 6:10

Jẹn uvie wẹn rhe, ru ẹguọnọ wẹn vwẹ akpọ na kirobo re ruẹ vwẹ obo odjuvwu.

2 Kọrẹnt 7:10

Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

Matiu 10:7

Ovwan da yanran, wa ta nẹ, Uvie rẹ odjuvwu si kẹre otọ re.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

Iyẹnrẹ Esiri ri Luk 13:3

Me ta kẹ wẹ, Ẹjo, ẹkẹvuọvo jokpa nẹ we kurhẹriẹ ovwan je ghwọrọ ọtiọye rhe.

Iyẹnrẹ Esiri ri Luk 11:20

Ẹkẹvuọvo kẹ ogangan rẹ Ọghẹnẹ me vwọ djẹ idẹbono, yẹ uvie rẹ Ọghẹnẹ bru ovwan rhe nure

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Iruo rẹ Iyinkọn na 11:18

Ọke rẹ ayen vwo nyo ọnana ayen da fọ. Ayen de jiri Ọghẹnẹ, tanẹ, Kẹ Ọghẹnẹ je kẹ ayen otu ri Keferi ekuorhẹrie rẹ esivwo rẹ arhọ rhe.

Iruo rẹ Iyinkọn na 2:38

Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ.

Iyẹnrẹ Esiri ri Luk 6:20

Ọ da kpare aro kpenu ni idibo rọye, ọ da ta: Ebruba kẹ ovwan ivwiogbere, kidie uvie rẹ Ọghẹnẹ kọ dia ọ rẹ ovwan.

Matiu 13:52

Ọ da ayen nẹ, kosiọbe kosiọbe re vwọ ru odibo rẹ uvie rẹ odjuvwu, ọ họhọ ohwo ro vwo uwevwi, rọ reyọ emu ọkpokpọ kugbe e rẹ awanre nẹ evun rẹ ighẹn rọye cha.

Matiu 13:47

Ọfa rọye, uvie rẹ odjuvwu họhọ ọbriki re phi phihọ ame, o de mu kemu kemu;

Matiu 13:33

Ọ da rhoma kpe itẹ ọfa kẹ ayen nẹ, Uvie rẹ odjuvwu họhọ ekuọka rẹ aye phare phihọ ọko erha, i de rhi phu tututu.

Matiu 12:41

Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ.

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

Iyẹnrẹ Esiri ri Luk 15:7

Ọtiọye ọ epha, me ta kẹ ovwan nẹ, aghọghọ herọ vwẹ obo odjuvwu vwẹ enu rẹ oruimwemwu ọvo ro kurhẹriẹ vwọ nọ evwata ọvo nuro vwẹ ujori re gbe guọnọ ekuorhẹriẹ-ẹ.

Iyẹnrẹ Esiri ri Luk 13:5

Me ta kẹ wẹ, Ẹjo, ẹkẹvuọvo jokpa nẹ we kurhẹriẹ ovwan je ghwọrọ ọtiọye.

Iyẹnrẹ Esiri ri Luk 9:2

o de ji ayen re ghwoghwo uvie rẹ Ọghẹnẹ rere ayen ji sivwi ihwo rẹ oma da.

Iyẹnrẹ Esiri ri Mak 6:12

Ayen da yanran, re ghwoghwo ota na rere ihwo vwo kurhẹriẹ;

Iyẹnrẹ Esiri ri Mak 1:4

Jọn ghine vwẹ ame kẹ vwẹ evun rẹ aghwa o de ghwoghwo ame ẹvwọkẹ rẹ ekuorhẹriẹ re evwoghovwo rẹ imwemwu.

Matiu 5:10

Ebruba kẹ ihwo re muru ekueku fiki rẹ ọvwata; kidie uvie rẹ odjuvwu kọ dia ọrayen.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Ẹvwọphia 2:21

Me vwẹ ọke kẹ nẹ o vwo kurhẹriẹ, ẹkẹvuọvo ọ senre o jẹ ọfanrhiẹ na vwo-o.

