Matiu 26:70 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷⁰ Ọ da ghwunu ta nẹ, Me riẹn obo ru wọ ta na-a.

Matiu 26:70 Referans Kwoze

1 Kọrẹnt 10:12

Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

Matiu 26:58

Ẹkẹvuọvo Pita de nene obobuko, re te ọguan rẹ orherẹn rode na, ọ da ro evun rẹ ọguan na, o de tidia vwẹ ohri rẹ ẹnọkpa na, rere ọ vwọ mrẹ obo re cha phia kẹ.

Matiu 26:56

Ẹkẹvuọvo enana ejobi ruru rere ebẹ ọfuanfo na vwọ gba. Idibo na ejobi da yan jovwo, ayen da djẹ.

Matiu 26:51

Nighe, ọvo vwẹ idibo ri Jesu na, rọ vẹ ọye gba hẹ etiyin na, de yoro ọlọkọ rọye nẹ ako rhe, ọ da nyavwe orhọn rẹ odibo rẹ orherẹn rode na nu.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Isẹ 29:23

Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

Isẹ 28:26

Ohwo rọ vwẹ ẹro so udu robọ rọye yẹ ẹkpa; ẹkẹvuọvo ohwo rọ vwẹ aghwanre yan ọye e che sivwi.

Matiu 26:69

Vwẹ ọke yena Pita tidia vwẹ otafe rẹ ọguan na, ọmọtẹ ọvo de bro rhe ta nẹ, Wo vi Jesu ri Galili na je hẹ usun.

Matiu 26:71

Ro vwo vrẹn kpo unu rẹ ọguan na ọmọtẹ ọfa da mrẹ, o da ta kẹ ihwo rẹ hẹ etiyin nẹ, Ohwo nana vi Jesu ri Nazarẹt je vwẹ usun.

Iyẹnrẹ Esiri ri Luk 22:57

Ẹkẹvuọvo ọ da phrọ, tanẹ, Aye, me riẹnrẹ-ẹ.