Matiu 26:52 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵² Jesu da ta kẹ nẹ, Phi ọlọkọ wẹn vwọ hẹ ako; kidie ohwo ro nyavwe ohwo hwe, ọlọkọ ọ je wa ghwu.

Matiu 26:52 Referans Kwoze

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

1 Pita 3:9

Wa vwẹ umwemwu hwa osa rẹ umwemwu-u eyẹ ekan hwa osa rẹ eka-an; ẹkẹvuọvo ukpe rẹ ọyena nẹ ẹrhovwo, kidie ọna e se ovwan rhe, rere ovwan vwo vwo ebruphihọ.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

1 Tẹsalonaika 5:15

We jẹn ohwo vwẹ umwemwu hwa osa rẹ umwemwu-u, ẹkẹvuọvo guọnọ emu esiri ru kẹ ohwohwo kugbe ihwo ejobi.

Matiu 5:39

ẹkẹvuọvo me ta kẹ wẹ nẹ, Wọ vẹ ohwo umwemwu sioma-a, ẹkẹvuọvo ohwo da teye owẹ ọhwa rẹ obọrhe, rhẹriẹ orivẹ kẹ.

Ẹyano 21:12

Ohwo kohwo rọ teye ohwo o de ghwu, ohwo yena e mi hwe ghwu.