Matiu 26:74 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷⁴ Ọ da harhe ekan duvwu iyori nẹ, Me riẹn ohwo na-a. Siẹvuọvo na ọhọ de ghwe bo. Pita da rhe karohọ eyan rọ vi Jesu yanre, ta nẹ, Bẹsiẹ rẹ ọhọ ki bo, wọ sen vwẹ asiarha. Ọ da ro otafe ra viẹ gangan.

Matiu 26:74 Referans Kwoze

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

Iyẹnrẹ Esiri ri Jọn 18:27

Pita da rhoma ghwọ unu; siẹvuọvo ọhọ de whe bo.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

Iyẹnrẹ Esiri ri Luk 22:60

Ẹkẹvuọvo Pita da ta, Ọshare na, mẹ riẹn obo wọ ta na-a. Siẹvuọvo na, ro je ghwa vwọ ta ota na, ọhọ de ghwe bo.

Iyẹnrẹ Esiri ri Mak 14:68

Ẹkẹvuọvo ọ da phrọ, tanẹ, Me riẹnrẹ-ẹ, mi ji vughe obo re wọ ta na-a; o de vrẹn yanran kpo obo unu rẹ egodo na, ọhọ de bo.

Iyẹnrẹ Esiri ri Mak 14:30

Jesu da ta kẹ, Uyota Me ta kẹ wẹ, nẹ nonẹ na, vwẹ ason nana, tavwe rẹ ọhọ ki bo asiava, wọ cha sen vwẹ asiarha.

Matiu 27:25

Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre.

Iguẹdjọ 21:18

Dede na avwanre cha rhọvwe vwẹ emetẹ rẹ avwanre kẹ ayen vwọ rọvwọ-ọ. Kidie ihwo rẹ Izrẹl duvwu iyori nure nẹ, Iyori dia kẹ ohwo rọ vwẹ aye kẹ Bẹnjamin vwọ rọvwọ.

Iguẹdjọ 17:2

Ọ da ta kẹ ọni rọye nẹ, ibro rẹ idọnọ ujọri uhwọvo ra reyọ mie we ye, ru wo duvwu iyori phihọ ye, re wọ ta ota rọye phihọ erhọn mẹ ye, nighe idọnọ na rhe vwe; Mẹvwẹ re reyerọ. Oni rọye da ta nẹ, Ebruba kẹ ọmọ mẹ vwẹ oma rẹ Ọrovwohwo na.

Matiu 26:34

Jesu da ta kẹ nẹ, uyota me ta kẹ wẹ na, vwẹ ason nana, bẹsiẹ rẹ ọhọ vwo bo, wọ sen vwẹ asiarha.

Matiu 26:73

Emerha ihwo ri mudia kẹrẹ na da ta kẹ Pita, uyota wọ vẹ ohwo na ghine hẹ usun, kidie ephẹrẹ wẹn ọvo tuwe phia.