Matiu 13:31

O de ji kpe itẹ ọfa kẹ ayen nẹ, Uvie rẹ odjuvwu họhọ ubi rẹ uyerhie ra kọn phihọ udju;

Matiu 13:11

Ọ da kpahe kẹ ayen nẹ, Ovwan a tare nẹ e riẹn odjahọ rẹ uvie rẹ odjuvwu, ẹkẹvuọvo ihwo efa itẹ kọye a vwọ ta kẹ ayen.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Ẹvwọphia 2:5

Gba karohọ asan ru wo she nurhe, re wo kurhẹriẹ re wọ ghwobọ phihọ iruo wẹn rẹsosuọ. Ọ rha dia ọtiọye-e, ki mi che bru we rhe ki mi si ogburhukpẹ wẹn nẹ ẹdia rọye, jokpa nẹ wo kurhẹriẹ.

Hibru 6:1

Vwẹ ọtiọye na e gbe jẹ avwanre gbobọnyẹ ebaghẹrẹ rẹ uyono ri Kristi na re e ru kerẹ omiragua, re e kurhẹriẹ nẹ iruo rẹ umwemwu na kpo esegbuyota rẹ Ọghẹnẹ,

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Matiu 22:2

Uvie rẹ odjuvwu họhọ ovie ọvo, rọ reyọ aye vwo kẹ ọmọ rọye.

Matiu 25:1

Uvie rẹ odjuvwu kọ họhọ ikọpha ihwe, re reyọ irhukpẹ rayen, ayen da ra vwa ọpha.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Matiu 20:1

Uvie rẹ odjuvwu ọ họhọ ọghwẹrẹ ro durhie ihwo iruo vwẹ irhiọke ride, re ayen re ru iruo vwẹ udju rọye.

Matiu 18:23

Eriyin na uvie rẹ odjuvwu họhọ ovie ọvo ro che kere emu kẹ idibo rọye.

Matiu 11:20

Kọ harha irere ro de ru iruo ride rẹ igbunu na, fikiridie ayen se kurhẹriẹ-ẹ.

1 Ivie 8:47

ayen da rhe karohọ vwẹ otọ rẹ mu ayen ighuvwu ra na, ayen de kurhẹriẹ, rẹ ayen da rẹ wẹ vwẹ otọ re mu ayen ra na, tanẹ, Avwanre ru imwemwu, avwanre ru chọ brabra;

Iyẹnrẹ Esiri ri Luk 21:31

Ọtiọye rhe, ọke wọ da ghwa mrẹ imu nana re phiare, gba ghwa riẹn nẹ uvie rẹ Ọghẹnẹ na kẹri re.

Iyẹnrẹ Esiri ri Luk 16:30

Ọ da ta Ẹjo, ọsẹ Ebraham; ẹkẹvuọvo ọ da dianẹ ohwo ọvo nẹ erivwi ra, ayen ki kurhẹriẹ.

Matiu 25:14

Kidie ọ họhọ ọke rẹ ọshare ọvo vwo kpo isiorho, o de se idibo rọye, ọ da vwẹ ighọ kẹ ayen.

Matiu 13:24

O de ji kpe itẹ ọfa kẹ ayen nẹ, uvie rẹ odjuvwu hohọ ohwo rọ kọn emamọ esiri phihọ udju rọye.

Matiu 4:23

Jesu da yanrhe yankpo vwi Galili, o de yono ihwo vwi Sinagọg, ọ da ta ota rẹ iyẹnre esiri rẹ uvie na, o de sivwi ihwo buebu re mwa ọga, dohwo doghẹre rẹ emiavwe rọye.

Iyẹnrẹ Esiri ri Luk 1:16

Ko ku emọ rẹ Izrẹl buebu rhẹriẹ bru Ọrovwohwo Ọghẹnẹ rayen,

ỌBE RẸ JOB 39:12

Wo sere gbuyota nẹ o rhivwi cha, re wọ ghwa eka wẹn kpo utuwevwi rẹ ewuye?