Matiu 26:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ọmọ rẹ ohwo cha yanran, kirobo re siro kpahọ; ẹkẹvuọvo ekan kẹ ohwo yena ra wan oma roye shẹ! o gbi fo rere e vwiẹ ohwo yena jovwo-o.

Matiu 26:24 Referans Kwoze

Iyẹnrẹ Esiri ri Luk 24:46

ọ da ra kẹ ayen, Enẹ e siro, nẹ Kristi na cha reoja vwẹ ẹdẹ rerha ko vrẹn nẹ ughwu,

Matiu 18:7

Ekan kẹ akpọ na fiki rẹ ogbarogba! o dianẹ ogbarogba karọ-ọ, ẹkẹvuọvo ekan kẹ ohwo rọ wan obọ rọye rhe.

1 Kọrẹnt 15:3

Kidie ọye hẹ obo ri me yovwi re me reyọre re me vwọ kẹ ovwan, nẹ Kristi ghwu kẹ imwemwu rẹ avwanre kirobo rẹ ọbe ọfuanfon na tarọ,

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Iyẹnrẹ Esiri ri Luk 22:22

Kidie Ọmọ rẹ ohwo yanran kirobo ra tarọ phihọ otọ; ẹkẹvuọvo ekan kẹ ohwo yena ra wan obọ rọye shẹ!

Iyẹnrẹ Esiri ri Mak 14:21

Kidie Ọmọ rẹ ohwo cha yanran kirobo re siro kpahọ: ẹkẹvuọvo ekan kẹ ohwo yena, ra wan oma rọye she Ọmọ rẹ ohwo! mane e rhe vwiẹ ohwo yena jovwo-o.

Matiu 26:54

Mavọ ẹbe ọfuanfon na ru sa gba nẹ, imu nana ejobi ki ru gba?

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Iyẹnrẹ Esiri ri Mak 9:12

Ọ da ta kẹ ayen, Ilaija re ka rhe, ọ mẹ rhe rhuẹrẹ emu na ejobi ru. kemavọ e siro kpahe Ọmọ rẹ ohwo nẹ, Ọ rẹ oja rẹ ẹmu buebu nẹ ayen cha vwọ jehwẹ?

Matiu 26:56

Ẹkẹvuọvo enana ejobi ruru rere ebẹ ọfuanfo na vwọ gba. Idibo na ejobi da yan jovwo, ayen da djẹ.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Une rẹ Ejiro 55:15

Gbe jẹn ughwu she teye ayen; jẹn ayen yan rọ Erivwi vẹ ẹro ọkpokpọ; jẹn ayen vwẹ uguegue yan ro ushi rayen.

Iruo rẹ Iyinkọn na 28:23

Ọke rẹ ayen vwo bru ẹdẹ kẹ nu, ayen buebu de bro rhe asan ro wori. Ọ da nabọ rhie ota na phihọ kẹ ayen nẹ irhiọke re te ovwọnvwọn, ro se oseri rẹ uvie rẹ Ọghẹnẹ na rere o vwo dje Jesu kẹ ayen nẹ evun rẹ urhi ri Mosis na kugbe emraro na rere o vwo mu ayen ẹro.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Iyẹnrẹ Esiri ri Jọn 19:28

Rẹ ọnana vwo wan nu ri Jesu vwọ riẹn nẹ emu na ejobi ru gba nure, rere ọbe ọfuanfon na vwọ gba, ọ da ta, Urhuru rẹ ame hwe vwe.

Iyẹnrẹ Esiri ri Jọn 19:24

Ọtiọye na ayen da ta kẹ ohwohwo, E jẹn avwanre bẹrẹ-ẹ, ẹkẹvuọvo e vwo duvwu itẹ re e vughe ohwo ro vwo. Ọnana kọye ọbe ọfuanfon na vwọ gba. Ayen ghare iwun mẹ kẹ oma rẹ ayen, ayen da vwẹ emwa mẹ duvwu itẹ.

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Matiu 26:31

Eriyin Jesu da ta kẹ ayen nẹ, Ovwan ejobi cha sen vwẹ vwẹ ason nana; kidie e siro nẹ, Me cha ghwiẹ osun igodẹ na, igodẹ na ke cha hra.