Matiu 27:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Pailet da nọ ayen nẹ, Ono vwẹ ivẹ na wa guọnọre ni mi siobọ nu kẹ ovwan? Ayen da ta nẹ, Barabas.

Matiu 27:21 Referans Kwoze

Matiu 27:20

Ilori rẹ irherẹn kugbe ekpako na da riẹriẹ ihwo na nẹ, e siobọ nẹ Barabas re hwe Jesu.

Matiu 27:22

Pailet da ta kẹ ayen nẹ, Komavọ mi ru ọ rẹ ovwan se Kristi na? Ayen da ta nẹ, e ja karọ mu agbagba.

Une rẹ Ejiro 88:8

Wọwẹ re sorọ rẹ otu mẹ ejobi vwọ kẹnẹ oma kẹ vwẹ; wọ da vwẹ ovwẹ ru emu rẹ ọfianvwe kẹ ayen. a kare ẹchẹ gbe vwe me gbe sa vabọ-ọ,

Matiu 27:17

Ayen rhi vwo si koko, Pailet da nọ ayen nẹ, Ono wa guọnọre ni mi siobọ nu kẹ ovwan? Barabas gbenẹ Kristi?

Iyẹnrẹ Esiri ri Luk 20:14

Ẹkẹvuọvo ọke rẹ ihwo na vwọ mrẹ, ayen da ta kẹ omoma rẹ ayen, Ọnana hẹ ọreuku na; e jẹn avwanre hwe ghwu, rere, uku na dia ọ rẹ avwanre.

Iyẹnrẹ Esiri ri Luk 23:13

Pailet da rhoma se ilori rẹ irherẹn na kugbe isun rẹ ihwo na,