Matiu 28:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nighe otọ de rhi kpogho; kidie amakashe rẹ Ọrovwohwo de wotọ nẹ odjuvwu rhe, o de ghorie oragha na nẹ unu rẹ ushi na, o de tidia enu rẹ oragha na.

Matiu 28:2 Referans Kwoze

Iruo rẹ Iyinkọn na 16:26

Siẹvuọvo na otọ na de mu kpogho, ọtiọye na ichiyotọ rẹ uwodi na de ghwie; siẹvuọvo na ẹchẹ na ejobi de ghwe rhie igoni ra vwọ kanre ohwo ọvuọvo da kpare she.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Iyẹnrẹ Esiri ri Jọn 20:1

Asakiephana vwẹ ẹdẹ rẹsosuọ rẹ ẹdidjala na Meri ri Magdala da rhe asan ushi na vwẹ irhiọke ride, yẹ ọke ji rhie muotọ-ọ, ọ da mrẹ oragha na re ghorieri nẹ ushi na.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

Matiu 27:60

O de re sho vwẹ ushi rọ tọn kẹ omobọ rọye, rọ tọn phihọ evun rẹ oragha, o de ghorie oragha nyẹ unu rẹ ushi na.

Matiu 27:66

Ayen da yanran, ra nabọ ji ihwo ra rhẹrẹ ushi na, ayen da nabọ phare unu rẹ ushi na di kokoroko.

Iruo rẹ Iyinkọn na 5:19

Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ,