Matiu 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Matiu 3:17 Referans Kwoze

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

2 Pita 1:17

Kidie ọke rọ vwọ reyọ ọghọ kugbe urinrin mie Ọghẹnẹ Ọsẹ na kugbe ọke rẹ urhuru rẹ ọ ro vwo Ọrho kugbe Urinrin na vwọ dia oseri nẹ, Ọnana hẹ Ọmọ mẹ ro je vwe rẹ ivun rọye vwerhovwẹ,

Iyẹnrẹ Esiri ri Luk 9:35

Urhuru ọvo de nẹ evun rẹ egho na rhe, tanẹ, Ọnana Ọmọ mẹ, Ajẹreyọ mẹ; kerhọn rọye.

Matiu 12:18

Nighe, odibo mẹ re me jẹreyọ, Ọ ro je vwe rẹ ivun rọye vwerhe ovwẹ; Ki mi phi Erhi mẹ phihọ evun roye. Kọye brorhiẹ rẹ Ikeferi.

Iyẹnrẹ Esiri ri Mak 9:7

Egho da rhi rhurhu ayen, urhuru ọvo de nẹ egho na rhe, Ọnana Ọmọ mẹ ro je vwe. ovwan nyo ota rọye.

Iyẹnrẹ Esiri ri Luk 3:22

Erhi Ọfuanfon de wo rhe vẹ ugboma kerẹ inekuku, o de she muo, urhuru ọvo de nẹ odjuvwu rhe, Wẹ ọmọ mẹ ro je vwe; rẹ ivun rọye vwerha ovwẹ.

Iyẹnrẹ Esiri ri Mak 1:11

Urhuru ọvo de nẹ odjuvwu na rhe, Wọwẹ hẹ Ọmọ Mẹ ro jevwe rẹ ivun rọye vwerhe ovwẹ na.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Aizaya 42:21

Ivun vwerhe Ọrovwohwo fiki rẹ ọvwata rọye, ro ru urhi rọye rho ro nu urinrin.

Iyẹnrẹ Esiri ri Jọn 5:37

Ọsẹ na ro ji vwe rhe na ekpuyovwi rọye ji se oseri kẹ vwẹ. We nyo urhuru rọye dẹvo-o, wa je mrẹ ugboma rọye dẹvo-o;

Ẹvwọphia 14:2

Mi de nyo urhuru ọvo ro nẹ obo odjuvwu rhe kerẹ edo rẹ ame kugbe agbrara rọ van; urhuru ri mi nyori da họhọ ohwo ro hworo isorogun ri hworo isorogun rayen,

Iyẹnrẹ Esiri ri Jọn 5:20

Kidie Ọsẹ na guọnọ Ọmọ na, o de dje obo rẹ ekpuyovwi rọye ruẹ ejobi vwọ kẹ; iruo re rhonọ ọtiọna eye o che dje kẹ, rere o vwo gbe ovwan unu.

1 Jọn 5:9

Avwanre da reyọ iseri rẹ ohwo rẹ akpọ, iseri rẹ Ọghẹnẹ kọye re marho vwo; kidie iseri rẹ Ọghẹnẹ na kẹ ọna nẹ ọye ri se oseri rẹ kẹ Ọmọ rọye na.

Livitikọs 15:15

Orherẹn na Me vwẹ ayen ze, ọvo vwọ kẹ izobo rẹ umwemwu ọrivẹ vwọ kẹ izobo rẹ ẹtorhẹ, orherẹn na Me gọ ẹgua rẹ ehwẹ na nẹ ohwo na oma vwẹ obaro rẹ Ọrovwohwo na.