Matiu 26:47 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁷ Ro ghwa vwọ ta ota na, no, Judas ọvo vwẹ ihwivẹ na da rhe vẹ ihwo buebu, vẹ elọkọ kugbe egbẹ, rẹ ilori rẹ irherẹn kugbe ekpako na ji rhe.

Matiu 26:47 Referans Kwoze

Iruo rẹ Iyinkọn na 1:16

Imoni, ọbe ọfuanfon na gbare rẹ Erhi Ọfuanfon wan unu rẹ Devid ta jovwo, kpahe Judas, ohwo rọ dia osun kẹ ayen otu ri mu Jesu.

Matiu 26:55

Vwẹ ọke yena, Jesu da ta kẹ ihwo na nẹ, Wa vwẹ elọkọ vẹ egbẹ bru vwe rhe kerẹ ohwo ro mu oji? Kẹdẹ kẹdẹ mi vwo yono vwẹ evun rẹ uwevwi rẹ ẹga na, ovwan se mu vwe-e.

Matiu 26:14

Ọvo vwẹ ihwivẹ na, re se Judas Iskariọt da yan bru ilori rẹ irherẹn na.

Matiu 26:46

We vrẹn ra yanran; nighe, ọ rọ cha shẹ vwẹ na te etinẹ nure.

Matiu 26:48

Ọ rọ shẹrẹ na da vwẹ oka kẹ ayen nẹ, ohwo kohwo re me fiọnfiọn unu ọye, ovwan muo.