Matiu 26:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Rhẹrẹ wa rẹ, rere we jẹ odavwini ẹruọ; erhi na rhọvwere, ẹkẹvuọvo ugboma vwiẹrẹ.

Matiu 26:41 Referans Kwoze

Iyẹnrẹ Esiri ri Luk 22:46

ọ da ta kẹ ayen, Die wa vwọ vwerhẹ? Vrẹn wa nẹ ẹrhovwo rere we vwo jẹ odavwini ẹruọ.

Iyẹnrẹ Esiri ri Mak 14:38

Ovwan rhẹrẹ re wa rẹ, re ovwan vwọ jẹ ọdavwini ẹruọ; uyota o ghine we erhi, ẹkẹvuọvo ugboma vwiẹre.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Ẹvwọphia 16:15

(Nighe, me cha kerẹ oji. Ebruba kẹ ohwo rọ sa hẹrhẹ, rọ sẹro rẹ iwun rọye rere o vwo je ban phihọ a da rha mrẹ ẹbẹban!)

1 Kọrẹnt 16:13

Wa rhẹrẹ, we mndia gan vwẹ esegbuyota rẹ ovwan, we yivwaro, wa gan oma.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

Matiu 24:42

Gba rhẹrẹ; kidie wọ cha riẹn ẹdẹ rẹ Ọrovwohwo cha vwọ rhe-e.

Ẹvwọphia 3:10

Fikiridie wọ yọnrọn ota mẹ vwe erhiori vẹ akoechiro na, ke me yọnrọn owẹ vwẹ ọke rẹ odavwini rọ cha akpọ na ejobi na, rọ cha davwe ihwo ejobi re dia akpọ na ni.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Iyẹnrẹ Esiri ri Luk 22:40

Ọke ro rhi vwo te asan na ọ da ta kẹ ayen, Nẹ ẹrhovwo rere we vwo jẹ odavwini ẹruọ.

Galesha 5:24

Ayen ihwo re dia ọ ri Kristi nure, ayen kanre ugboma na vẹ oja rọye kugbe ẹguọnọ rọye mu agbagba nure.

1 Kọrẹnt 9:27

ẹkẹvuọvo me nyẹ oma mẹ mi mi vwo kpotọ, ọ gbe dia ọtiọye-e ọke ri mi de ghwoghwo kẹ ihwo efa nu me da rha dia ọ ra djẹ ku fia.

Matiu 25:13

Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,

Une rẹ Ejiro 119:32

Me djẹ nene idjerhe rẹ irhi wẹn vwẹ ọke wọ da hẹrẹ erianriẹn mẹ phihọ!

Matiu 26:38

Ọ da ta kẹ ayen nẹ, Erhi mẹ vọnre vẹ uvwerhe, kugbe omaẹghwọrọ kẹ ughwu; we mudia etinẹ, rere we nene uvwe rhẹrẹ.

Une rẹ Ejiro 119:1

Ebruphihọ kẹ ayen otu re idjerhe rọye vwo abe-e, re yan phihọ evun rẹ urhi rẹ Ọrovwohwo na!

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Iyẹnrẹ Esiri ri Luk 11:4

vwẹ imwemwu rẹ avwanre ghovwo avwanre, kirobo ri me vwo ghovwo otu ri gbe avwanre ku; Wo si avwanre ro odavwini-i.

Iyẹnrẹ Esiri ri Luk 8:13

I ri she phiyọ enu rẹ oragha na ayen ihwo ri nyo ota na, ayen da vwẹ aghọghọ reyọ; ẹkẹvuọvo enana rhe vwo awọ-ọ, i de segbuyota emerha ọke rẹ odavwini ayen de she.

Une rẹ Ejiro 119:117

Yọnrọn ovwẹ, rere oma fu vwe rere mi se iji wẹn gbe emu kọke kọke!

Une rẹ Ejiro 119:115

Bi nu vwe oma, wẹ ohwo umwemwu, rere me sa yọnrọn irhi rẹ Ọghẹnẹ mẹ.