Matiu 26:39 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁹ Ọ da yan hẹ ọbaro emerha, o de she diguẹ, ọ da nẹ ẹrhovwo ta nẹ, E Ọsẹ mẹ, ọ da dia ẹrhọvwọ wẹn, jẹn uko nana wan vrẹn vwẹ; ẹkẹvuọvo ọ dia ẹguọnọ mẹ-ẹ, ru ẹguọnọ wẹn.

Matiu 26:39 Referans Kwoze

Iyẹnrẹ Esiri ri Jọn 6:38

Kidie mi nẹ obo odjuvwu rhe, rhi ru ọhọre mẹ-ẹ, ẹkẹvuọvo ọhọre rẹ ọ ro ji vwe rhe;

Filipae 2:8

Re vwo vwiẹ họhọ ohwo na ọ da vwẹ ọghọ kẹ oma rọye kẹ eriyin o mu ọghọ phihọ oma rhiri re te ughwu rẹ agbagba na.

Matiu 26:42

Obọ rivẹ o da rhoma yanran ra nẹ ẹrhovwo ta nẹ, E Ọsẹ mẹ, ọnana sa chọ vwẹ ra-a, jokpa nẹ me darọ, gbe ru ẹguọnọ wẹn.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

Iyẹnrẹ Esiri ri Jọn 5:30

Me sa vwẹ ogangan ru emuọvo-o; kirobo ri mi nyori, ọye mi guẹ nene; yẹ ẹdjọeguo mẹ ọ rẹ ọsoso, fikiridie mi ruẹ ọhọrobọ mẹ-ẹ ẹkẹvuọvo ọhore rẹ ọ ro ji vwe rhe.

Iyẹnrẹ Esiri ri Jọn 14:31

Mi ruẹ kirobo rẹ Ọsẹ na ji urhi kẹ vwẹ, rere akpọ na vwọ sa riẹn nẹ me guọnọ Ọsẹ na. Evrẹn, e jẹn a yanran.

Iyẹnrẹ Esiri ri Jọn 18:11

Jesu da ta kẹ Pita, Dje ọlọkọ wẹn vwọ hẹ ako rọye; Me rha da uko rẹ Ọsẹ mẹ vwọ kẹ vwẹ na?

Iyẹnrẹ Esiri ri Jọn 11:41

Ọtiọye na ayen de mu oragha na no. Jesu da kpare opharo rọye kpenu ọ da ta, Ọsẹ, me kpẹvwẹ owẹ ru wo vwo nyo vwe.

Matiu 20:22

Ẹkẹvuọvo Jesu da kpahe ọ da ta kẹ nẹ, Wọ riẹn obo wọ nọre na-a. Ovwan sa da uko re me cha da na? Ayen da rhọvwe nẹ, ayen sa da.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Izikiẹl 1:28

Kere uhoho rẹ aphoro vwẹ irharheghe vwẹ ẹdẹ rẹ osio, ọtiọye elo rẹ uhoho na epha riariẹ. Ọtiọye ekroma na họhọ urinrin rẹ Ọrovwohwo na. Ọke me vwọ mrẹ, mi de she bọvwọn opharo rhuotọ, mi de nyo urhuru rẹ ohwo ọvo rọ ta ota.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

Ukeri 14:5

Etiyin Mosis vẹ Erọn de she bọvwẹ opharo rhuotọ vwẹ obaro rẹ ọghwẹgbe rẹ ihwo rẹ Izrẹl na ejobi.

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

1 Ikun rẹ Ivie 21:16

Devid vwọ kpare ẹro kpenu ọ da mrẹ amakashe rẹ Ọrovwohwo ro mudia uherevie rẹ akpọ vẹ odjuvwu vẹ ọlọkọ rọ riẹn phihọ Jerusalẹm. Etiyin Devid vẹ ekpako na de ku esiso phihọ, ayen de she bọvwọ opharo rhuotọ.

Jẹnẹsis 17:3

Ebram de she bọvwọ opharo rhuotọ, Ọghẹnẹ da ta kẹ,

Iruo rẹ Iyinkọn na 10:25

Ọke rẹ Pita vwọ ro uwevwi nu, Kọniliọs de diguẹ te otọ kẹ ọ da gọ.

Iyẹnrẹ Esiri ri Luk 17:16

o de she bọvwọn opharo rhuotọ vwẹ awọ ri Jesu, rọ kpẹvwẹ. Asakiephana ohwo na kẹ ohwo ri Sameria.

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Aizaya 50:5

Ọrovwohwo Ọghẹnẹ rhie erhọn Me, Mi rhe vwo udu-u, Mi rhe chu uko kuo-o

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Iyẹnrẹ Esiri ri Jọn 5:19

Jesu da ta kẹ ayen, Uyota, uyota, me ta kẹ ovwan, Ọmọ na sa vwẹ ọhọrobọ rọye ru emuọvo-o, ẹkẹvuọvo obo rọ mrẹ Ọsẹ na ro ruẹ ọvo ọye o se ru; kidie obo ro ruẹ, ọye Ọmọ na ji ru rhe.